Click it and Unblock the Notifications
ഉറക്കെ വിളിച്ചോളൂ 'ലോര്ഡ്' ആള്ട്ടോ! ഥാറും ജിപ്സിയും സുല്ലിട്ട മഞ്ഞുമല പുഷ്പം പോലെ കീഴടക്കി-VIDEO
മാരുതി സുസുക്കി ഇന്നേവരെ ഇന്ത്യന് വിപണിയില് കൊണ്ടുവന്നതില് വെച്ച് ഏറ്റവും ജനപ്രിയമായ കാര് മോഡലുകള് എടുത്താല് അതില് ആള്ട്ടോ എന്ന പേര് നിശ്ചയമായും ഉണ്ടാകും. ആള്ട്ടോ 800 എന്ന മോഡല് കമ്പനി നിര്ത്തലാക്കിയെങ്കിലും ആദ്യമായി കാര് വാങ്ങുന്ന സാധാരണക്കാരന്റെ ചോയ്സ് ഇന്നും ആള്ട്ടോയാണ്. ആള്ട്ടോക്ക് യൂസ്ഡ് കാര് വിപണിയില് പോലും വമ്പന് ഡിമാന്ഡ് ആണ്. മാരുതിയുടെ കുഞ്ഞന് കാര് ആണെങ്കിലും ഇതിനെ ആരാധകര് 'ലോര്ഡ് ആള്ട്ടോ' എന്ന് വിളിക്കാറുണ്ട്. സോഷ്യല് മീഡിയയില് ഇപ്പോള് പ്രചരിച്ച് കൊണ്ടിരിക്കുന്ന ഒരു വീഡിയോ ആള്ട്ടോ എന്തുകൊണ്ട് ഈ വിശേഷണം അര്ഹിക്കുന്നു എന്ന് തെളിയിക്കുന്നതാണ്.
അതിശൈത്യത്തില് ഉത്തരേന്ത്യന് സംസ്ഥാനങ്ങള് മഞ്ഞില് പുതഞ്ഞ് കിടക്കുകയാണ്. മഞ്ഞുമൂടിയ മലനിരകളും കുന്നുകളും വിനോദസഞ്ചാരികളുടെ പ്രധാന ആകര്ഷണമായി മാറിയിരിക്കുന്നു. ഈ സന്ദര്ഭത്തില് ഈ കാഴ്ച ആസ്വദിക്കാന് പലരും തങ്ങളുടെ സ്വകാര്യ വാഹനങ്ങളില് ഇത്തരം വിനോദസഞ്ചാര കേന്ദ്രങ്ങളിലേക്ക് വെച്ചുപിടിക്കുന്നു. എന്നിരുന്നാലും, മഞ്ഞുമൂടിക്കിടക്കുന്ന ഇത്തരം പ്രദേശങ്ങളില് ലങ്ങളില് വാഹനമോടിക്കുക എന്നത് ഒരു തന്ത്രപരമായ ജോലിയാണ്.
സീസണ് ആരംഭിച്ച് കഴിഞ്ഞാല് ഉത്തരേന്ത്യയിലെ മലഞ്ചെരുവുകളിലൂടെ സഞ്ചരിക്കാന് ബുദ്ധിമുട്ടുന്ന ആളുകളുടെയും വാഹനങ്ങളുടെയും വീഡിയോകള് ഇന്റര്നെറ്റില് വൈറലാകാറുണ്ട്. പലപ്പോഴും ഫോര്വീല് ഡ്രൈവ് സംവിധാനമുള്ള കാറുകള് വരെ കുടുങ്ങിപ്പോകുന്ന സ്ഥിതിവിശേഷമുണ്ടാകാറുണ്ട്.
ഇവിടെയും സമാനമായ സംഭവമാണ് ഉണ്ടായത്. മഹീന്ദ്ര ഥാര്, മാരുതി സുസുക്കി ജിംനി, മാരുതി സുസുക്കി ജിപ്സി തുടങ്ങിയ കഴിവുറ്റ ഓഫ്-റോഡര് വാഹനങ്ങള് വരെ പരാജയപ്പെട്ട ഇടത്ത് ഒന്നാം തലമുറ മാരുതി സുസുക്കി ആള്ട്ടോ പുഷ്പം പോലെ കയറിപ്പോകുന്നതാണ് കാഴ്ച.
ഹിമാചല് പ്രദേശില് നിന്നുള്ള വീഡിയോയുടെ തുടക്കത്തില് ഒരു കറുത്ത മഹീന്ദ്ര ഥാര് കുത്തനെയുള്ളതും വെള്ളക്കെട്ടുള്ളതുമായ റൂട്ടില് കയറാന് ശ്രമിക്കുന്നതാണ് കാണാനാകുക. 4x4 സിസ്റ്റവും ഓഫ്-റോഡ് ക്രെഡന്ഷ്യലുകളും ഉണ്ടായിരുന്നിട്ടും മതിയായ ട്രാക്ഷന് കണ്ടെത്താന് എസ്യുവി പാടുപെട്ടു. തൊട്ടുപിന്നാലെ ശ്രമം നടത്തിയ മാരുതി സുസുക്കി ജിംനിയും സുസുക്കി ജിപ്സിയും സമാനമായ ബുദ്ധിമുട്ടുകള് നേരിട്ടു. അവയുടെ ടയറുകള് മഞ്ഞുപാളിയില് തെന്നിമാറുന്നുണ്ടായിരുന്നു.
അതേസമയം ആള്ട്ടോ അനായാസമായി അതേ പാതയിലൂടെ കയറിപ്പോയി. കടലാസില് പ്രത്യേക ഓഫ്-റോഡ് ശേഷിയുള്ള ടയറുകളും 4x4 സംവിധാനവുമുള്ള എസ്യുവികള് വളരെ കുറഞ്ഞ ട്രാക്ഷന് ഉപയോഗിച്ച് ഭൂപ്രദേശം നാവിഗേറ്റ് ചെയ്യുന്നതിന് ഏറ്റവും അനുയോജ്യമാണ്. എന്നാല് എല്ലാ സിദ്ധാന്തങ്ങള്ക്കും വിരുദ്ധമായി മാരുതി സുസുക്കി ആള്ട്ടോ ഒരു പ്രശ്നവുമില്ലാതെ എളുപ്പത്തില് മലകയറുന്നത് ഒറ്റനോട്ടത്തില് അതിശയിപ്പിക്കുന്നതായി തോന്നുന്നു.
മാരുതി സുസുക്കി ആള്ട്ടോയുടെ ഭാരം കുറഞ്ഞ ഫ്രെയിമും ഏറ്റവും വഴുവഴുപ്പുള്ള പാച്ചുകള് ഒഴിവാക്കാനുള്ള ഡ്രൈവറുടെ വൈദഗ്ധ്യവും ഈ ഉദ്യമം വിജയകരമാക്കുന്നതില് നിര്ണായക പങ്ക് വഹിച്ചു. ഹെ-എന്ഡ് ഓഫ്-റോഡിംഗ് സാങ്കേതികവിദ്യകളും കരുത്തുറ്റ എഞ്ചിനുകളുമുള്ള എസ്യുവികള് ഏറെ വിപണിയില് ഉണ്ടെങ്കിലും ഉത്തരേന്ത്യന് മലനിരകളില് ഏറ്റവും വ്യാപകമായി ഉപയോഗിക്കുന്ന കാറുകളിലൊന്നാണ് ആള്ട്ടോ.
ആള്ട്ടോ കാറിന്റെ ഫ്രണ്ട് ടയറുകളില് ചെയിനുകള് ഘടിപ്പിച്ചതായി വീഡിയോ സൂക്ഷ്മമായി നിരീക്ഷിക്കുമ്പോള് കാണാന് സാധിക്കും. മഞ്ഞുമൂടിയ റോഡില് ഗ്രിപ്പ് വര്ധിപ്പിക്കാന് ഇത് സഹായിക്കുന്നു. മഞ്ഞുവീഴ്ചയുള്ള റോഡുകളില് ചെയ്യുന്ന സാധാരണവും എന്നാല് വളരെ ഫലപ്രദവുമായ വിദ്യകളില് ഒന്നാണിത്. മഞ്ഞുവീഴ്ചയുള്ള റോഡുകളില് ഓള്-വീല് ഡ്രൈവ് (AWD) സാങ്കേതികവിദ്യയുള്ള പല ഹൈ-എന്ഡ് എസ്യുവികളും പരാജയപ്പെട്ടേക്കാം. വാഹനത്തിന്റെ ഭാരം പ്രധാന പങ്ക് വഹിക്കുന്നുണ്ടെങ്കിലും പാച്ചുകള് നാവിഗേറ്റ് ചെയ്യുന്നതിലും ഇത്തരം സാഹചര്യങ്ങള് നേരിടുന്നതിലുള്ള ഡ്രൈവറുടെ വൈദഗ്ധ്യവും നിര്ണായകമാണ്.
ട്രാക്ഷന് വര്ദ്ധിപ്പിക്കുന്നതിന് ടയറുകളിലെ എയര് പ്രഷര് കുറയ്ക്കുക, ഗ്രിപ്പ് വര്ധിപ്പിക്കാന് ടയറുകളില് ചെയിനുകള് ഉപയോഗിക്കുക, നല്ല ഗ്രിപ്പുള്ള ടയറുകള് ഉപയോഗിക്കുക തുടങ്ങിയ ലളിതവും എന്നാല് ഉപയോഗപ്രദവുമായ ട്രിക്കുകള് ഈ സാഹചര്യങ്ങളില് ഉപയോഗിച്ച് വിജയിച്ചവയാണ്. വെല്ലുവിളി നിറഞ്ഞ ഭൂപ്രദേശങ്ങള്ക്കായി പ്രത്യേകം രൂപകല്പ്പന ചെയ്ത വാഹനങ്ങളുടെ മേല് ആള്ട്ടോ നേടിയ വിജയം വ്യാപക പ്രശംസ ഉളവാക്കി. ഇത് ഹാച്ച്ബാക്കിന്റെ വിശ്വസ്തവും ബഹുമുഖവുമായ സഹചാരി എന്ന ഖ്യാതി വീണ്ടും ഉറപ്പിച്ചു.
Continue with Google