കിടിലൻ മോഡിഫിക്കേഷനുമായി ബ്രെസ്സ! ഐസ് ഗ്രേ ഇൻ്റീരിയറിൽ അടിപൊളി ലുക്ക്, വീഡിയോ വൈറൽ

ആഫ്റ്റർ മാർക്കറ്റ് കാർ ഷോപ്പുകൾ ജനങ്ങൾക്കിടയിൽ കൂടുതൽ പ്രചാരം നേടിക്കൊണ്ടിരിക്കുകയാണ്. ആളുകൾ അവരുടെ വാഹനങ്ങൾ ആൾക്കൂട്ടത്തിൽ നിന്ന് വേറിട്ട് നിർത്താൻ ആഗ്രഹിക്കുന്നത് കൊണ്ട് തന്നെ മികച്ച കസ്റ്റമൈസേഷൻ ഷോപ്പുകൾ തേടി ആളുകൾ പരക്കം പായുന്നത് പതിവാണ്. യൂട്യുബിലെ കാർ സ്റ്റൈൽ ഇൻ വൈറൽ വീഡിയോ പോസ്റ്റ് ചെയ്തിരിക്കുന്നത്. വെള്ള മാരുതി ബ്രെസ്സയാണ് വീഡിയോയിൽ കാണിക്കുന്നത്. അവിടെയുള്ള മറ്റ് ബ്രെസ്സ എസ്‌യുവികളിൽ നിന്ന് വ്യത്യസ്തമാക്കുന്നതിന് അവർ അതിൽ കാര്യമായ മാറ്റങ്ങൾ വരുത്തിയിട്ടുണ്ട്. മുൻവശത്ത്, കോംപാക്റ്റ് എസ്‌യുവിയുടെ മൊത്തത്തിലുള്ള റോഡ് സാന്നിധ്യത്തെ ഗണ്യമായി മാറ്റുന്ന ഒരു പുതിയ ഗ്രിൽ നൽകിയിരിക്കുന്നത് കാണാം.

അത് മാത്രമല്ല, വീൽ ആർച്ചുകൾക്കുള്ള ക്ലാഡിംഗുകൾക്കൊപ്പം ബമ്പറിന് വെള്ളയും നൽകിയിട്ടുണ്ട്. ക്യാബിനിനുള്ളിലേക്ക് നീങ്ങുമ്പോൾ, ടൺ കണക്കിന് അപ്ഡേഷനുകളാണ് വരുത്തിയിരിക്കുന്നത്. ക്യാബിനിലേക്ക് പ്രവേശിക്കുമ്പോൾ തന്നെ ആദ്യം ശ്രദ്ധിക്കുന്നത് ഡാഷ്‌ബോർഡിലെ സ്ലാബാണ്. അത് ക്യാബിൻ്റെ മുഴുവൻ ആകർഷണീയതയും ഉയർത്തുന്നു. ഈ പ്രദേശത്തിന് ചുറ്റും തിളങ്ങുന്ന കറുത്ത എലമെൻ്റുകളുണ്ട്. കൂടാതെ, ഡ്യുവൽ-ടോൺ സ്റ്റിയറിംഗ് വീൽ, സീറ്റുകൾ, ഡോർ പാനലുകൾ, സെൻ്റർ കൺസോൾ എന്നിവയുൾപ്പെടെ മുഴുവൻ അപ്ഹോൾസ്റ്ററിയും ഐസ് ഗ്രേ തീമിലാണ് പൂർത്തിയാക്കിയിരിക്കുന്നത്.

സ്റ്റിയറിംഗ് വീലിലെ ഐസ് ഗ്രേ സ്റ്റിച്ചിംഗ് പ്രത്യേകിച്ച് മികച്ചതായി കാണപ്പെടുന്നുണ്ട്. കംഫർട്ട് ലെവലുകൾ വർദ്ധിപ്പിക്കുന്നതിനായി കാർ ഷോപ്പ് സീറ്റുകളിൽ കൂടുതൽ കുഷ്യനിംഗ് ചേർത്തിട്ടുണ്ട്. ഇന്ത്യയില്‍ ഏറ്റവും കൂടുതല്‍ വില്‍ക്കപ്പെടുന്ന കാറുകളില്‍ ഒന്നാണ് മാരുതി ബ്രെസ. സബ് 4 മീറ്റര്‍ എസ്‌യുവി വിഭാഗത്തിലെ ജനപ്രിയ മോഡലുകളില്‍ ഒന്നാണ് ഇത്. 2022-ലാണ് രണ്ടാം തലമുറ ബ്രെസ ഇന്ത്യന്‍ വിപണിയില്‍ എത്തിയത്.

2023 മാര്‍ച്ചില്‍ സിഎന്‍ജി ഫ്യുവല്‍ ഓപ്ഷനുമായി വരുന്ന ഇന്ത്യയിലെ ആദ്യത്തെ കോംപാക്ട് എസ്‌യുവി മോഡലായി മാരുതി സുസുക്കി ബ്രെസ മാറി. LXi, VXi, ZXi, ZXi ഡ്യുവല്‍-ടോണ്‍ എന്നിങ്ങനെ നാല് വേരിയന്റുകളിലാണ് സിഎന്‍ജി ഓപ്ഷന്‍ വരുന്നത്. 2023 ജൂലൈയില്‍ എസ്‌യുവിയുടെ മാനുവല്‍ വേരിയന്റുകളിലെ സ്മാര്‍ട്ട് ഹൈബ്രിഡ് സാങ്കേതികവിദ്യ മാരുതി സുസുക്കി നീക്കംചെയ്തത് വലിയ വാര്‍ത്തയായിരുന്നു.

9.29 ലക്ഷം രൂപ മുതലാണ് ബ്രെസ സിഎന്‍ജി വേരിയന്റുകളുടെ വില ആരംഭിക്കുന്നത്. എക്‌സ്‌ഷോറൂം വിലയാണിത്. 102 bhp പവറും 137 Nm പീക്ക് ടോര്‍ക്കും വികസിപ്പിക്കാന്‍ ശേഷിയുള്ള 1.5 ലിറ്റര്‍ പെട്രോള്‍ എഞ്ചിനാണ് മാരുതി ബ്രെസയ്ക്ക് കരുത്തേകുന്നത്. ബൈ-ഫ്യുവലില്‍ ഓടുമ്പോള്‍ പെര്‍ഫോമന്‍സ് കണക്കുകള്‍ കുറയുമെന്ന് മാത്രം. അതായത് 88 bhp പവറില്‍ 121.5 Nm ടോര്‍ക്ക് മാത്രമാണ് സിഎന്‍ജി വേരിയന്റ് നല്‍കുക.

ഇത് 5 സ്പീഡ് മാനുവല്‍ ട്രാന്‍സ്മിഷനുമായി മാത്രമാണ് വിപണിയില്‍ എത്തുന്നത്. സിഎന്‍ജി പതിപ്പുകള്‍ക്ക് കിലോഗ്രാമിന് 25.51 കിലോമീറ്റര്‍ മൈലേജാണ് കമ്പനി പറയുന്നത്. വയർലെസ് ആപ്പിൾ കാർപ്ലേ, ആന്‍ഡ്രോയിഡ് ഓട്ടോ കണക്റ്റിവിറ്റിയുള്ള 9 ഇഞ്ച് സ്മാര്‍ട്ട്‌പ്ലേ പ്രോ പ്ലസ് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, 360-ഡിഗ്രി ക്യാമറ സിസ്റ്റം, ഓട്ടോമാറ്റിക് ക്ലൈമറ്റ് കണ്‍ട്രോള്‍, ആര്‍ക്കമിസില്‍ നിന്നുള്ള ഓഡിയോ സിസ്റ്റം, വയര്‍ലെസ് സ്മാര്‍ട്ട്ഫോണ്‍ ചാര്‍ജിംഗ് സൗകര്യം, സിംഗിള്‍ പാന്‍ സണ്‍റൂഫ്, ആറ് എയര്‍ബാഗുകള്‍, ഹെഡ്സ് അപ്പ് ഡിസ്‌പ്ലേ തുടങ്ങി ഫീച്ചര്‍ റിച്ചായ ക്യാബിനാണ് ഇതിന് ലഭിക്കുന്നത്.

ടാറ്റ നെക്‌സോണ്‍, ഹ്യുണ്ടായി വെന്യു, കിയ സോനെറ്റ്, നിസാന്‍ മാഗ്നൈറ്റ്, മഹീന്ദ്ര XUV300, റെനോ കൈഗര്‍, ടാറ്റ പഞ്ച്, ഹ്യുണ്ടായി എക്സ്റ്റര്‍ പോലുള്ള മോഡലുകളാണ് സെഗ്മെന്റില്‍ ബ്രെസയുടെ എതിരാളികള്‍. ഇലക്ട്രോണിക് സ്റ്റെബിലിറ്റി പ്രോഗ്രാമും ഹില്‍ഹോള്‍സ് അസിസ്റ്റും ഉൾപ്പടെ രണ്ട് സേഫ്റ്റി ഫീച്ചറുകള്‍ കൂടി ചേര്‍ത്ത് കാറിന്റെ സുരക്ഷ കൂട്ടിയ കമ്പനിയുടെ തീരുമാനം വില്‍പ്പനയിലും പ്രതിഫലിച്ചേക്കാം.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.