മാരുതി സുസുക്കി ജിംനിക്ക് 46 ലക്ഷം രൂപയോ, അമേരിക്കൻ മണ്ണിൽ ഇന്ത്യൻ മോഡൽ പായും

മാരുതി സുസുക്കി ജിംനിയുടെ പുതുമ ഇന്ത്യൻ വിപണിയിൽ കാണില്ല പക്ഷേ അന്താരാഷ്ട്ര വിപണിയിൽ, ഈ എസ്‌യുവിക്ക് ഒരു വലിയ ആരാധകവൃന്ദം തന്നെയുണ്ട് എന്ന് പറയാതിരിക്കാൻ കഴിയില്ല. സുസുക്കി ഒരിക്കലും യുണൈറ്റഡ് സ്റ്റേറ്റ്സിൽ ജിംനിയുടെ പുതിയ തലമുറ മോഡലിനെ ഔദ്യോഗികമായി വിൽപ്പനയ്ക്ക് എത്തിച്ചിട്ടില്ല. എന്നിരുന്നാലും, ഈ എസ്‌യുവിയുടെ ആരാധകർക്ക് കുറച്ച് ജിംനികളെ യുണൈറ്റഡ് സ്റ്റേറ്റ്സ് ഓഫ് അമേരിക്കയിലേക്ക് ഇറക്കുമതി ചെയ്യാൻ കഴിഞ്ഞിട്ടുണ്ട്. അടുത്തിടെ, ഇന്ത്യയിൽ ആദ്യമായി നിർമ്മിച്ച 2024 മാരുതി ജിംനി 5-ഡോർ അമേരിക്കയിൽ പൂർണമായും നിയമസാധുതയുള്ളതാണെന്ന് ഡീലർഷിപ്പ് അവകാശപ്പെടുന്നതോടെ ജിംനിയുടെ വിൽപ്പനയ്ക്കുള്ള പോസ്റ്റ് ഇപ്പോൾ ഇൻ്റർനെറ്റിൽ വൈറലായിരിക്കുകയാണ്.

ഈ ഇന്ത്യൻ നിർമിത മാരുതി സുസുക്കി ജിംനിയുടെ വിൽപ്പനയ്ക്കുള്ള പോസ്റ്റ് ഒക്‌ലഹോമയിലെ എക്‌സോട്ടിക് മോട്ടോർസ്‌പോർട്‌സ് ആണ് ഫേസ്ബുക്കിൽ പങ്കിട്ടിരിക്കുന്നത്. വിദേശ കാറുകൾ കൈകാര്യം ചെയ്യുന്ന ഒരു ഡീലർഷിപ്പാണിത്. യുണൈറ്റഡ് സ്റ്റേറ്റ്സ് ഓഫ് അമേരിക്കയിൽ വിൽക്കുന്ന ഈ ജിംനി ചുവപ്പ് നിറത്തിലുളളതാണ്. ഇത് ആൽഫ ഓട്ടോമാറ്റിക്ക് ട്രാൻസ്മിഷൻ വേരിയൻ്റാണെന്ന് തോന്നുന്നു. നിരവധി ആളുകൾ ഈ ഫോർ-സെയിൽ പോസ്റ്റ് കണ്ടിട്ടുണ്ട്, ഈ ജിംനി അമേരിക്കയിൽ വാഹനമോടിക്കുന്നത് നിയമപരമാണോ അല്ലയോ എന്നതാണ് എല്ലാവരുടേയും സംശയം.

ഡീലർഷിപ്പ് നൽകിയ വിവരമനുസരിച്ച്, ഈ ജിംനി 4,705 മൈൽ (7,571 കിലോമീറ്റർ) പിന്നിട്ടിരിക്കുകയാണ്.ചിത്രങ്ങളിൽ നിന്ന്, ഈ പ്രത്യേക ജിംനി തികച്ചും അതിശയകരവും പുതിയതുമായ അവസ്ഥയിലാണെന്നും നമുക്ക് ശ്രദ്ധിക്കാം. ഇതും വായിക്കുക: മാറ്റ് ബ്ലാക്ക് ജി-വാഗനിലേക്കുള്ള ഇന്ത്യയുടെ ആദ്യ മാരുതി ജിംനിയുടെ പരിവർത്തനം അതിശയിപ്പിക്കുന്നതായി തോന്നുന്നു [വീഡിയോ]

വാഹനത്തിൻ്റെ വിലയിലേക്ക് വരുമ്പോൾ, ഈ പ്രത്യേക ജിംനി 54,995 ഡോളർ എന്ന വില കേൾക്കുമ്പോൾ ഒന്ന് കിളി പാറിയേക്കാം. ഇന്ത്യൻ കറൻസിയിൽ ഇത് ഏകദേശം 46 ലക്ഷം രൂപയോളം വരും. അതേസമയം ഇന്ത്യയിലെ ജിംനിക്ക് 17 ലക്ഷം രൂപയ്ക്ക് താഴെയാണ് വിൽക്കുന്നത്. ഇതിനർത്ഥം ഈ പ്രത്യേക ജിമ്മി ഇന്ത്യയിൽ അതിൻ്റെ 2.7 ഇരട്ടി വിലയ്ക്കാണ് വിൽക്കുന്നത്.

കഴിഞ്ഞ വര്‍ഷം 2023 ഓട്ടോ എക്‌സ്‌പോയില്‍ വെച്ച് ഇന്ത്യന്‍ വിപണി ലക്ഷ്യം വെച്ച് ജിംനിയുടെ 5 ഡോര്‍ പതിപ്പ് ഇന്തോ-ജാപ്പനീസ് വാഹന നിര്‍മാതാക്കള്‍ അവതരിപ്പിച്ചു. മാസങ്ങള്‍ക്ക് ശേഷം വില പ്രഖ്യാപനവും നടത്തിയ 5 ഡോര്‍ ജിംനി വിദേശ വിപണികള്‍ക്കായി ഇന്ത്യയിലാണ് നിര്‍മിക്കുന്നത്. ഇന്ത്യന്‍ വിപണിയില്‍ മഹീന്ദ്ര ഥാറിന്റെ ജനപ്രിയതയ്ക്ക് മുന്നില്‍ പിടിച്ച് നില്‍ക്കാന്‍ പ്രയാസപ്പെടുന്നുണ്ടെങ്കിലും വിദേശത്ത് മികച്ച പ്രതികരണമാണ് എസ്‌യുവിക്ക് ലഭിക്കുന്നത്.

ഓസ്ട്രേലിയയില്‍ സുസുക്കി ജിംനി 3-ഡോര്‍ ജിംനിയെന്ന പേരിലും 5-ഡോര്‍ ജിംനി XL എന്ന പേരിലുമാണ് വില്‍ക്കുന്നത്. വലിയ ജിംനി XL-ന്റെ ഒരു ലിമിറ്റഡ് എഡിഷന്‍ പതിപ്പ് അടുത്തിടെ സുസുക്കി ഓസ്‌ട്രേലിയ പ്രഖ്യാപിച്ചിരുന്നു. ഹെറിറ്റേജ് എഡിഷന്‍ എന്ന് വിളിക്കപ്പെടുന്ന ഈ പ്രത്യേക പതിപ്പിലൂടെ 1970-1990 കാലഘട്ടത്തിലെ ജിംനിയുടെ ഊര്‍ജ്ജസ്വലമായ 4×4 ചരിത്രത്തെ ആഘോഷിക്കുകയാണ് കമ്പനി. 3-ഡോര്‍ ജിംനിയുടെ സമാനമായ ഹെറിറ്റേജ് പതിപ്പും പുറത്തിറക്കിയിരുന്നു. രണ്ട് ദിവസം കൊണ്ടാണ് അവ വിറ്റുതീര്‍ന്നത്.

ജിംനി XL ഹെറിറ്റേജ് എഡിഷന്റെ 500 യൂണിറ്റുകള്‍ മാത്രമാണ് സുസുക്കി വില്‍പ്പനക്കെത്തിക്കുക. ഇതിന്റെ വില പ്രഖ്യാപിച്ചിട്ടില്ല. ജിംനിയുടെ ഓഫ്-റോഡ് പൈതൃകം ആഘോഷിക്കാന്‍ സുസുക്കി റെട്രോ നിറങ്ങളാണ് എസ്‌യുവിക്ക് ചാര്‍ത്തിയിരിക്കുന്നത്. വൈറ്റ്, ബ്ലൂഷ് ബ്ലാക്ക് പേള്‍ റൂഫുള്ള ചിഫോണ്‍ ഐവറി, ജംഗിള്‍ ഗ്രീന്‍, ബ്ലൂഷ് ബ്ലാക്ക് പേള്‍, ഗ്രാനൈറ്റ് ഗ്രേ മെറ്റാലിക് എന്നിങ്ങനെ നാല് കളര്‍ ഓപ്ഷനുകളില്‍ ജിംനി XL ഹെറിറ്റേജ് എഡിഷന്‍ വാങ്ങാം.

ഇന്ത്യന്‍ മോഡലിന് സമാനമായ 1.5 ലിറ്റര്‍, ഫോര്‍ സിലിണ്ടര്‍ പെട്രോള്‍ എഞ്ചിനാണ് ഇതിന് തുടിപ്പേകുന്നത്. എന്നാല്‍ 100 bhp പവറും 130 Nm ടോര്‍ക്കും ഉല്‍പ്പാദിപ്പിക്കുന്ന തരത്തില്‍ എഞ്ചിന്‍ റീട്യൂണ്‍ ചെയ്തിട്ടുണ്ട്. ഇന്ത്യ സ്‌പെക്കിനേക്കാള്‍ 5 bhp പവറും 4 Nm ടോര്‍ക്കും കുറവാണ്. ജിംനി XL ഹെറിറ്റേജ് എഡിഷന്‍ 5-സ്പീഡ് മാനുവല്‍ ട്രാന്‍സ്മിഷന്‍ ഓപ്ഷനില്‍ മാത്രമേ ലഭ്യമാകൂ. എന്നാല്‍ സ്റ്റാന്‍ഡേര്‍ഡ് പതിപ്പിന് 4-സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക്ക് ട്രാന്‍സ്മിഷനും ലഭിക്കുന്നു.