സാധാരണക്കാരന്റെ കാറില്‍ കെജ്രിവാളിന്റെ മുന്നേറ്റം

അര്‍വിന്ദ് കെജ്രിവാളിന്റെ നിറം

നീല! നീല നിറമാണ് അര്‍വിന്ദ് കെജ്രിവാളിന്റെ വണ്ടിയുടെ നിറം. ഈ നിറം ആദര്‍ശത്തിന്റെ നിറമാണ് ഭാരതീയര്‍ക്ക്.

കെജ്രിവാളിന്റെ വില

3.61 ലക്ഷം രൂപയാണ് മാരുതി സുസൂക്കി വാഗണ്‍ ആറിന്റെ തുടക്കവില. ഇത് ദില്ലി എക്‌സ്‌ഷോറൂം വിലയാണ്. ഈ വിലയങ്ങോട്ട് കയറിക്കയറി 4.50 ലക്ഷം വരെ എത്തുന്നുണ്ട്. കെജ്രിവാളിന്റെ കാര്‍ കുറച്ച് പഴയതായതുകൊണ്ട് ഇത്രയൊന്നും വിലയായിരിക്കില്ല. ഏറ്റവുമുയര്‍ന്ന പതിപ്പില്‍ എയര്‍ബാഗും എബിഎസ്സുമുണ്ട്.

കെജ്രിവാളിന്റെ എന്‍ജിന്‍

ദില്ലി ഭരിക്കാന്‍ 1 ലിറ്റര്‍ എന്‍ജിനൊക്കം ധാരാളമാണെന്നേ കെജ്രിവാള്‍ പറയൂ. ഇതോടൊപ്പം ഒരു സിഎന്‍ജി പതിപ്പുകൂടി വാഹനത്തിനുണ്ട്.

കെജ്രിവാളിന്റെ കുതിരശക്തി

ഈ പെട്രോള്‍ എന്‍ജിന്‍ പകരുന്നത് 6200 ആര്‍പിഎമ്മില്‍ 67 കുതിരകളുടെ കരുത്ത് പകരുന്നുണ്ട്. സിഎന്‍ജിയോടൊപ്പം ഇത് 6200 ആര്‍ബിഎമ്മില്‍ 58 കുതിരശക്തിയായി കുറയും.

കെജ്രിവാളിന്റെ മൈലേജ്

വാഗണ്‍ ആറിന്റെ കെ സീരീസ് എന്‍ജിന്‍ പകരുന്നത് 18.9 കിലോമീറ്ററാണെന്ന് കമ്പനി അവകാശപ്പെടുന്നു. ഇത് ഹൈവേകളിലെ കാര്യം. സിറ്റികളില്‍ 14.2 കിലോമീറ്ററാണ് മൈലേജ്.

കെജ്രിവാളിന്റെ പുറംഭംഗി

പുതിയ വാഗണ്‍ ആര്‍ കുറെക്കൂടി സ്റ്റൈലിഷ് ആണ്. എന്നാല്‍ കെജ്രിവാളിന്റെ കാര്‍ കുറച്ച് പഴയതാണ്. പുതിയ വാഗണാറിലെ സ്‌റ്റൈലന്‍ ഹെഡ്‌ലാമ്പുകളടങ്ങിയ മുന്‍ഭാഗത്തിന്റെ ഡിസൈന്‍ കാറിന് റോഡില്‍ സാമാന്യം തരക്കേടില്ലാത്ത മാന്യത നല്‍കുന്നു.

കെജ്രിവാളിന്റെ അകഭംഗി

പുതിയ വാഗണ്‍ ആറിന്റെ അകം ഇരട്ടനിറങ്ങളില്‍ മനോഹരമായിരിക്കുന്നു. കാറിന്റെ മുന്‍കാബിനില്‍ എര്‍ഗണോമിക്‌സ് സശ്രദ്ധം പാലിക്കുന്നത് വെറുതെയൊരു നോട്ടത്തില്‍ നിന്നുതന്നെ മനസ്സിലാകും. ഏതൊരു മാരുതി കാറിനെയും പോലെ ഉയര്‍ന്ന വിശ്വാസ്യതയും കൂടിയ കാലത്തെ സേവനക്ഷമതയുമെല്ലാം കെജ്രിവാളിന്റെ കാറിന്റെയും ഗുണങ്ങളാണ്.