സോഷ്യൽ മീഡിയ കത്തിച്ച് മെഗാസ്റ്റാറിന്റെ ഗ്രാൻഡ് എൻട്രി, വന്നിറങ്ങിയ വണ്ടി ഏതെന്ന് അറിയാമോ?

കാലങ്ങളായി മലയാളികളുടെ മനസിൽ കൊടികുത്തി വാഴുന്ന പേരാണ് മമ്മൂട്ടി എന്നത്. 72 കാരനായ താരം തൻ്റെ വേഷങ്ങൾ, വസ്ത്രധാരണ രീതി, തന്റെ കാറുകൾ, ഗാഡ്ജറ്റുകളോടുള്ള താൽപര്യം എന്നിവയ്ക്ക് വളരെ പേരുകേട്ടതാണ്. മകൻ ദുൽഖർ സൽമാനൊപ്പം നിരവധി ലക്ഷ്വറി & എക്സോട്ടിക് കാറുകൾ മമ്മൂട്ടിക്ക് സ്വന്തമായുണ്ട്.

369 ഗാരേജ് എന്ന് ആരാധകർക്കിടയിൽ അറിയപ്പെടുന്ന ഈ ഗരാജ് ഏതൊരു വണ്ടിപ്രാന്തന്റേയും പറുദീസയാണ് എന്ന് പറയാം, ഒട്ടനവധി വിന്റേജ് & ക്ലാസിക് മോഡലുകളും ഇതിലുണ്ട്. മെഗാസ്റ്റാർ മമ്മൂട്ടിയുടെ ശേഖരത്തിലെ അത്തരമൊരു ക്ലാസിക് മോഡലാണ് മുൻ തലമുറ ലാൻഡ് റോവർ ഡിഫൻഡർ എസ്‌യുവി. അടുത്തിടെ ഒരു പരിപാടിക്കായി താരം ഈ ക്ലാസിക് എസ്‌യുവിയിൽ എത്തുന്നത് കണ്ടിരുന്നു.

വീഡിയോയിൽ, ഒരു ഹോട്ടലിൻ്റെ പൂമുഖത്തേക്ക് വൈറ്റ് നിറത്തിലുള്ള മുൻ തലമുറ ലാൻഡ് റോവർ ഡിഫൻഡർ എത്തുന്നത് നമുക്ക് കാണാം. തമിഴ്‌നാട് രജിസ്‌ട്രേഷനുള്ള ക്ലാസിക് എസ്‌യുവി നിർമ്മാതാവ് 2004 -ൽ പുറത്തിറക്കിയ മുൻ തലമുറ എസ്‌യുവിയാണ്. ലാൻഡ് റോവർ ഡിഫൻഡർ എസ്‌യുവി ഹോട്ടലിന് മുന്നിൽ നിർത്തിയപ്പോൾ, കോം ഡ്രൈവർ സീറ്റിൽ നിന്ന് മെഗാ സ്റ്റാർ വാഹനത്തിൽ നിന്ന് ഇറങ്ങുന്നതായി കാണാം.

പാസഞ്ചർ സീറ്റിൽ മമ്മൂട്ടിയെ നമ്മൾ വളരെ അപൂർവമായി മാത്രമേ കണ്ടിട്ടുള്ളൂ. തൻ്റെ പുതിയ ചിത്രമായ "ബ്രമയുഗ"ത്തിൻ്റെ പ്രമോഷനായി എത്തിയതായിരുന്നു അദ്ദേഹം. മമ്മൂക്ക എസ്‌യുവിയിൽ നിന്ന് ഇറങ്ങി ഹോട്ടലിലേക്ക് നടക്കുന്നു, അവിടെയാണ് വീഡിയോ അവസാനിക്കുന്നത്. വീഡിയോയിൽ കാണുന്ന ലാൻഡ് റോവർ ഡിഫൻഡറിൻ്റെ രജിസ്ട്രേഷൻ നമ്പർ ഞങ്ങൾ പരിശോധിച്ചപ്പോൾ എസ്‌യുവി യഥാർത്ഥത്തിൽ ദുൽഖർ സൽമാൻ്റെ പേരിലാണ് രജിസ്റ്റർ ചെയ്തിരിക്കുന്നത് എന്ന് കണ്ടെത്തി.

ക്ലാസിക് കാറുകളോടും എസ്‌യുവികളോടും വളരെയധികം സോഫ്റ്റ് കോർണർ ഉള്ള നടന്മാരിൽ ഒരാളാണ് ദുൽഖർ സൽമാൻ എന്ന് നമുക്കെല്ലാവർക്കും അറിയാം. ദുൽഖറിൻ്റെ ശേഖരത്തിൽ വിലകൂടിയതും വിദേശീയവും അപൂർവവുമായ ഒട്ടനവധി കാറുകളുണ്ട്. അല്പം ഹിസ്റ്ററിയും കഥകളുമുള്ള കാറുകൾ വാങ്ങാൻ ഇഷ്ടപ്പെടുന്ന വ്യക്തികളിൽ ഒരാളാണ് അദ്ദേഹം.

വീഡിയോ അനുസരിച്ച്, ഇവിടെ കാണുന്ന എസ്‌യുവിക്ക് TD 5 എഞ്ചിനാണ് ലഭിക്കുന്നത്. 1998 -ലാണ് ഈ എഞ്ചിൻ ലാൻഡ് റോവർ യഥാർത്ഥത്തിൽ ഡിഫൻഡറിൽ അവതരിപ്പിച്ചത്. ഏകദേശം 122 bhp മാക്സ് പവർ ഉത്പാദിപ്പിക്കുന്ന 2.5 ലിറ്റർ ഫൈവ് സിലിണ്ടർ ടർബോചാർജ്ഡ് ഡീസൽ എഞ്ചിനായിരുന്നു ഇത്.

എസ്‌യുവിയിൽ TD 5 എഞ്ചിൻ സജ്ജീകരിച്ചിട്ടുണ്ടെന്ന് പോസ്റ്റിൽ പരാമർശിക്കുമ്പോൾ, ഇവിടെ കാണുന്ന എസ്‌യുവി 2004 മാനുഫാക്ടർ ചെയ്തതാണ് എന്നും 2012 -ലാണ് ഇപ്പോഴത്തെ നമ്പറിൽ റജിസ്റ്റർ ചെയ്തിരിക്കുന്നത് എന്നും വ്യക്തമാണ്, ആയതിനാൽ ഇതേ എഞ്ചിൻ തന്നെയാണോ ഹുഡിന് അടിയിൽ എന്നതിനെക്കുറിച്ച് വ്യക്തമല്ല.

2012 മോഡൽ ഡിഫെൻഡർ 2.2 ലിറ്റർ ഡീസൽ എഞ്ചിനിലാണ് വന്നിരുന്നത്. മലയാള സിനിമയിൽ മുൻ തലമുറയിലെയും ഇന്നത്തെ തലമുറയിലെയും ഡിഫൻഡർ മോഡലുകളുടെ ഉടമകൾ മമ്മൂട്ടിയും ദുൽഖർ സൽമാനും മാത്രമായിരിക്കും. ആധുനികവും സാങ്കേതികവിദ്യ നിറഞ്ഞതുമായ വസ്തുക്കളും വാഹനങ്ങളും മമ്മൂട്ടിക്ക് ഇഷ്ടമാണ്, അതേസമയം ദുൽഖർ സൽമാന് ഡിഫൻഡർ, മെർസിഡീസ് ബെൻഡ് W123 പോലുള്ള ക്ലാസിക് കാറുകളാണ് കൂടുതൽ ഇഷ്ടം.

പഴയ തലമുറ ലാൻഡ് ക്രൂയിസറുകൾ, നിസാൻ പട്രോൾ തുടങ്ങിയ കാറുകളും ഈ അച്ഛൻ-മകൻ ജോഡിക്ക് തങ്ങളുടെ കളക്ഷന്റെ ഭാഗമായിട്ടുണ്ട്. മമ്മൂട്ടി സ്വന്തമാക്കി ഏറ്റവും പുതിയ കാർ എന്നത്, മാഗ്മ ഓറഞ്ച് ഷേഡിലുള്ള പുതിയ മെർസിഡീസ് ബെൻസ് AMG A45 S ഹോട്ട് ഹാച്ച്ബാക്കാണ്.

ഒരുകാലത്ത് ഇന്ത്യൻ വിപണിയിൽ ലഭ്യമായിരുന്ന A -ക്ലാസ് ഹാച്ച്ബാക്കിൻ്റെ പെർഫോമൻസ് വേരിയന്റാണിത്. 415 bhp മാക്സ് പവറും 500 Nm പീക്ക് torque ഉം സൃഷ്ടിക്കുന്ന 2.0 ലിറ്റർ ടർബോചാർജ്ഡ് പെട്രോൾ എഞ്ചിനാണ് ഇതിന് കരുത്തേകുന്നത്. എഞ്ചിൻ എട്ട് സ്പീഡ് ഓട്ടോമാറ്റിക് ട്രാൻസ്മിഷനുമായി കണക്ട് ചെയ്തിരിക്കുന്നു, കൂടാതെ പവർ നാല് വീലുകളിലേക്കും അയയ്ക്കുന്നു. ഈ പെർഫോമെൻസ് ഹാച്ച്ബാക്കിൻ്റെ എക്സ്-ഷോറൂം വില 92.50 ലക്ഷം രൂപ മുതലാണ് ആരംഭിക്കുന്നത്.