വെളളപ്പൊക്കത്തിന് എന്ത് ബെൻസ് ; വീഡിയോ വൈറൽ

ഹിമാചൽ പ്രദേശിൽ കനത്ത മഴയും മേഘവിസ്ഫോടനം വെള്ളപ്പൊക്കം എന്നിവയെക്കുറിച്ചുള്ള വാർത്തകളാണ് പുറത്തു വരുന്നത്. ഇത് നിരവധി ആളുകളുടെ ജീവിതത്തെ കാര്യമായി ബാധിച്ചിട്ടുമുണ്ട്. പലയിടത്തും റോഡുകൾ ഒലിച്ചുപോയതിനാൽ ആളുകൾ ഒറ്റപ്പെട്ട അവസ്ഥയിലാണ്. തകർന്ന കെട്ടിടങ്ങളും സ്ഥാപനങ്ങളും വീഡിയോകൾ ഓൺലൈനിൽ പ്രത്യക്ഷപ്പെട്ടിരിക്കുകയാണ്. ഈ പ്രകൃതിദുരന്തത്തിൽ നിരവധി ജീവൻ നഷ്ടപ്പെടുകയും സ്വത്തുക്കൾക്ക് കേടുപാടുകൾ സംഭവിക്കുകയും ചെയ്തു.

വെള്ളപ്പൊക്കത്തിൽ നിരവധി വാഹനങ്ങളും ഒലിച്ചുപോയിട്ടുണ്ട്. അത്തരത്തിലുള്ള ഒരു വീഡിയോയിൽ മെഴ്‌സിഡസ്-ബെൻസ് ഇ-ക്ലാസ് ലക്ഷ്വറി സെഡാൻ വെള്ളപ്പൊക്കത്തെ തുടർന്ന് നദിയിൽ ഒലിച്ചുപോയതാണ് ഇപ്പോൾ വൈറലായിരിക്കുന്നത്. വീഡിയോയിൽ, ഒരു മെഴ്‌സിഡസ്-ബെൻസ് ഇ-ക്ലാസ് സെഡാൻ നദീതീരത്ത് കേടായി കിടക്കുന്നത് കാണാം. പെട്ടെന്നുളള വെള്ളപ്പൊക്കത്തിൽ ആഡംബര സെഡാൻ ഒലിച്ചുപോയതായി അറ്റാച്ചുചെയ്ത വീഡിയോ ക്ലിപ്പിൽ കാണുന്നുണ്ട്.

മൺസൂൺ കാലത്ത്, ഹിമാചലിലും ഉത്തരേന്ത്യയിലെ മറ്റ് പർവതപ്രദേശങ്ങളിലും മണ്ണിടിച്ചിലുകൾ സാധാരണമാണ്. നദികളോട് ചേർന്നുള്ള റോഡുകളിൽ പാർക്ക് ചെയ്തിരുന്ന കാറുകൾ റോഡ് തകർന്നതിനെ തുടർന്ന് വെള്ളത്തിൽ വീണ സംഭവങ്ങൾ ഉണ്ടായിട്ടുണ്ട്. ഈ കേസിൽ സമാനമായ ഒരു സാഹചര്യം ഉണ്ടായേക്കാം. വീഡിയോ ക്ലിപ്പിൽ, കറുത്ത ആഡംബര സെഡാൻ ചെളിയിൽ പൊതിഞ്ഞ് നദിയുടെ ഒഴുക്കിനൊപ്പം നീങ്ങുന്നത് കാണാൻ കഴിയും.

ജലനിരപ്പ് താഴ്ന്നതോടെ പാറ നിറഞ്ഞ കരയിൽ കാർ കുടുങ്ങി കിടക്കുകയാണ്. പെട്ടെന്നുളള വെള്ളപ്പൊക്കത്തിൽ ഒഴുകിപ്പോയതിനാൽ വീഡിയോയുടെ നോക്കുകയാണെങ്കിൽ, സെഡാന്റെ മുന്നിലെയും പിന്നിലെയും ബമ്പറുകൾക്ക് മാത്രമാണ് കേടുപാടുകൾ സംഭവിച്ചതെന്ന് തോന്നുന്നു. എന്നിരുന്നാലും, കാറിന്റെ ഉൾവശം ചെളി നിറഞ്ഞിരിക്കാനും അതിന്റെ മിക്ക ഇലക്ട്രിക്കൽ ഘടകങ്ങൾക്കും കേടുപാടുകൾ സംഭവിക്കാനും സാധ്യതയുണ്ട്. കാറിന്റെ എൻജിനിൽ വെള്ളം കയറാനും സാധ്യതയുണ്ട്.

കാർ റിപ്പെയർ ചെയ്യുക എന്നതാണ് ഉടമ നേരിടുന്ന മറ്റൊരു വെല്ലുവിളി. കാറിന്റെ നിലവിലെ ലൊക്കേഷൻ ഒരു കാർ അല്ലെങ്കിൽ ക്രെയിൻ വഴി ആക്‌സസ് ചെയ്യാൻ കഴിയുമോ എന്നതാണ് മറ്റൊരു പ്രശ്നം. ഇല്ലെങ്കിൽ, കാർ വീണ്ടെടുക്കുന്നത് കാര്യമായ വെല്ലുവിളി ഉയർത്തും. ഹിമാചൽ പ്രദേശിൽ സംഘർഷാവസ്ഥ ഇപ്പോഴും തുടരുകയാണ്. ഹിമാചൽ പ്രദേശിലെ 9 ജില്ലകളിൽ വെള്ളപ്പൊക്ക മുന്നറിയിപ്പിനൊപ്പം ഇന്ത്യൻ കാലാവസ്ഥാ വകുപ്പ് ഓഗസ്റ്റ് 25, 26 തീയതികളിൽ യെല്ലോ അലർട്ടും പുറപ്പെടുവിച്ചിട്ടുണ്ട്.

അംഗീകൃത സർവീസ് സെന്ററിൽ വിളിച്ച് ഒരു വിദഗ്ദ്ധനെക്കൊണ്ട് കാർ വലിച്ചുകൊണ്ടുപോകുന്നതാണ് ഉചിതം. ഇതാണ് ശരിയായ ആദ്യ തീരുമാനങ്ങളിൽ ഒന്ന്. പക്ഷേ, വാഹനങ്ങൾ സ്വയം പരിപാലിക്കാൻ ഇഷ്ടപ്പെടുന്ന ചിലരുണ്ട്. ഇത്തരക്കാർ ശ്രദ്ധിക്കേണ്ട ആദ്യ കാര്യങ്ങളിൽ ഒന്ന് പറയാം. ആദ്യമേ കാർ സ്റ്റാർട്ട് ചെയ്യാൻ ശ്രമിക്കുന്നതാവും പലരും ചെയ്യുന്ന കാര്യം. എന്നാൽ വാഹനത്തിനുള്ളിൽ വെള്ളം കയറി എന്ന് തോന്നിയാൽ ഒരു കാരണവശാലും വാഹനം സ്റ്റാർട്ട് ചെയ്യാതിരിക്കുക.

ബാറ്ററി ടെർമിനലുകൾ വിച്ഛേദിക്കുകയാണ് അടുത്തതായി ചെയ്യേണ്ടത്. മിക്കവാറും എല്ലാ കാറുകൾക്കും കാറിനുള്ളിൽ ബോണറ്റ് റിലീസ് സംവിധാനം ഉണ്ടാവും. കാറിന്റെ ബോണറ്റ് തുറന്ന് ബാറ്ററി ടെർമിനലുകൾ വിച്ഛേദിക്കാം. വെള്ളം ഷോർട്ട് സർക്യൂട്ടുകൾ ഉണ്ടാക്കാതിരിക്കാൻ ഇത് ഒരു അധിക സുരക്ഷാ നടപടിയാണ്. ഇല്ലെങ്കിൽ ഇത് പിന്നീട് ഇരട്ടിപണിയാവാനും സാധ്യതയുണ്ട്. നടപടി അറിയില്ലെങ്കിൽ ഒരു മെക്കാനിക്കിനെ വിളിച്ച് ചെയ്യിപ്പിക്കുന്നതാവും ഉചിതം.

വയറിംഗിന് കേടുപാടുകളൊന്നും ഇല്ലെന്ന് ഉറപ്പുവരുത്തിയതിനു ശേഷം, അടുത്ത ഘട്ടം ഫ്ലൂയിഡുകൾ മാറ്റുക എന്നതാണ് അടുത്തതായി ചെയ്യേണ്ടത്. എഞ്ചിൻ ഓയിൽ, ഗിയർബോക്സ് ഓയിൽ, ഡിഫറൻഷ്യൽ ഓയിൽ, പവർ സ്റ്റിയറിംഗ് ഫ്ലൂയിഡ്, ക്ലച്ച് ഫ്ലൂയിഡ് എന്നിവയാണ് മാറ്റേണ്ടത്. കൂളൻ്റും മാറ്റാൻ മറക്കേണ്ട. ഇതുചെയ്‌തില്ലെങ്കിൽ അഴുക്ക് വെള്ളം ആകസ്മികമായി സിസ്റ്റത്തിലേക്ക് പ്രവേശിക്കുന്നതിനും അത് കൂടുതൽ തകരാറിലേക്കും നയിച്ചേക്കാം. കൂടാതെ, എയർ ഫിൽട്ടർ മാറ്റുകയും വേണം.

എല്ലാ ഫ്ലൂയിഡുകളും മാറ്റിക്കഴിഞ്ഞാൽ അടുത്ത ഘട്ടം ഫ്യുവൽ ടാങ്കിൽ വെള്ളം കയറാൻ സാധ്യതയുള്ളതിനാൽ അത് കളയുകയാണ് വേണ്ടത്. ഇന്ധനത്തോടുകൂടിയ ഏത് വെള്ളവും സിലിണ്ടറുകൾ, ഫ്യൂവൽ ഇൻജക്ടറുകൾ/കാർബുറേറ്ററുകൾ, മറ്റ് ഘടകങ്ങൾ എന്നിവയ്ക്ക് പ്രശ്‌നമുണ്ടാക്കും. ആയതിനാൽ ഇത് പൂർണമായും ഊറ്റി വീണ്ടും നിറയ്ക്കുകയാണ് വേണ്ടത്. ഇത്രയും ചെയ്‌തു കഴിഞ്ഞാൽ ടെർമിനലുകൾ ബന്ധിപ്പിച്ച് കാർ സ്റ്റാർട്ട് അപ്പ് ചെയ്യാം.