റേസ് കാർ രൂപത്തിൽ ഉല്ലാസബോട്ടുമായി ബെൻസ്

ലണ്ടൻ കേന്ദ്രീകരിച്ചുള്ള സിൽവർ ആരോ മറൈൻ എന്ന ഡിസൈൻ കമ്പനിയുമായുള്ള പങ്കാളിത്തത്തിലാണ് ബോട്ട് നിർമാണം നടത്തിയിട്ടുള്ളത്.

മറ്റ് ക്രൂസ് ബോട്ടുകൾക്ക് സമാനമായ ആഡംബര സൗകര്യങ്ങളാണ് കാറിന്റെ രൂപഘടനയുള്ള ഈ ബോട്ടിലും ഉൾക്കൊള്ളിച്ചിരിക്കുന്നത്.

ബെൻസിന്റെ റേസിംഗ് കാറുകളെ അനുകരിച്ചാണ് ബോട്ടിന്റെ ഡിസൈൻ നടത്തിയിരിക്കുന്നത്.

നിലവിൽ ബോട്ടിന്റെ പത്ത് യൂണിറ്റുകൾ മാത്രമാണ് നിർമ്മിച്ചിട്ടുള്ളതെന്ന് കമ്പനി വ്യക്തമാക്കി.

സൂര്യപ്രകാശത്തിന് അനുസരിച്ച് സ്വയമേവ നിറം മാറുന്ന വിന്റോ, വൈൻ സെല്ലാർ, ഓഡിയോ സിസ്റ്റം എന്നീ ഫീച്ചറുകളാണ് ബോട്ടിന്റെ മറ്റ് പ്രത്യേകതകൾ.

960 കുതിരശക്തിയുള്ള രണ്ട് യാൻമാർ ഡീസൽ എൻജിനാണ് ബോട്ടിന് കരുത്ത് പകരനായി ഉപയോഗിച്ചിരിക്കുന്നത്.

ലെതർ, വുഡ് പാനൽ എന്നിവ കൊണ്ടാണ് ഇന്റീരിയർ നിർമാണം നടത്തിയിരിക്കുന്നത്.

പത്ത് പേർക്ക് സുഖകരമായി ഇരിക്കാനുള്ള സുഖസൗകര്യങ്ങളാണ് ബോട്ടിനകത്ത് ഒരുക്കിയിട്ടുള്ളത്.

28 മുതൽ 30 നോട്ട് (ഏകദേശം മണിക്കൂറിൽ 46മൈൽ) വരെയാണ് ശാന്തമായ കടലിലുള്ള ഈ ബോട്ടിന്റെ വേഗത.

ബെൻസിന്റെ എഫ്015, കൺസെപ്റ്റ് ഐഎഎ വെഹിക്കിളുകളിൽ നിന്നും പ്രചോദനം കൊണ്ടാണ് ബോട്ടിന് സിൽവർ എക്സ്റ്റീരിയർ നൽകിയിരിക്കുന്നത്.

റോൾസ് റോയിസിന്റെ 450ഇഎക്സ്, ആസ്റ്റൺ മാർട്ടിൻ, ക്വിന്റിസെൻസ് എന്നിവരുടെ ഉല്ലാസബോട്ടുകൾക്ക് എതിരായിട്ടാണ് ബെൻസ് സിൽവർ ആരോ ഓഫ് ദ സീസ് എന്ന ഉല്ലാസ ബോട്ടിനെ ഇറക്കിയിരിക്കുന്നത്.

ഹെൻറിക് ഫിസ്കറിന്റെ ഭാവനയിലുദിച്ച ഉല്ലാസനൗക

ഈ ബസ് കരയിൽ മാത്രമല്ല വെള്ളത്തിലും ഓടും