MG Astor മുതൽ Hyundai Creta വരെ; പനോരമിക് സണ്‍റൂഫ് വാഗ്ദാനം ചെയ്യുന്ന മികച്ച കാറുകള്‍

പനോരമിക് സണ്‍റൂഫിന്റെ സാന്നിധ്യം ഇപ്പോള്‍ വാങ്ങല്‍ തീരുമാനത്തില്‍ വലിയ പങ്ക് വഹിക്കുകയും ചെയ്യുന്നുണ്ട്. കാരണം ഈ സവിശേഷത ഇന്ത്യന്‍ ഉപഭോക്താക്കളില്‍ ആദ്യ മതിപ്പ് ശരിക്കും മെച്ചപ്പെടുത്തുന്നുവെന്നാണ് കമ്പനികള്‍ പറയുന്നത്. അതിനാല്‍, ഇന്ത്യയിലെ പനോരമിക് സണ്‍റൂഫുകളുള്ള മികച്ച 5 കാറുകളുടെ ലിസ്റ്റാണ് ഇവിടെ പങ്കുവെയ്ക്കുന്നത്.

മഹീന്ദ്ര XUV700

പുതിയ മഹീന്ദ്ര XUV700 സവിശേഷതകള്‍ നിറഞ്ഞൊരു മോഡലാണ്. പനോരമിക് സണ്‍റൂഫുള്ള ഇന്ത്യയിലെ ഏറ്റവും താങ്ങാനാവുന്ന കാറുകളില്‍ ഒന്നാണിത്.

എന്നിരുന്നാലും, മഹീന്ദ്ര XUV700-ന്റെ AX5 ട്രിം ലെവലില്‍ നിന്നാണ് പനോരമിക് സണ്‍റൂഫ് വാഗ്ദാനം ചെയ്യുന്നത്. അഡ്വാന്‍സ്ഡ് ഡ്രൈവര്‍ അസിസ്റ്റന്‍സ് സിസ്റ്റങ്ങളും (ADAS) എസ്‌യുവിയുടെ സവിശേഷതയാണ്.

മഹീന്ദ്ര XUV700-ല്‍ രണ്ട് ഡീസല്‍ എഞ്ചിനുകളും ഒരു പെട്രോള്‍ എഞ്ചിന്‍ ഓപ്ഷനിലും തിരഞ്ഞെടുക്കാം. പെട്രോള്‍ എഞ്ചിന്‍ 2.0 ലിറ്റര്‍ ടര്‍ബോചാര്‍ജ്ഡ് യൂണിറ്റാണ്. ഇത് 197 bhp പീക്ക് പവര്‍ വാഗ്ദാനം ചെയ്യുന്നു.

മറുവശത്ത്, ഡീസല്‍ എഞ്ചിന്‍ ഓപ്ഷനുകളുടെ രണ്ട് ആവര്‍ത്തനവും 2.2-ലിറ്ററാണ്. കൂടുതല്‍ കരുത്തുറ്റ പതിപ്പ് 182 bhp പവര്‍ പുറപ്പെടുവിക്കുമ്പോള്‍, അടിസ്ഥാന പതിപ്പ് 153 bhp പവര്‍ പുറപ്പെടുവിക്കുന്നു. പനോരമിക് സണ്‍റൂഫിന് പുറമെ, XUV700 മികച്ച ഫീച്ചറുകള്‍, സുരക്ഷ, പവര്‍ട്രെയിന്‍ ഓപ്ഷനുകള്‍ എന്നിവയും വാഗ്ദാനം ചെയ്യുന്നു.

എംജി ആസ്റ്റര്‍

ഓള്‍-ഇലക്ട്രിക് എംജി ZS ഇവിയുടെ പെട്രോള്‍-മാത്രം പതിപ്പാണ് എംജി ആസ്റ്റര്‍, ADAS-ല്‍ വരുന്ന ഇന്ത്യയിലെ ഏറ്റവും താങ്ങാനാവുന്ന വാഹനമാണിത്. എല്ലാ എംജി മോഡലുകളെയും പോലെ, ആസ്റ്ററും നിരവധി സവിശേഷതകള്‍ നിറഞ്ഞതാണ്. എന്നിരുന്നാലും, 'ഷാര്‍പ്പ്' ട്രിം ലെവല്‍ മുതല്‍ പനോരമിക് സണ്‍റൂഫ് വാഗ്ദാനം ചെയ്യുന്നു.

രണ്ട് എഞ്ചിന്‍ ഓപ്ഷനുകളാണ് എംജി ആസ്റ്ററിന് കരുത്തേകുന്നത്. 108.5 bhp കരുത്തുള്ള 1.5 ലിറ്റര്‍ പെട്രോള്‍ എഞ്ചിനാണ് ആദ്യ എഞ്ചിന്‍ ഓപ്ഷന്‍. രണ്ടാമത്തേത് 138 bhp കരുത്തുള്ള കൂടുതല്‍ ശക്തമായ ടര്‍ബോചാര്‍ജ്ഡ് 1.3 ലിറ്റര്‍ പെട്രോള്‍ എഞ്ചിനാണ്. ഇന്ത്യയിലെ പനോരമിക് സണ്‍റൂഫുള്ള ഏറ്റവും താങ്ങാനാവുന്ന എസ്‌യുവികളില്‍ ഒന്നാണ് ഇത്.

ഹ്യുണ്ടായി ക്രെറ്റ

ഇന്ത്യയില്‍ ഏറ്റവുമധികം വിറ്റഴിക്കപ്പെടുന്ന എസ്‌യുവികളില്‍ ഒന്നാണ് ഹ്യുണ്ടായി ക്രെറ്റ, ഇന്ത്യയില്‍ ഹ്യുണ്ടായിക്കായി സ്ഥിരതയാര്‍ന്ന പ്രകടനവും വാഹനം കാഴ്ചവെയ്ക്കുന്നു.

എല്ലാ ഹ്യുണ്ടായി വാഹനങ്ങളെയും പോലെ, ക്രെറ്റയും ഏറ്റവും പുതിയ എല്ലാ ഫീച്ചറുകളും നിറഞ്ഞതാണ്, കൂടാതെ 'SX' ട്രിം ലെവലില്‍ നിന്ന് ലഭ്യമാകുന്ന വലിയ പനോരമിക് സണ്‍റൂഫും ലഭ്യമാണ്.

മൂന്ന് വ്യത്യസ്ത എഞ്ചിന്‍ ഓപ്ഷനുകളിലാണ് ഹ്യുണ്ടായി ക്രെറ്റ വാഗ്ദാനം ചെയ്യുന്നത്. 1.5 ലിറ്റര്‍ ഡീസല്‍ യൂണിറ്റ് ഏറ്റവും ജനപ്രിയമാണ്, ഈ യൂണിറ്റ് 113.45 bhp പവര്‍ ഉത്പാദിപ്പിക്കുന്നു, അതേസമയം 1.5 ലിറ്റര്‍ പെട്രോള്‍ യൂണിറ്റ് 113.18 bhp പീക്ക് പവര്‍ പുറപ്പെടുവിക്കുന്നു.

എന്നിരുന്നാലും, ഈ ലോട്ടിലെ ഏറ്റവും ശക്തമായ എഞ്ചിന്‍ 1.4 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിനാണ്, കാരണം ഇതിന് 138.12 bhp കരുത്ത് പുറപ്പെടുവിക്കാന്‍ കഴിയും. അതിനുപുറമെ, നിങ്ങളുടെ കോംപാക്ട് എസ്‌യുവിയില്‍ നിങ്ങള്‍ക്ക് ആവശ്യമുള്ളതെല്ലാം ഹ്യുണ്ടായി ക്രെറ്റ നല്‍കുന്നു.

ടാറ്റ സഫാരി

ടാറ്റ സഫാരി ഉയരമുള്ള ഒരു എസ്‌യുവിയാണ്. കൂടാതെ, 7 സീറ്റര്‍ എസ്‌യുവി 5 സീറ്റുള്ള ടാറ്റ ഹാരിയറിനെ അടിസ്ഥാനമാക്കിയുള്ളതാണ്. കൂടാതെ, വാഹനത്തിന്റെ 'XT' വേരിയന്റില്‍ നിന്ന് വലിയ പനോരമിക് സണ്‍റൂഫും വാഗ്ദാനം ചെയ്യുന്നു.

2.0 ലിറ്റര്‍ ടര്‍ബോചാര്‍ജ്ഡ് ഡീസല്‍ എഞ്ചിനാണ് ടാറ്റ സഫാരിക്ക് കരുത്തേകുന്നത്, ഈ യൂണിറ്റ് 167.67 bhp പീക്ക് പവറും 350 Nm പീക്ക് ടോര്‍ക്കും ഉത്പാദിപ്പിക്കുന്നു. കൂടാതെ, ഈ എഞ്ചിന്‍ 6-സ്പീഡ് മാനുവല്‍ ഗിയര്‍ബോക്സ് അല്ലെങ്കില്‍ 6-സ്പീഡ് ഓട്ടോമാറ്റിക് ഗിയര്‍ബോക്സ് ഉപയോഗിച്ച് സ്വന്തമാക്കാം.

ഹാരിയര്‍ ഒരു പനോരമിക് സണ്‍റൂഫും വാഗ്ദാനം ചെയ്യുന്നുവെങ്കിലും, സഫാരിക്ക് 7-സീറ്ററിന്റെ അധിക ഫ്‌ലെക്‌സിബിലിറ്റി ഈ പട്ടികയില്‍ ഇടം നേടാന്‍ സഫാരിയെ സഹായിക്കുന്നു.

എംജി ഹെക്ടര്‍

രാജ്യത്തെ ഏറ്റവും കൂടുതല്‍ ഫീച്ചറുകള്‍ നിറഞ്ഞ എസ്‌യുവികളിലൊന്നാണ് എംജി ഹെക്ടര്‍. ഇത് വളരെ സുഗമമായ റൈഡ് നിലവാരം വാഹനം പ്രദാനം ചെയ്യുന്നു. അതിനുപുറമെ, 'ഷാര്‍പ്പ്' ട്രിം ലെവലില്‍ വലിയ പനോരമിക് സണ്‍റൂഫും വാഗ്ദാനം ചെയ്യുന്നു.

രണ്ട് എഞ്ചിന്‍ ഓപ്ഷനുകളാണ് എംജി ഹെക്ടറിന് കരുത്തേകുന്നത്. കൂടുതല്‍ ജനപ്രിയമായ 2.0 ലിറ്റര്‍ ടര്‍ബോചാര്‍ജ്ഡ് ഡീസല്‍ എഞ്ചിന്‍ 167.72 bhp പവര്‍ ഉത്പാദിപ്പിക്കുന്നു, അതേസമയം 1.5 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിന്‍ 141 bhp പീക്ക് പവര്‍ ഉത്പാദിപ്പിക്കുന്നു.

7-സീറ്റര്‍ എംജി ഹെക്ടര്‍ പ്ലസ് പനോരമിക് സണ്‍റൂഫും വാഗ്ദാനം ചെയ്യുന്നുണ്ടെങ്കിലും, മൂന്നാം നിര സീറ്റുകള്‍ ബിസിനസ്സില്‍ മികച്ചതല്ല, അധിക മൂല്യമൊന്നും നല്‍കുന്നില്ലെന്ന് വേണം പറയാന്‍.

പനോരമിക് സണ്‍റൂഫുകളുള്ള കാറുകള്‍ ഏതൊരു കാര്‍ വാങ്ങുന്നവര്‍ക്കും വളരെ ആകര്‍ഷകമായ ഒരു നിര്‍ദ്ദേശമാണ്. ഈ ഫീച്ചര്‍ ഒരു കണ്‍വേര്‍ട്ടിബിള്‍ കാര്‍ അല്ലെങ്കില്‍ ടാര്‍ഗ ടോപ്പുമായി മാത്രം പൊരുത്തപ്പെടുന്ന ഇടം നല്‍കുന്നു. അതിനാല്‍, വാങ്ങുന്നവരെ ആകര്‍ഷിക്കുന്നതിനായി വാഹന നിര്‍മാതാക്കള്‍ ഇത്തരത്തില്‍ നിരവധി സവിശേഷതയില്‍ മോഡലുകളില്‍ അവതരിപ്പിക്കുകയും ചെയ്യുന്നു.