ഇജ്ജാതി ഡ്രാഗ് റേസ് കണ്ടിട്ടുണ്ടോ; എംജി സൈബർസ്റ്റർ ഏറ്റുമുട്ടിയത് സാക്ഷാൻ ആസ്റ്റൺ മാർട്ടിനോട്

ചെറുപ്പക്കാലത്ത് കാർ റേസിങ്ങ് ഗെയിമുകൾ കളിക്കാത്ത ആരും തന്നെ കാണില്ല. ഇപ്പോഴും അതിന് ഒരു പ്രത്യേക ഫാൻ ബേസ് ഉണ്ട് എന്ന് പറയാതിരിക്കാൻ സാധിക്കില്ല. അത്തരത്തിൽ ഏറെ പ്രിയപ്പെട്ട സെഗ്മെൻ്റാണ് ഡ്രാഗ് റേസിങ്ങ്. എത്രയും പെട്ടെന്ന് പരമാവധി വേഗത്തിൽ നിശ്ചിത ദൂരം കടക്കുക എന്നതാണ് റേസിങ്ങ്. സോഷ്യൽ മീഡിയയിൽ പല ഡ്രാഗ് റേസിങ്ങിൻ്റെ വീഡിയോകൾ വൈറലാകാറുണ്ട്. അത്തരത്തിലൊരു റേസിങ്ങ് വീഡിയോ ആണ് ഇപ്പോൾ നിങ്ങളുടെ ശ്രദ്ധയിലേക്ക് കൊണ്ടുവരുന്നത്. ആസ്റ്റൺ മാർട്ടിൻ വാന്റേജ് V12 ഉം MG സൈബർസ്റ്ററും തമ്മിലുള്ള ഡ്രാഗ് റേസ് ആണ് വീഡിയോയിൽ.

മികച്ച ICE എഞ്ചിൻ വാഹനവും ഇലക്ട്രിക് കാറും തമ്മിലുള്ള ഒരു കിടിലൻ മത്സരമാണിത്.യൂട്യൂബിൽ കാർഎക്സ്പേർട്ട് എന്ന പേജിലാണ് വീഡിയോ പങ്കുവച്ചിരിക്കുന്നത്. ആദ്യ തവണമത്സരം ആരംഭിച്ചപ്പോൾ ആസ്റ്റർ മാർട്ടിൻ്റെ ചക്രങ്ങൾ ശക്തമായി കറങ്ങുന്ന സമയം കൊണ്ട് എംജി സൈബർസ്റ്റർ മുന്നോട്ട് കുതിച്ചതിൻ്റെ ഫലമായി എംജി തന്നെ വിജയിച്ചു. രണ്ടാം തവണ ആസ്റ്റർ മാർട്ടിൻ വിജയിച്ചു. എന്നാൽ മൂന്നാം തവണ വീണ്ടും എംജി സൈബർസ്റ്റർ തന്നെ ആധിപത്യം പുലർത്തി.

ടൂ സീറ്റർ ഇലക്ട്രിക് റോഡ്‌സ്റ്റർ മോഡൽ ഡ്യുവൽ ഇലക്ട്രിക് മോട്ടോറുകൾ ഉപയോഗിച്ചാണ് രൂപകൽപ്പന ചെയ്തിരിക്കുന്നത്. ഇത് ഓരോ ആക്‌സിലും ഘടിപ്പിച്ചിരിക്കുന്നതിനാൽ നാല് വീലുകൾക്കും ഒരുപോലെ പവർ നൽകുകയും ചെയ്യുന്നു. പെർഫോമൻസിലേക്ക് വന്നാൽ എംജി സൈബർസ്റ്ററിന് 528 bhp പവറിൽ പരമാവധി 725 Nm ടോർക്ക് വരെ കൈവരിക്കാനാവുമെന്നാണ് വിവരം. വെറും 3.2 സെക്കൻഡിനുള്ളിൽ നിശ്ചലാവസ്ഥയിൽ നിന്ന് മണിക്കൂറിൽ 100 ​​കിലോമീറ്റർ വേഗത കൈവരിക്കാൻ ഇവിക്കാവും.

അന്താരാഷ്‌ട്ര വിപണികളിൽ രണ്ട് ബാറ്ററി പായ്ക്ക് ഓപ്ഷനുകളാണ് എംജി സൈബർസ്റ്റർ ഇലക്ട്രിക് സ്പോർട് കാറിൽ വാഗ്‌ദാനം ചെയ്യുന്നത്. ഇതിൽ ആദ്യത്തേത് 64kWh യൂണിറ്റാണ്. ഈ മോഡൽ സിംഗിൾ ചാർജിൽ പരമാവധി 520 കിലോമീറ്ററോളം റേഞ്ച് നൽകാൻ കഴിവുള്ളതാണ്. അതേസമയം ടോപ്പ് എൻഡ് സൈബർസ്റ്ററിന് 77kWh ബാറ്ററി പായ്ക്കാവും ലഭിക്കുക. ഈ മോഡൽ പൂർണ ചാർജിൽ 580 കിലോമീറ്റർ വരെ റേഞ്ച് നൽകാനും പ്രാപ്‌തമായിരിക്കും.

ഇന്ത്യൻ വിപണിയിൽ ഒറ്റ ചാർജിൽ 570 കിലോമീറ്റർ വരെ സഞ്ചരിക്കാൻ കഴിയുന്ന 77 kWh ലിഥിയം-അയൺ ബാറ്ററി പായ്ക്കോട് കൂടിയ സൈബർസ്റ്ററാവും ഇന്ത്യയിൽ അവതരിപ്പിക്കുക. സൈബർസ്റ്റർ ഒരു ബോൺ-ഇലക്‌ട്രിക് പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും. 1960-കളിലെ എംജി ബി റോഡ്‌സ്റ്ററിൽ നിന്ന് പ്രചോദനം ഉൾക്കൊണ്ടാണ് സൈബർസ്റ്റർ ഡിസൈൻ ചെയ്‌തിരിക്കുന്നത്.

സോഫ്റ്റ് ടോപ്പ്, ടു-സീറ്റർ കോൺഫിഗറേഷൻ പോലുള്ള ഫീച്ചറുകളിലൂടെ ഇവിക്ക് വേറിട്ടുനിൽക്കാനാവും. ഡ്യുവൽ റഡാർ സെൻസറുകളും അധിക സുരക്ഷയ്‌ക്കായി ആൻ്റി-പിഞ്ച് മെക്കാനിസവും സൈബർസ്റ്ററിൽ സിസർ ഡോറുകളയിരിക്കും അവതരിപ്പിക്കുക. വലിപ്പത്തിന്റെ കാര്യത്തിലേക്ക് വന്നാൽ മൊത്തത്തിൽ ഇതിന് 4,533 മില്ലീമീറ്റർ നീളവും 1,912 മില്ലീമീറ്റർ വീതിയും 1,328 മില്ലീമീറ്റർ ഉയരവും 2,689 മില്ലീമീറ്റർ വീൽബേസുമാണ് എംജിയുടെ ഇലക്ട്രിക് സ്പോർട്‌സ് കാറിനുള്ളത്.

എം‌ജി സൈബർ‌സ്റ്ററിനെ വ്യത്യസ്തമാക്കുന്നത് ഡിജിറ്റൽ ട്രിപ്പിൾ-സ്‌ക്രീൻ കോൺഫിഗറേഷനാണ്. 7.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഡാഷ്‌ബോർഡിനെ സെന്റർ കൺസോളുമായി സംയോജിപ്പിക്കുന്ന ഒരു അധിക സ്‌ക്രീൻ, എയർ കണ്ടീഷനിംഗ് നിയന്ത്രണങ്ങൾ എന്നിവ ഈ കോൺഫിഗറേഷനിൽ ഉൾപ്പെടുന്നു. സ്‌പോർട്‌സ് സീറ്റുകളും മൾട്ടി-സ്‌പോക്ക് ഫ്ലാറ്റ്-ബോട്ടം സ്റ്റിയറിംഗ് വീലും ഇന്റീരിയറിനെ കളറാക്കുകയും ചെയ്യും.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.