ലഡാക്ക് ഗ്രാമനിവാസികളെ നിങ്ങളറിഞ്ഞോ...മൊബൈൽ ഡെൻ്റൽ ക്ലിനിക്കുമായി ജെസിബിഎൽ

രാജ്യത്തെ മൊബിലിറ്റി സൊല്യൂഷനുകളിൽ മുൻനിരയിൽ നിൽക്കുന്ന കമ്പനിയാണ് ജെസിബിഎൽ ലിമിറ്റഡ്, പ്രോജക്ട് സ്‌മൈൽ ഹിമാലയത്തിനായുള്ള ഡെൻ്റൽ ക്ലിനിക് ഓൺ വീൽസ് എന്ന പരിപാടിയോടനുബന്ധിച്ച് മൊബൈൽ ഡെൻ്റൽ ക്ലിനിക്കിൻ്റെ ഒരുക്കത്തിലാണ് കമ്പനി. റോട്ടറി ഇൻ്റർനാഷണൽ, സ്വാമി വിവേകാനന്ദ സേവാ ട്രസ്റ്റ്, വിഷൻ ഹിമാലയ എന്നിവയുടെ നേതൃത്വത്തിൽ ആണ് ലഡാക്കിലെ വിദൂര ഗ്രാമങ്ങളിൽ അവശ്യ ദന്ത സംരക്ഷണം എത്തിക്കുന്നതിനുള്ള ഒരു ദൗത്യത്തിൻ്റെ ഭാഗമാണ് ഈ മൊബൈൽ ക്ലിനിക്ക് എത്തിച്ചിരിക്കുന്നത്. ജെസിബിഎൽ തയ്യാറാക്കിയ മൊബൈൽ ക്ലിനിക്ക്, ലഡാക്കിൻ്റെ പരുക്കൻ ഭൂപ്രദേശങ്ങളെ നേരിടാൻ പ്രത്യേകം നിർമ്മിച്ചതാണ്, ഇത് ആധുനിക ദന്ത സേവനങ്ങൾ ഉപയോഗിച്ച് താഴ്ന്ന പ്രദേശങ്ങളിൽ എത്തിച്ചേരുന്നത് എളുപ്പമാക്കാൻ സഹായിക്കുന്നു.

ലഡാക്കിലെ ദുർഘടമായ ഭൂപ്രദേശങ്ങളെ നേരിടാൻ നിർമ്മിച്ച, JCBL-ൻ്റെ ഡെൻ്റൽ ക്ലിനിക് ഓൺ വീൽസ് ഏറ്റവും ആവശ്യമുള്ളിടത്ത് ആധുനിക ദന്ത സംരക്ഷണ സേവനങ്ങൾ വാഗ്ദാനം ചെയ്യാൻ സജ്ജമാണ്. ദുർഘടമായ പ്രദേശങ്ങളിലൂടെ സഞ്ചരിക്കുന്നത് എളുപ്പമാക്കുന്ന ഒരു പ്രത്യേക ഡിസൈനോടെ, ഈ മൊബൈൽ ക്ലിനിക്ക്, പ്രത്യേക ആവശ്യങ്ങൾക്കും പരിതസ്ഥിതികൾക്കും അനുയോജ്യമായ ഉയർന്ന നിലവാരമുള്ള, കസ്റ്റമൈസ്ഡ് മൊബിലിറ്റി വാഹനവുമായിട്ടാണ് ജെസിബിഎൽ രംഗത്തെത്തിയിരിക്കുന്നത്.

വാഹനത്തിൻ്റെ അകത്തേക്ക് നോക്കിയാൽ ദന്ത സംരക്ഷണത്തിന് ആവശ്യമായ എല്ലാം ക്ലിനിക്കിൽ സജ്ജീകരിച്ചിരിച്ചിട്ടുണ്ട്. മടക്കാവുന്ന ഡെൻ്റൽ ചെയർ, ഭിത്തിയിൽ ഘടിപ്പിച്ച ഫിക്‌ചറുകൾ, മെഡിക്കൽ സ്റ്റാഫുകൾക്കുള്ള ഇരിപ്പിടം എന്നിവ ഇതിൽ ഉൾപ്പെടുന്നു. ഒരു കാരവാൻ ചേസിസിൽ രൂപകൽപ്പന ചെയ്‌തിരിക്കുന്ന ഇതിന് ഒരു സമയം ഒരു രോഗിയെ ചികിത്സിക്കാൻ കഴിയുന്നതിനൊപ്പം തന്നെ 2-3 രോഗികൾക്ക് കാത്തിരിപ്പിൽ ഇടമുണ്ട്, വിദൂര പ്രദേശങ്ങളിൽ പോലും സുപ്രധാന ദന്ത ആവശ്യങ്ങൾക്ക് എത്താനും സാധിക്കും.

JCBL-ൽ, മൊബൈൽ ഹെൽത്ത് കെയർ വാഹനങ്ങൾ നിർമ്മിക്കുന്നതിൽ പതിറ്റാണ്ടുകളുടെ വൈദഗ്ധ്യം ഞങ്ങൾ പ്രയോജനപ്പെടുത്തുകയും, കൂടാതെ ഏറ്റവും വിദൂര പ്രദേശങ്ങളിൽ പോലും ഗുണനിലവാരമുള്ള ആരോഗ്യ സംരക്ഷണം പ്രാപ്തമാക്കുന്ന നൂതനമായ പരിഹാരങ്ങൾ നൽകാൻ ഞങ്ങൾക്ക് സാധിക്കുന്നു എന്നാണ് JCBL ലിമിറ്റഡിൻ്റെ ബിസിനസ് ഹെഡ് ദിനേശ് ദുവ അഭിപ്രായപ്പെട്ടത്.

ഈ മൊബൈൽ ക്ലിനിക്കിന് 3-4 ദിവസത്തേക്ക് ഒരിടത്ത് തന്നെ തുടരാനാകുന്ന രീതിയിലാണ് എല്ലാ സംവിധാനങ്ങളും ഒരുക്കിയിരിക്കുന്നത്. ഒരു പ്രഥമശുശ്രൂഷ കിറ്റ്, ടൂൾബോക്സ്, ഡോക്യുമെൻ്റ് സ്റ്റോറേജ്, ആംബുലൻസ് സൈറൺ, ഏത് സാഹചര്യത്തിനും തയ്യാറാണെന്ന് ഉറപ്പാക്കാൻ മടക്കാവുന്ന ഗോവണി തുടങ്ങിയ അവശ്യസാധനങ്ങൾ എല്ലാം ഈ മൊബൈൽ ഡെൻ്റൽ ക്ലിനിക്കിൽ ഉൾപ്പെടുന്നു എന്നതാണ് വാഹനത്തിൻ്റെ മറ്റ് സവിശേഷതകളായി എടുത്ത് പറയേണ്ടത്.

ലഡാക്കിൻ്റെ മറ്റ് വിശേഷങ്ങളിലേക്ക് നോക്കിയാൽ ലേ നഗരത്തിൽ നിന്ന് 30 കിലോമീറ്റർ അകലെ ലേ-കാർഗിൽ ഹൈവേയിൽ സ്ഥിതി ചെയ്യുന്ന ഗുരുത്വാകർഷണ പ്രതിഭാസത്തെ വെല്ലുവിളിക്കുന്ന ഒരു ചെറിയ റോഡാണ് ലഡാക്കിലെ മാഗ്നെറ്റിക് ഹിൽ. ഇവിടുത്തെ ഒപ്റ്റിക്കൽ ഇല്യൂഷൻ കാരണം ഓഫാക്കിയാൽ പോലും വാഹനം തന്നെ ചരിവ് കയറുന്നത് കാണാനാവും. ന്യൂടലിൽ വാഹനത്തിന് 20 കിലോമീറ്റർ വരെ വേഗതയിൽ നീങ്ങാനും ഇവിടെ കഴിയും.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.