ഈ പൗരുഷം തുളുമ്പുന്ന ബോലെറോ കോഴിക്കോട്ടുക്കാരനാ....

മുന്നിലും പിന്നിലുമായി നൽകിയിട്ടുള്ള മെറ്റൽ ബംബറാണ് പുറമെ നടത്തിയിട്ടുള്ള പ്രധാന മാറ്റങ്ങളിലൊന്ന്.

അല്പം ദീർഘിപ്പിച്ച മെറ്റൽ വീൽ ആർച്ചാണ് ഈ വാഹനത്തിന്റെ മറ്റൊരു പ്രത്യേകത.

വാഹനത്തിനൊരു പൗരുഷ ഭാവം നൽകുന്നത് ഇതിലുപയോഗിച്ചിട്ടുള്ള ഭീമൻ മാക്സിസ് ബ്രാവോ ടയറുകളാണ്.

ഏത് ഭൂപ്രദേശത്ത് കൂടിയും കയറിയിറങ്ങാൻ കഴിയുന്ന ഈ ടയറിൽ കറുപ്പ് നിറത്തിലുള്ള മെറ്റൽ റിമ്മുകളാണ് നൽകിയിരിക്കുന്നത്.

62ബിഎച്ച്പിയും 195എൻഎം ടോര്‍ക്കും നൽകുന്ന 2.5ലിറ്റർ ഫോർ സിലിണ്ടർ ഡീസൽ എൻജിനാണ് ബോലെറോയ്ക്ക് കരുത്ത് പകരുന്നത്.

ബോലെറോയുടെ ടോപ്പ് എന്റ് വേരിയന്റായ സെഡ്എൽഎക്സിലാണ് ഈ മിനുക്കുപണികൾ നടത്തിയിരിക്കുന്നത്.

എന്നാൽ ഓൾ വീൽ ഡ്രൈവ് ഓപ്ഷൻ ഉൾപ്പെടുത്തിയിട്ടില്ല എന്നോരു കുറവ് മാത്രമെയുള്ളൂ. അതും കൂടി ഉണ്ടെങ്കിൽ ചെയ്തിട്ടുള്ള എല്ലാ മിനുക്കുപണികൾക്കും ഒരു പൂർണത ലഭിച്ചേനെ.

എൻജിനിലുൾപ്പെടുത്തിയിട്ടുള്ള 5 സ്പീഡ് മാനുവൽ ട്രാൻസ്മിഷനാണ് ചക്രങ്ങളിലേക്ക് പവർ എത്തിക്കുന്നത്.

ഈ മോഡൽ കേരളത്തിലെ എല്ലാ ഷോറൂമുകളിലും ലഭ്യമാണെന്നാണ് മഹീന്ദ്ര അറിയിച്ചിട്ടുള്ളത്. എന്നാൽ വില സംബന്ധിച്ചുള്ള വിവരമൊന്നും വ്യക്തമാക്കിയിട്ടില്ല.

മോഡിഫിക്കേഷൻ നടത്തുയത് കാരണം നിലവിലുള്ള വിലയേക്കാൾ കൂടുതലാകാനാണ് സാധ്യത. 6,31,448 ലക്ഷമാണ് നിലവിലെ കാലിക്കറ്റ് എക്സ്ഷോറൂം വില.

ബോലെറോയുടെ മിനി പതിപ്പിനെ കൂടി ഉടൻ വിപണിയിലെത്തിക്കാനുള്ള ഒരുക്കത്തിലാണ് മഹീന്ദ്ര.

കോട്ടയം നഗരത്തിൽ വിലസുന്ന പരിഷ്കാരി ഡസ്റ്റർ

ഒറിജിനൽ ബുഗാട്ടിയേയും വെല്ലും ഈ അപരൻ