മഞ്ഞിലൂടെയുളള ഡ്രൈവിങ്ങ് വല്ലാത്ത എക്സ്പീരിയൻസായി പോയി, കാറുകൾ തമ്മിൽ കൂട്ടിയിടിച്ചു

ഈ സമയത്ത്, രാജ്യത്തിൻ്റെ വിവിധ ഭാഗങ്ങളിൽ നിന്നുള്ള ആളുകൾ ജമ്മു & കാശ്മീർ, മണാലി, ഷിംല തുടങ്ങിയ ഹിൽ സ്റ്റേഷനുകൾ സന്ദർശിക്കാൻ ബാഗും തൂക്കിയിറങ്ങുന്ന സമയമാണ്. മഞ്ഞുമൂടിയ മലനിരകൾ കാണാൻ ആളുകൾ ഓടിയെത്തുന്നു. എന്നിരുന്നാലും, ഈ മഞ്ഞുമലകൾക്ക് ചുറ്റും ഡ്രൈവ് ചെയ്യുന്നത് എളുപ്പമുള്ള കാര്യമല്ലെന്ന് ആളുകൾക്ക് പലർക്കും അറിയില്ല. ഈ അറിവില്ലായ്മ കാരണം, മഞ്ഞ് നിറഞ്ഞ റോഡിലൂടെ കാറുകൾ തെന്നി നീങ്ങുന്നതും പരസ്പരം ഇടിച്ചുകയറുന്നതും കാണാം.

ഇത്തരത്തിൽ കൂട്ടിയിടിച്ച വാഹനങ്ങൾ കാണിക്കുന്ന ഒരു വീഡിയോയും ചിത്രങ്ങളും ഓൺലൈനിൽ വന്നിരുന്നു. ടൊയോട്ട ഫോർച്യൂണർ, മഹീന്ദ്ര സ്‌കോർപിയോ, മാരുതി ബലേനോ, ഹ്യുണ്ടായി ക്രെറ്റ എന്നിവയുൾപ്പെടെ നിരവധി വാഹനങ്ങൾ ഇടിച്ചു കിടക്കുന്ന ചിത്രങ്ങൾ ഉണ്ട്. മലഞ്ചെരിവുള്ള ഒരു മഞ്ഞുപാളിയിൽ ഒന്നിലധികം കാറുകൾ പരസ്പരം ഇടിച്ചുകയറുന്നത് ചിത്രത്തിൽ കാണാം. ഒരു മഹീന്ദ്ര സ്‌കോർപ്പിയോ ഒരു ഓടയിൽ വീണു കിടക്കുന്നത് കാണാം. മാരുതി ജിപ്‌സി എസ്‌യുവിയുടെ കാര്യത്തിലും ഇതുതന്നെയാണ് സംഭവിച്ചത്.

പിന്നീട് മറ്റൊരു റോഡിൽ നിന്ന് വരുന്ന മാരുതി ബലേനോ ഹാച്ച്ബാക്ക് ഡ്രൈവറെ നിർത്താൻ നിർദ്ദേശിച്ചെങ്കിലും അദ്ദേഹം അത് ചെയ്യാത്തത് കൊണ്ട്, നിയന്ത്രണം വിട്ട് സ്കോർപ്പിയോയിൽ ഇടിക്കുകയായിരുന്നു. ഇതിന് തൊട്ടുപിന്നാലെ, മഹീന്ദ്ര ബൊലേറോ പിക്കപ്പ് ട്രക്ക് ഡ്രൈവർ താഴേക്ക് പോകുന്നതിനിടെ നിയന്ത്രണം നഷ്ടപ്പെടുന്നത് കാണാം.

മാരുതി ബലേനോയുടെ അതേ ചരിവിൽ നിന്ന് ടൊയോട്ട ഫോർച്യൂണർ ടൈപ്പ് 1 ഇറങ്ങി വരികയും നിർഭാഗ്യവശാൽ, ഫോർച്യൂണറിൻ്റെ ഡ്രൈവർക്കും തൻ്റെ വാഹനം നിയന്ത്രിക്കാൻ കഴിയാതെ വന്നു, ഇതിനകം കുടുങ്ങിയ മാരുതി ബലേനോയിൽ ഇടിച്ചു. മഞ്ഞുവീഴ്ചയുള്ള റോഡുകളിലൂടെ കൊണ്ടുപോകുന്ന വാഹനങ്ങൾ സ്നോ ചെയിൻ ഘടിപ്പിക്കുന്നത് നല്ലതാണ്. മഞ്ഞുമൂടിയ റോഡുകളിൽ വാഹനമോടിക്കുമ്പോൾ, ടയറുകൾ എളുപ്പത്തിൽ തെന്നി മാറുകയും ട്രാക്ഷൻ നഷ്ടപ്പെടുകയും ചെയ്യും.

സാധാരണയായി, മഞ്ഞുവീഴ്ചയുള്ളതോ മഞ്ഞുമൂടിയതോ ആയ റോഡുകളിൽ വാഹനമോടിക്കുമ്പോൾ സംഭവിക്കുന്നത്, ട്രാക്ഷൻ കുറയുന്നതിനാൽ വാഹനത്തിൻ്റെ നിയന്ത്രണം നിലനിർത്തുന്നത് വലിയ വെല്ലുവിളി തന്നെയാണ്. ശരിയായ ട്രാക്ഷൻ ഇല്ലാതെ, ബ്രേക്കിംഗ് ദൂരം വർദ്ധിക്കുന്നു, സ്റ്റിയറിംഗ് പ്രതികരണശേഷി കുറയുന്നു. മഞ്ഞുവീഴ്ചയുള്ള റോഡുകളിൽ വാഹനങ്ങൾ കൊണ്ടുപോകാൻ പോകുന്ന എല്ലാവരോടും സ്നോ ചെയിനുകളുള്ള ടയറുകൾ ഘടിപ്പിക്കാൻ നിർദേശിക്കുന്നത് ഇതുകൊണ്ടാണ്.

പരിചയസമ്പന്നരായ ഡ്രൈവർമാർക്ക് പോലും ഇത്തരം കാലാവസ്ഥയും കനത്ത മഞ്ഞുവീഴ്ച്ചയും വലിയ ബുദ്ധിമുട്ടുണ്ടാക്കാറുണ്ട്. ആയതിനാൽ ബ്രേക്കുകൾ, സ്റ്റിയറിംഗ്, ആക്സിലറേഷൻ, ഗിയർ മാറ്റൽ എന്നിവ ഉൾപ്പെടെയുള്ള എല്ലാ നിയന്ത്രണങ്ങളും സാവധാനത്തിലും സുഗമമായും പ്രവർത്തിപ്പിക്കുകയാണ് വേണ്ടത്.

സാവധാനത്തിലും സ്ഥിരതയിലും ഡ്രൈവ് ചെയ്യുക എന്നതാണ് ആദ്യ എടുക്കേണ്ട തീരുമാനം. മഞ്ഞുവീഴ്ച്ചയുള്ള സാഹചര്യങ്ങളിൽ ഉയർന്ന വേഗതയിൽ വാഹനമോടിക്കുന്നത് അപകടം വിളിച്ചുവരുത്താൻ കാരണമായേക്കാം. മഞ്ഞുവീഴ്ചയുള്ള കാലാവസ്ഥയിൽ കുറഞ്ഞ ദൃശ്യപരതയും വഴുവഴുപ്പുള്ള റോഡുകളും കൂടിച്ചേർന്നാൽ വാഹനത്തിന് അതിന്റെ നിയന്ത്രണം നഷ്‌ടപ്പെടാൻ കാരണമാവും. ഇത്തരം സാഹചര്യങ്ങളിൽ സാവധാനത്തിലും സ്ഥിരതയോടെയും വാഹനമോടിക്കുന്നത് മികച്ച തീരുമാനങ്ങളിൽ ഒന്നായിരിക്കും.

ഇൻഡിക്കേറ്ററുകൾ കൃത്യമായി ഉപയോഗിക്കുക എന്നതാണ് അടുത്തതായി വിന്റർ ഡ്രൈവിംഗിൽ നിർബന്ധമായും ചെയ്യേണ്ട ഒരു കാര്യം. ശൈത്യകാലത്ത്, ഇടത്തോട്ടോ വലത്തോട്ടോ തിരിയുമ്പോഴെല്ലാം ഇവ ഉപയോഗിക്കുന്നത് മറ്റ് ഡ്രൈവർമാർക്ക് നിങ്ങളുടെ വാഹനത്തെ മനസിലാക്കാനും വേണ്ട നീക്കങ്ങൾ നടത്താനും സഹായകരമാവും. ഏതെങ്കിലും വശത്തേക്ക് തിരിയാൻ തീരുമാനിച്ചു കഴിഞ്ഞാൽ അതിന് മുന്നോടിയായി തന്നെ ഇൻഡിക്കേറ്റർ ഉപയോഗിക്കാനും ശ്രമിക്കണം.

ലോ ബീമിൽ ഹെഡ്‌ലൈറ്റുകൾ ഉപയോഗിക്കേണ്ടതിന്റെ പ്രാധാന്യവും മഞ്ഞുവീഴ്ച്ചയുള്ള സമയങ്ങളിൽ അത്യാവിശ്യമാണ്. ഇത്തരം കാലാവസ്ഥയുള്ള സമയങ്ങളിൽ ഹൈ ബീമുകൾ ഉപയോഗിക്കുന്നത് നല്ല ആശയമാണെന്ന് തോന്നിയേക്കാം. പക്ഷേ ഇത് എതിരെ വരുന്ന വാഹനങ്ങൾക്ക് വലിയ തടസമുണ്ടാക്കുന്ന ഒന്നാണ്. മാത്രമല്ല, ഹൈ ബീമുകൾ മൂടൽമഞ്ഞിനെ പ്രതിഫലിപ്പിക്കുകയും കാഴ്ച്ച കുറയ്ക്കുകയും ചെയ്യുന്നു. ആയതിനാൽ കാർ ഹെഡ്‌ലൈറ്റുകൾ ലോ ബീമിലാണെന്ന് ഉറപ്പുവരുത്തേണം.

വാഹനമോടിക്കുമ്പോൾ ജാഗ്രത പാലിക്കേണ്ടതും വളരെ അത്യാവിശ്യമാണ്. മഞ്ഞുവീഴ്ചയിലും മഞ്ഞുമൂടിയ റോഡിലും ചുറ്റുപാടുകളെക്കുറിച്ച് ബോധവാന്മാരാണെന്നും മുന്നിലുള്ള വാഹനത്തിൽ നിന്ന് മതിയായ അകലം പാലിക്കണമെന്നും ഉറപ്പാക്കുക. ജാഗ്രത പാലിക്കുക എന്നത് ഇത്തരം സാഹചര്യങ്ങളിൽ പരമപ്രധാനമാണ്. അടിയന്തിര സാഹചര്യങ്ങളിൽ പ്രതികരിക്കാനും അപകടങ്ങൾ ഒഴിവാക്കാനും ഇത് നിങ്ങൾക്ക് മതിയായ സമയം അനുവദിക്കും.