ഇളങ്കാറ്റില്‍ തേങ്ങാക്കുലകളാടുന്നു....

Updated: Saturday, August 30, 2014, 10:42 [IST]

ലോകത്തെ നന്നാക്കുവാന്‍ മതപുരോഹിതന്മാര്‍ കിണഞ്ഞ് പരിശ്രമിക്കാറുണ്ട്. തങ്ങള്‍ നല്ലവരാണെന്ന മുന്‍ധാരണയെ മുന്‍നിര്‍ത്തി പുരോഹിതര്‍ നടത്തുന്ന ഈ കസര്‍ത്തിനെ വിശ്വാസികള്‍ സ്വീകരിക്കാന്‍ കൂട്ടാക്കാറില്ല. എന്നുമാത്രമല്ല, അവസരം കിട്ടുമ്പോഴൊക്കെ ഇവന്മാരുടെ സുവിശേഷങ്ങള്‍ക്കിട്ടൊരു കിഴുക്കു കൊടുത്തേക്കാം എന്നുകരുതി ചെയ്യരുതെന്നു പറഞ്ഞ കാര്യങ്ങളെല്ലാം ചെയ്തുകൂട്ടുന്നു. വിശ്വാസികള്‍ നേരാംവഴിക്ക് നടക്കാത്തതില്‍ നിരാശരായിത്തീരുന്ന പുരോഹിതരോ വീഞ്ഞിലേക്കും വിഷയത്തിലേക്കും നീങ്ങുന്നു. അവര്‍ പാപത്തിന്റെ അപ്പത്തില്‍ പങ്കുപറ്റുന്നു. കാപട്യത്തെ സങ്കടംകൊണ്ട് നേരിടുന്ന കയ്‌പേറിയ വീഞ്ഞ് കുടിച്ചിറക്കുന്നു. ഒടുവില്‍ മൂത്ത പുരോഹിതന്‍ മാപ്പുചോദിക്കുന്നു.

പൗരോഹിത്യം കാരണം അക്രമമായിത്തീര്‍ന്ന ലോകത്തിന്റെ നേര്‍ക്കാഴ്ചകള്‍ പലപ്പോഴും നമ്മെ ചിരിപ്പിച്ച് പണ്ടാരമടക്കും. പാപത്തിന്റെ പങ്കുപറ്റാനാഗ്രഹിക്കുന്ന കാപട്യത്തെ ഭേദ്യം ചെയ്യുന്ന കയ്പുനീര് കുടിക്കാനാഗ്രഹിക്കുന്ന എല്ലാ വിശ്വാസികളും എന്റെ കൂടെ പോരുവിന്‍....ആമേന്‍....