ബെൻസും കൊണ്ടസയും ഒന്നുമല്ല, ഇന്ത്യയിലെ "ഹൈവേ മാൻ" -ന്റെ ആദ്യ വാഹനം ദേ ഇതാണ്

എല്ലാവർക്കും തങ്ങളുടെ ആദ്യ വാഹനം, അത് എന്ത് തന്നെ ആയാലും വളരെ സ്പെഷ്യലാണ്, അതുമായിട്ടുള്ള ഓർമ്മകളും, പല രസകരമായ സംഭവങ്ങളും എത്ര കാലങ്ങൾ കഴിഞ്ഞാലും നമ്മുടെ മനസിൽ ഉണ്ടാവും. രാജ്യത്ത് ഇൻഫ്രാസ്ട്രക്ചർ നിർമ്മാണങ്ങൾക്കും സംരംഭങ്ങൾക്കും പേരുകേട്ട ഇന്ത്യയുടെ "ഹൈവേ മാൻ" എന്നറിയപ്പെടുന്ന നിതിൻ ഗഡ്കരി അടുത്തിടെ തൻ്റെ അദ്യ വാഹനത്തെക്കുറിച്ച് വെളിപ്പെടുത്തി എല്ലാവരേയും അത്ഭുതപ്പെടുത്തിയിരിക്കുകാണ്.

ആഡംബര കാറുകളല്ല, മറിച്ച് ഒരു എളിയ ഇരുചക്രവാഹനമായ കൈനറ്റിക് ലൂണയാണ് അദ്ദേഹത്തിന്റെ ആദ്യ വാഹനം എന്ന് ഗഡ്കരി വ്യക്തമാക്കി. പഴയ ലൂണയുടെ പുത്തൻ ഇലക്ട്രിക് മോഡലിൻ്റെ ലോഞ്ചിനായി അദ്ദേഹം ഇത് വെളിപ്പെടുത്തിയത് എന്നത് വളരെയധികം ശ്രദ്ധ പിടിച്ചുപറ്റി. തൻ്റെ അമ്മയുടെ അമൂല്യമായ സമ്മാനമായിരുന്നു ഇത് എന്ന് ഗഡ്കരി അനുസ്മരിച്ചു, അതിനാൽ തന്നെ ലൂണയ്ക്ക് തൻ്റെ ഹൃദയത്തിൽ ഒരു പ്രത്യേക സ്ഥാനമുണ്ട് എന്നും അദ്ദേഹം വ്യക്തമാക്കി.

1972 -ൽ സമാരംഭിച്ച 50 സിസി ലൂണ പല ഇന്ത്യക്കാരുടെയും സ്വാതന്ത്ര്യത്തിൻ്റെയും ചലനാത്മകതയുടെയും പര്യായമായി മാറി ഒന്നാണ്, പ്രത്യേകിച്ച് 90 -കളുടെ അവസാനത്തിലാണ് ഇവ തിളങ്ങി നിന്നിരുന്നത്. വാഹനത്തിൻ്റെ താങ്ങാനാവുന്ന വിലയും പ്രായോഗികതയും അന്നതെ യുവ തലമുറയ്ക്കും കുടുംബസ്ഥരായ ഉപഭോക്താക്കൾക്കും പ്രിയപ്പെട്ട തെരഞ്ഞെടുപ്പാക്കി മാറ്റി. ഗഡ്കരിയെ സംബന്ധിച്ചിടത്തോളം ലൂണ ഒരു ട്രാൻസ്പോർട്ടേഷൻ ഓപ്ഷൻ മാത്രമല്ല; അത് അഭിലാഷത്തിൻ്റെ പ്രതീകവും വ്യക്തിഗത വാഹനങ്ങളുമായുള്ള അദ്ദേഹത്തിൻ്റെ യാത്രയുടെ തുടക്കവുമായിരുന്നു.

ഗഡ്കരിയുടെ നിലവിലെ കാർ ശേഖരത്തിൻ്റെ വിശദാംശങ്ങൾ കൃത്യമായി വ്യക്തമല്ലാതെ തുടരുമ്പോൾ, പബ്ലിക്ക് അപ്പിയൻസിലൂടെയും മാധ്യമ റിപ്പോർട്ടുകളിലൂടെയും ലഭിക്കുന്ന വിവരങ്ങൾ വികസിച്ചുകൊണ്ടിരിക്കുന്ന അഭിരുചിയെ വെളിപ്പെടുത്തുന്നു. ഗ്രീൻ മൊബിലിറ്റിക്ക് വേണ്ടിയുള്ള അദ്ദേഹത്തിൻ്റെ വാദത്തിന് അനുസരിച്ച്, അദ്ദേഹത്തിൻ്റെ ഗാരേജിൽ ഹ്യുണ്ടായി അയോണിക് 5 ഇലക്ട്രിക് എസ്‌യുവിയും ഹൈഡ്രജൻ-പവർ FCEV -യായ ടൊയോട്ട മിറായിയും പോലുള്ള ഫ്യൂച്ചറിസ്റ്റിക് മോഡലുകൾ ഉണ്ടെന്ന് റിപ്പോർട്ടുണ്ട്. ഈ ചോയിസുകൾ ക്ലീൻ & ഗ്രീൻ ബദലുകളോടുള്ള അദ്ദേഹത്തിൻ്റെ പ്രതിബദ്ധതയെ പ്രതിനിധീകരിക്കുന്നു.

എന്നിരുന്നാലും, ആധുനിക അത്ഭുത സാങ്കേതികയുടെ ആകർഷണം ഉണ്ടായിരുന്നിട്ടും, ലൂണയോടുള്ള ഗഡ്കരിയുടെ ഇഷ്ടം നിലനിൽക്കുന്നു. ഈ വളരെ ലളിതമായ മോപ്പഡുമായുള്ള അദ്ദേഹത്തിൻ്റെ വ്യക്തിപരമായ ബന്ധം ഒരാളുടെ ആദ്യ വാഹനവുമായി ബന്ധപ്പെടുത്തിയിരിക്കുന്ന വൈകാരിക മൂല്യത്തെ പ്രത്യേകം എടുത്തുകാണിക്കുന്നു. ലൂണ ഒരു പഴയ കാലഘട്ടത്തെ പ്രതീകപ്പെടുത്തുന്നു.

ലൂണയിൽ നിന്ന് ആഡംബര ഇലക്ട്രിക് കാറുകളിലേക്കുള്ള ഗഡ്കരിയുടെ യാത്ര അദ്ദേഹത്തിൻ്റെ വ്യക്തിപരമായ പരിണാമത്തെ മാത്രമല്ല, ഇന്ത്യയുടെ മാറിക്കൊണ്ടിരിക്കുന്ന ഓട്ടോമോട്ടീവ് ലാൻഡ്‌സ്‌കേപ്പിനെയും വ്യക്തമായി പ്രതിഫലിപ്പിക്കുന്നു എന്ന് പറയാം. ലൂണയെപ്പോലുള്ള ഐക്കണിക്ക് വാഹനങ്ങൾക്കായി ഒരു നോസ്റ്റാൾജിയ നിലനിൽക്കുന്നുണ്ട് എങ്കിലും, മൊബിലിറ്റിയുടെ ഭാവി സുസ്ഥിരതയിലും നവീകരണത്തിലുമാണ് എന്നതാണ് വാസ്തവം.

ഗഡ്കരിയുടെ ഡ്യുവൽ പെർസ്പെക്ടീവ്/ ഇരട്ട വീക്ഷണം, ഭാവിയെ ആശ്ലേഷിക്കുമ്പോൾ തന്നെ ഭൂതകാലത്തെ വിലമതിക്കുന്നു. ഇന്ത്യയുടെ ട്രാൻസ്പോർട്ട് ഇൻഫ്രാസ്ട്രക്ചർ രൂപപ്പെടുത്തുന്നതിലും ക്ലീനർ മൊബിലിറ്റി സൊല്യൂഷനുകൾ പ്രോത്സാഹിപ്പിക്കുന്നതിലും ഒരു പ്രധാന വ്യക്തിത്ത്വനമായി ഗഡ്കരിയെ ഇത് പ്രതിഷ്ഠിക്കുന്നു. അദ്ദേഹത്തിൻ്റെ വ്യക്തിപരമായ ചോയിസുകൾക്കപ്പുറം, ഗഡ്കരിയുടെ സംരംഭങ്ങൾ സസ്റ്റെയിനബിൾ മൊബിലിറ്റിയിലേക്കുള്ള ഇന്ത്യയുടെ മാറ്റത്തെ സജീവമായി നയിച്ചു.

അദ്ദേഹത്തിൻ്റെ നേതൃത്വത്തിൽ റോഡ് ഗതാഗത, ഹൈവേ മന്ത്രാലയം FAME-II പോലുള്ള നയങ്ങളിലൂടെയും രാജ്യത്തുടനീളമുള്ള ബിൽഡിംഗ് ചാർജിംഗ് ഇൻഫ്രാസ്ട്രക്ചറിലൂടെയും ഇലക്ട്രിക് വാഹനങ്ങൾ സ്വീകരിക്കുന്നതിന് വളരെ അധികം പ്രോത്സാഹനം നൽകി. കൂടാതെ, സബ്‌വേകളും ബസുകളും പോലുള്ള പബ്ലിക്ക് ട്രാൻസ്പോർട്ട് സംവിധാനങ്ങൾ മെച്ചപ്പെടുത്തുന്നതിലുള്ള അദ്ദേഹത്തിൻ്റെ ശ്രദ്ധ കൂടുതൽ ഉൾക്കൊള്ളുന്നതും പരിസ്ഥിതി സൗഹൃദവുമായ മൊബിലിറ്റി ഇക്കോസിസ്റ്റം സൃഷ്ടിക്കാൻ ലക്ഷ്യമിടുന്നു.

ഇന്ത്യ ഒരു ക്ലീൻ & കൂടുതൽ എഫിഷ്യന്റായ ഭാവിക്കായി തയ്യാറെടുക്കുമ്പോൾ, ഗഡ്കരിയുടെ കഥ, ലൂണയുടെ ലളിതമായ തുടക്കം മുതൽ ഇലക്ട്രിക് വാഹനങ്ങളുടെ അത്യാധുനിക സാങ്കേതികവിദ്യ വരെയുള്ള യാത്രയുടെ ഒരു ഓർമ്മപ്പെടുത്തലായി വർത്തിക്കുന്നു. ഇന്ത്യയുടെ വികസിച്ച് കൊണ്ടിരിക്കുന്ന ട്രാൻസ്പോർട്ട് ലാൻഡ്‌സ്‌കേപ്പ് രൂപപ്പെടുത്തുന്നതിൽ അദ്ദേഹം വഹിക്കുന്ന നിർണായക പങ്കിനെ അദ്ദേഹത്തിൻ്റെ വ്യക്തിപരവും തൊഴിൽപരവുമായ പ്രവർത്തനങ്ങൾ എടുത്തുകാണിക്കുന്നു, അത് നവീനത മാത്രമല്ല, ജനങ്ങൾക്കും പരിസ്ഥിതിക്കും സുസ്ഥിരമായ ഭാവിയും ഉൾക്കൊള്ളുന്നുവെന്ന് ഉറപ്പാക്കുന്നു.