ദുബൈയില്‍ സൂപ്പര്‍കാറുകള്‍ ടാക്‌സികളാവുന്നു

ചിത്രങ്ങളിലൂടെ നീങ്ങുക.

നവംബര്‍ 19ന് തുടങ്ങുന്ന ദുബൈ മോട്ടോര്‍ ഫെസ്റ്റിവലിന്റെ ഭാഗമായാണ് സൂപ്പര്‍കാര്‍ ടാക്‌സികള്‍ ഓടുക.

മാളുകള്‍, വിമാനത്താവളങ്ങള്‍ തുടങ്ങിയ തിരക്കേറിയ ഇടങ്ങളില്‍ ഈ സൂപ്പര്‍കാര്‍ ടാക്‌സികള്‍ കറങ്ങിനടക്കും. ഇവിടെനിന്ന് ആവശ്യക്കാര്‍ക്ക് ഈ സൂപ്പര്‍കാറുകളെ വാടകയ്ക്ക് വിളിക്കാവുന്നതാണ്.

നവംബര്‍ 21, 22, 28, 29 ഡിസംബര്‍ 5, 6 എന്നീ തിയ്യതികളില്‍ ഈ സര്‍വീസ് ലഭ്യമാകും.

മോട്ടോറിങ്ങിനോടുള്ള ജനങ്ങളുടെ അഭിനിവേശത്തെ ആഘോഷിക്കുകയാണ് തങ്ങളുടെ ലക്ഷ്യമെന്ന് ദുബൈ മോട്ടോര്‍ ഫെസ്റ്റിവല്‍ ഡയറക്ടര്‍ ജിന്‍ ച്വിന്‍ ഓങ് പറയുന്നു.

ലോകത്തില്‍ ആദ്യമായാണ് സൂപ്പര്‍കാറുകള്‍ ടാക്‌സി സര്‍വീസ് നടത്തുന്നതെന്ന് ജിന്‍ ച്വിന്‍ ഓങ് അവകാശപ്പെടുന്നു. ഫെരാരി, ആസ്റ്റണ്‍ മാര്‍ട്ടിന്‍, മെഴ്‌സിഡിസ് എസ്എല്‍എസ് എന്നിങ്ങനെ നിരവധി സൂപ്പര്‍കാറുകള്‍ ഇക്കൂട്ടത്തിലുണ്ട്.