കൊവിഡ്-19; അവശ്യ സേവനങ്ങൾക്ക് 500 ക്യാബുകൾ വിട്ടു നൽകി ഓല

ബാംഗ്ലൂർ, മൈസൂർ, മംഗലാപുരം, ഹുബ്ലി-ധാർവാഡ്, ബെലഗാവി എന്നീ ജില്ലകളിൽ ഓലയുടെ സേവനങ്ങൾ ലഭ്യമാകും. കൂടാതെ ആവശ്യാനുസരണം ഈ പ്രദേശങ്ങളിൽ ക്യാബുകളെ വിന്യസിക്കാൻ സർക്കാരിന് കഴിയും.

ആരോഗ്യ പ്രവർത്തകർക്ക് യാത്ര ചെയ്യുന്നതിനും, മരുന്നുകളും മറ്റ് അവശ്യ ആരോഗ്യ ഉപകരണങ്ങൾ എന്നിവ എത്തിക്കുന്നതിനും ക്യാബുകൾ ഉപയോഗിക്കും. അടിയന്തിര സാഹചര്യങ്ങളിലും ഇവയുടെ സേവനം ലഭ്യമാകും.

ലോക്ക്ഡൗൺ പ്രഖ്യാപിച്ചതിനെത്തുടർന്ന് ഓല ക്യാബ്സ് സർവീസ് രാജ്യത്തുടനീളം സസ്പെൻഡ് ചെയ്തിരുന്നു. പാട്ടത്തിനെടുത്ത വാഹനങ്ങൾ പങ്കാളികളികളായ ഡ്രൈവമാരിൽ നിന്ന് തിരിച്ചുവിളിച്ചു.

ലോക്ക്ഡൗൺ അവസാനിക്കുന്നതുവരെ ജോലിയില്ലാതെയിരിക്കുന്ന ഡ്രൈവർമാർക്കായി ഒരു ഫണ്ട് കമ്പനി രൂപീകരിക്കുകയും, ഈ ഡ്രൈവർമാരിൽ നിന്ന് ദിവസേനയുള്ള വാടക സ്വീകരിക്കുന്നത് താൽകാലികമായി നിർത്തി വയ്ക്കുകയും ചെയ്തു.

കൊവിഡ് -19 ബാധിച്ചാൽ ഡ്രൈവർമാർക്കും അവരുടെ കുടുംബങ്ങൾക്കും 30,000 രൂപ നഷ്ടപരിഹാരം നൽകുമെന്നും ബെംഗളൂരു ആസ്ഥാനമായുള്ള കമ്പനി അറിയിച്ചു.

കൊറോണ വൈറസ് മഹാമാരി കാരണം ഇന്ത്യയിൽ ഇതുവരെ 29 മരണങ്ങൾ റിപ്പോർട്ട് ചെയ്തിട്ടുണ്ട്. 1070 ൽ അധികം ആളുകൾ വൈറസ് ബാധിതരാണെന്ന് കണ്ടെത്തിയിട്ടുണ്ട്.

Most Read: കൊവിഡ്-19 ലോക്ക്ഡൗൺ: ഓൺലൈൻ ബുക്കിംഗും ഹോം ഡെലിവറിയും വാഗ്‌ദാനം ചെയ്‌ത് ടാറ്റ

ഇതിന്റെ ഫലമായി രാജ്യം മുഴുവൻ പൂട്ടിയിരിക്കുകയാണ്, അതിഥി തൊഴിലാളികൾ തങ്ങളുടെ വീടുകളിലേക്ക് മടങ്ങാൻ ശ്രമിക്കുന്നതിനാൽ ഒരു വലിയ രാജ്യമെങ്ങും ഒരു വലിയ പുറപ്പാട് ഉളവാക്കി.

Most Read: കൊവിഡ്-19; വാഹന നിർമ്മാതാക്കളോട് വെന്റിലേറ്ററുകൾ നിർമ്മിക്കാൻ ആവശ്യപ്പെട്ട് സർക്കാർ

ഈ തൊഴിലാളികൾക്ക് ഭക്ഷണത്തിനും പാർപ്പിടത്തിനുമായി സംസ്ഥാന സർക്കാരുകൾ വ്യവസ്ഥ ചെയ്യുന്നുണ്ട്. ഗ്രേറ്റർ നോയിഡയിൽ സ്ഥിതി ചെയ്യുന്ന ബുദ്ധ ഇന്റർനാഷണൽ സർക്യൂട്ടും (BIC) ഇതിനായി ഉപയോഗിക്കും.

Most Read: കൊവിഡ്-19; രോഗികളെ കൊണ്ടുപോകുന്നതിനായി ബസ് പരിഷ്കരിച്ച് ഇന്ത്യൻ സൈന്യം

അതേസമയം, ഫെയ്സ് ഷീൽഡുകൾ, മാസ്കുകൾ, വെന്റിലേറ്ററുകൾ എന്നിവയുൾപ്പെടെ ആവശ്യമായ മെഡിക്കൽ ഉപകരണങ്ങൾ നിർമ്മിക്കുന്നതിനായി വാഹന നിർമ്മാതാക്കൾ തങ്ങളുടെ നിർമ്മാണശാലകളിൽ പ്രവർത്തനങ്ങൾ ആരംഭിച്ചിട്ടുണ്ട്.