ഫ്രണ്ട് സസ്പെൻഷൻ തകർന്ന് വീണ്ടും മൂക്ക് കുത്തി Ola S1 Pro; ഇവിയുടെ വിശ്വാസ്യത ആശങ്കയിൽ

ഏറ്റവും പുതിയതായി പുറത്തുവരുന്ന സംഭവത്തിൽ, ഒരു ഓല S1 പ്രോ ഇലക്ട്രിക് സ്കൂട്ടർ ഉപയോക്താവ് മുൻവശത്തെ സസ്പെൻഷന്റെ ഒരു ഭാഗം തകർന്ന തന്റെ സ്കൂട്ടറിന്റെ കുറച്ച് ചിത്രങ്ങൾ പോസ്റ്റ് ചെയ്തിരിക്കുകയാണ്. പോസ്റ്റിൽ, ഓല A1 പ്രോ ഇലക്ട്രിക് സ്കൂട്ടറിന്റെ ഫ്രണ്ട് ഫോർക്ക് ദുർബലമാണെന്ന് ഉപഭോക്താവ് അവകാശപ്പെടുന്നു.

ഈ പോസ്റ്റിൽ, ഓല ഉപഭോക്താവ് കമ്പനിയോട് ഇത് മാറ്റിസ്ഥാപിക്കാനും ഭാഗത്തിന്റെ ഡിസൈൻ മാറ്റാനും അഭ്യർത്ഥിച്ചു. മോശം മെറ്റീരിയലിന്റെ ഉപയോഗമാണ് ഈ സംഭവത്തിന് കാരണമെന്നും ഉപയോക്താവ് കുറ്റപ്പെടുത്തി.

ഇതാദ്യമായല്ല ഓലയുടെ ഇലക്ട്രിക് സ്‌കൂട്ടറുകൾക്കെതിരെ വിമർശനം ഉയരുന്നത്. നേരത്തെ, അടുത്തിടെ ഒരു സംഭവത്തിൽ, ഓല ഇലക്ട്രിക് സ്കൂട്ടർ പൂർണ്ണ വേഗതയിൽ റിവേഴ്സ് മോഡിലേക്ക് പോയതിനെത്തുടർന്ന് പരിക്കേറ്റതായി ഒരു റൈഡർ പരാതി ഉയർത്തിയിരുന്നു.

ജബൽപൂരിൽ 65 വയസ്സുള്ള ഒരാൾക്കാണ് ഈ ദൗർഭാഗ്യകരമായ സംഭവം നേരിട്ടത്. സംഭവത്തിൽ ഉൾപ്പെട്ട ഓല S1 പ്രോ ഇലക്ട്രിക് സ്കൂട്ടർ ഉടമയുടെ പിതാവിനാണ് പരിക്കേറ്റത്. ഓല S1 പ്രോ ഇലക്ട്രിക് സ്കൂട്ടർ പാർക്ക് ചെയ്യുന്നതിനിടെ സ്കൂട്ടർ 50 കിലോമീറ്റർ വേഗതയിൽ റിവേഴ്സ് മോഡിലേക്ക് പോയതിനാലാണ് പിതാവിന് ഗുരുതരമായി പരിക്കേറ്റതായി ഉടമ അരോപിച്ചു.

നേരത്തെ മറ്റൊരു ഓല ഉപഭോക്താവിന്റെ മകനും സമാനമായ സംഭവം റിപ്പോർട്ട് ചെയ്തിരുന്നു. സ്‌കൂട്ടർ വേഗത കുറയ്ക്കുന്നതിന് പകരം സ്‌പീഡ് ബ്രേക്കറിൽ സ്‌കൂട്ടറിന്റെ വേഗത ഉയർന്നതാണ് അപകടത്തിന് കാരണമെന്ന് സംഭവത്തെക്കുറിച്ച് ഉടമ പറയുന്നു.

ഈ ഉടമയുടെ അവകാശവാദങ്ങൾ നിരാകരിക്കുന്നതിനിടയിൽ, ഓല ഉപയോക്താവിന്റെ ടെലിമെട്രി ഡാറ്റ പരസ്യമായി പുറത്തുവിടുകയും ഡാറ്റ സ്വകാര്യതയ്ക്കുള്ള ഉപഭോക്താവിന്റെ അവകാശവുമായി ബന്ധപ്പെട്ട പുതിയ വിവാദത്തിൽ ഏർപ്പെടുകയും ചെയ്തിരുന്നു.

ഓല ഇലക്ട്രിക്കിനെക്കുറിച്ച് പറയുമ്പോൾ, പ്രീ-ബുക്കിംഗ് പോർട്ടൽ തുറന്ന് ആദ്യ 24 മണിക്കൂറിനുള്ളിൽ ഒരു ലക്ഷത്തിലധികം പ്രീ-ബുക്കിംഗുമായി സ്റ്റാർട്ടപ്പ് കമ്പനിക്ക് മികച്ച പ്രതികരണം ലഭിച്ചു. നേരത്തെ ഓല ഇലക്ട്രിക് സ്കൂട്ടർ മുൻകൂട്ടി ബുക്ക് ചെയ്ത ഉപഭോക്താക്കൾക്ക് 20,000 രൂപ നൽകി ഓല ഇലക്ട്രിക് സ്കൂട്ടർ ബുക്ക് ചെയ്യാൻ സാധിച്ചിരുന്നു.

മാത്രമല്ല, ഓല ഇലക്ട്രിക് തങ്ങളുടെ ഓല ഫിനാൻഷ്യൽ സർവീസസ് (OFS) വഴി മുഴുവൻ പണമടയ്ക്കാനും സാമ്പത്തിക സഹായം പോലും നൽകി. ഓല ഇലക്ട്രിക് പറയുന്നതനുസരിച്ച്, തങ്ങളുടെ ഉപഭോക്താക്കൾക്ക് കമ്പനിയുടെ ഓല ഫിനാൻഷ്യൽ സർവീസസിൽ നിന്ന് 'ബെസ്റ്റ്-ഇൻ-ക്ലാസ്' ഫിനാൻസ് ഓപ്ഷനുകൾ ലഭിക്കും.

ഓല ഇലക്ട്രിക് സ്കൂട്ടറുകളെ കുറിച്ച് പറയുമ്പോൾ, ഓല S1 ഇലക്ട്രിക് സ്കൂട്ടറിന് സിംഗിൾ ചാർജിൽ 121 കിലോമീറ്റർ സഞ്ചരിക്കാൻ കഴിയുമെന്ന് ഓല ഇലക്ട്രിക് അവകാശപ്പെടുന്നു, അതേസമയം ഓല S1 പ്രോ ഇലക്ട്രിക് സ്കൂട്ടറിന് 181 കിലോമീറ്റർ റൈഡിംഗ് റേഞ്ച് ലഭിക്കുന്നു. എന്നിരുന്നാലും, കമ്പനി പറയുന്നതനുസരിച്ച്, ഓല S1 പ്രോയുടെ ‘ട്രൂ റേഞ്ച്' 135 കിലോമീറ്ററാണ്.

രണ്ട് വേരിയന്റുകളും സമാനമായി കാണപ്പെടുന്നുണ്ടെങ്കിലും, ഓല S1 ഒരു ചെറിയ 2.98 kWh ബാറ്ററി പാക്കാണ് ഉപയോഗിക്കുന്നത്, അതേസമയം ഓല S1 പ്രോ ഒരു വലിയ 3.97 kWh ബാറ്ററി പാക്കിലാണ് വരുന്നത്. എന്നിരുന്നാലും, രണ്ട് സ്കൂട്ടറുകളും ഏതാണ്ട് സമാനമായ ഇലക്ട്രിക് മോട്ടോറുകളോടെയാണ് വരുന്നത്.

കൂടാതെ, ഓല S1 പ്രോയ്ക്ക് കുറച്ച് അധിക സവിശേഷതകളും പ്രകടനവും ലഭിക്കുന്നു. ഇതിനർത്ഥം ഓല S1 പ്രോ, 0-40 kmph ക്ലോക്ക് ചെയ്യാനെടുക്കുന്ന ഔദ്യോഗിക സമയം 3.0 സെക്കൻഡാണ്. 115 kmph ആണ് സ്കൂട്ടറിന്റെ പരമാവധി വേഗത. നേരെമറിച്ച്, ഓല S1 -ൽ ഇതേ നേട്ടത്തിന് 3.6 സെക്കൻഡ് സമയം എടുക്കും കൂടാതെ 90 kmph എന്ന അൽപ്പം കുറഞ്ഞ ടോപ്പ് സ്പീഡാണ് സ്കൂട്ടറിന് ഉണ്ടാവുക.

കൂടാതെ, ഓല ഇലക്ട്രിക് സ്കൂട്ടർ വളരെ പ്രായോഗികമായ ഒരു ഇലക്ട്രിക് സ്കൂട്ടറാണ്, ഇതിന് സീറ്റിനടിയിൽ വലിയ 50 -ലിറ്റർ സ്റ്റോറേജ് ഉണ്ട്, ഇത് ഇന്ത്യയിൽ ലഭ്യമായ മിക്ക സ്കൂട്ടറുകളേക്കാളും ഇരട്ടി വലുതാണ് എന്നതും ശ്രദ്ധേയമാണ്.