ആന കൊടുത്താലും ആശ കൊടുക്കരുതേ...! പെട്രോൾ ഡീസൽ വിലകൾ കുറയുമെന്ന റിപ്പോർട്ട്, സത്യാവസ്ഥ എന്താണ്

ആഗോള വിപണിയിൽ ക്രൂഡ് ഓയിലുകളുടെ വില കുറയുന്ന സാഹചര്യത്തിൽ രാജ്യത്ത് പെട്രോളിനും ഡീസലിനും വില കുറയുമെന്നാണ് പുതിയ റിപ്പോർട്ടുകൾ സൂചിപ്പിക്കുന്നത്. പെട്രോൾ, ഡീസൽ വില ലിറ്ററിന് 2-3 രൂപ കുറയ്ക്കാൻ സർക്കാർ ഉടമസ്ഥതയിലുള്ള സ്ഥാപനങ്ങൾ തയ്യാറാകുമെന്നാണ് റിപ്പോർട്ടിൽ പറയുന്നത്. ഇന്ത്യ ഇറക്കുമതി ചെയ്യുന്ന ഒരു ബാസ്‌ക്കറ്റ് ക്രൂഡ് ഓയിലിൻ്റെ വില സെപ്റ്റംബറിൽ ബാരലിന് ശരാശരി 74 ഡോളറായിരുന്നു, എന്നാൽ മാർച്ചിൽ പെട്രോൾ, ഡീസൽ വില ലിറ്ററിന് 2 രൂപ കുറച്ചപ്പോൾ ബാരലിന് 83-84 ഡോളറായിരുന്നു.

കഴിഞ്ഞ കുറച്ച് മാസങ്ങളായി ക്രൂഡ് ഓയിലിൻ്റെ വില കുത്തനെ ഇടിഞ്ഞിരുന്നു, പ്രാഥമികമായി ദുർബലമായ ആഗോള സാമ്പത്തിക വളർച്ചയും ഉയർന്ന യുഎസ് ഉൽപ്പാദനവും കാരണം, കുറഞ്ഞുവരുന്ന വിലയെ നേരിടാൻ ഒപെക് രാഷ്ട്രങ്ങൾ അതിൻ്റെ ഉൽപാദന വെട്ടിക്കുറവ് രണ്ട് മാസത്തേക്ക് പിൻവലിച്ചിരുന്നു. റിഫൈനറികളിൽ പെട്രോൾ, ഡീസൽ തുടങ്ങിയ ഇന്ധനങ്ങളായി പരിവർത്തനം ചെയ്യപ്പെടുന്ന ക്രൂഡ് ഓയിലിൻ്റെ വിലയിലെ ഇടിവ് രണ്ട് വർഷത്തിലേറെയായി മരവിപ്പിച്ച പെട്രോൾ, ഡീസൽ നിരക്കുകൾ കുറയ്ക്കുമെന്ന പ്രതീക്ഷ വീണ്ടും ഉണർത്തിയിരുന്നു.

വർദ്ധിച്ച ഉപഭോഗവും കയറ്റുമതിയും കൈകാര്യം ചെയ്യുന്നതിന് വേണ്ടി ആഭ്യന്തര ശുദ്ധീകരണ ശേഷി 2024 മാർച്ചിലെ നിലവിലെ ശേഷി 256.8 ദശലക്ഷം ടണ്ണിൽ നിന്ന് അടുത്ത മൂന്ന് നാല് വർഷത്തിനുള്ളിൽ 306 ദശലക്ഷം ടണ്ണായി ഉയർത്തുമെന്ന് പ്രതീക്ഷിക്കാം. എന്തൊക്കെ ആയാലും സാധാരണക്കാരനെ സംബന്ധിച്ചിടത്തോളം ഇന്ധനവില വർധനവ് വലിയ ഒരു തിരിച്ചടി തന്നെയാണ്. പല പ്രഖ്യാപനങ്ങളും വാഗ്ദാനങ്ങളും ഉണ്ടായിട്ടും ഒരു കാര്യവുമില്ല.

വർധിച്ച് വരുന്ന ഇന്ധനവിലയിൽ കുടുങ്ങി ശ്വാസം മുട്ടാതിരിക്കാൻ നിങ്ങളുടെ വാഹനത്തിന് മികച്ച മൈലേജ് കിട്ടാനും ഇന്ധനം പാഴായി പോകാതിരിക്കാനും ചില കാര്യങ്ങൾ ശ്രദ്ധിക്കേണ്ടതായിട്ടുണ്ട്. നിങ്ങള്‍ ഒരു കാര്‍ ഉടമയാണെങ്കില്‍ ആദ്യം ചെയ്യേണ്ട കാര്യങ്ങളില്‍ ഒന്ന് കാര്‍ തണലില്‍ പാര്‍ക്ക് ചെയ്യാന്‍ ശ്രമിക്കുക എന്നതാണ്. ഇത് കാറിന്റെ ഇന്റീരിയര്‍ കൂടുതല്‍ ചൂടാകുന്നത് തടയുകയും അതുവഴി തണുപ്പ് നിലനിര്‍ത്തുകയും ചെയ്യുന്നു. ഇത് കാര്‍ സ്റ്റാര്‍ട്ട് ആക്കുമ്പോള്‍ എസിയുടെ ജോലിഭാരം കുറയ്ക്കുന്നു.

എല്ലാ സമയത്തും എസി ഫുള്‍ പവറില്‍ പ്രവര്‍ത്തിപ്പിക്കാതിരിക്കാൻ ശ്രദ്ധിക്കുക. കുറച്ച് സമയം ആവറേജ് പവറില്‍ ക്രമീകരിച്ച് കാര്‍ തണുത്തുകഴിഞ്ഞാല്‍ ഫാന്‍ വേഗത കുറയ്ക്കാൻ ശ്രദ്ധിക്കു. ഈ രീതി ഇന്ധന ഉപഭോഗം കുറയ്ക്കാന്‍ സഹായിക്കുന്നു. ഇത് കാറിന്റെ മൈലേജ് വര്‍ധിപ്പിക്കുകയും നിങ്ങളുടെ പോക്കറ്റിന് ആശ്വാസമേകുകയും ചെയ്യും.

കാര്‍ എസി ഫില്‍ട്ടര്‍ പതിവായി വൃത്തിയാക്കുകയും പരിപാലിക്കുകയും ചെയ്യേണ്ടത് മികച്ച ഇന്ധനക്ഷമത ലഭിക്കുന്നതിന് അത്യാവശ്യമാണ്. എസി ഫില്‍ട്ടറുകള്‍ വൃത്തികേടായിരുന്നാല്‍ സിസ്റ്റത്തില്‍ അധികം സമ്മര്‍ദം വരികയും ഇത് ഇന്ധന ഉപഭോഗം വര്‍ദ്ധിപ്പിക്കുകയും ചെയ്യും. എസി ഫില്‍ട്ടറുകള്‍ വൃത്തിയായി സൂക്ഷിക്കുന്നത് കാര്യക്ഷമമായ പ്രവര്‍ത്തനവും മികച്ച ഇന്ധനക്ഷമതയും ഉറപ്പാക്കുന്നു.

നിങ്ങള്‍ വാഹനം ഓടിക്കുന്ന റോഡ് സാഹചര്യങ്ങള്‍ക്ക് അനുസരിച്ച് എസിയുടെ പ്രവര്‍ത്തനം ക്രമീകരിക്കാം. സിറ്റി ട്രാഫിക്കില്‍ നിങ്ങള്‍ പതുക്കെ വാഹനം ഓടിക്കുകയാണെങ്കില്‍ എസി ഓഫാക്കി വിന്‍ഡോകള്‍ തുറന്നിടുന്നത് പരിഗണിക്കുക. എന്നിരുന്നാലും, ഹൈവേകളില്‍ അമിതമായ എയറോഡൈനാമിക് ഡ്രാഗ് ഒഴിവാക്കാന്‍ വിന്‍ഡോകള്‍ അടച്ച് എസി ഉപയോഗിക്കുക. അല്ലാത്തപക്ഷം ഇന്ധന ഉപഭോഗം വര്‍ധിക്കും. ഇവയെല്ലാം പരീക്ഷിച്ച് നോക്കുകയും ഫലം കിട്ടിയാൽ തമൻ്റ് ചെയ്യാനും മറക്കരുതേ.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.