ശ്രേയാ ഘോഷാല്‍ കോ ജനമ്ദിന്‍ മുബാറക് ഹെ, ഹോ ഹം....

ശ്രേയ ഇഷ്ടപ്പെടുന്ന പോഷെ കായേന്‍ എസ്‌യുവിക്ക് ഇന്ത്യന്‍ വിപണിയില്‍ വില 80.47 ലക്ഷം മുതല്‍ 1.64 കോടി വരെയാണ് വില.

കായേന്റെ നാല് വേരിയന്റുകളാണ് ഇന്ത്യന്‍ വിപണിയില്‍ ലഭിക്കുന്നത്.

ബേസ് വേരിയന്റിന് ദില്ലി എക്‌സ് ഷോറും നിരക്ക് പ്രകാരം 80,46,552 രൂപ വില വരുന്നു.

ടോപ് വേരിയന്റിന് ദില്ലി എക്‌സ് ഷോറൂം നിരക്ക് പ്രകാരം വില 1,63,71,974 രൂപയാണ്.

മൂന്ന് എന്‍ജിന്‍ വേരിയന്റുകളാണ് ഇന്ത്യയില്‍ കായേനിനുള്ളത്.

ഇവയില്‍ ഒരെണ്ണം ഡീസല്‍ വേരിയന്റാണ്.

ഡീസല്‍ വേരിയന്റ് നല്‍കുന്ന മൈലേജ് ലിറ്ററിന് 13.5 കിലോമീറ്റര്‍ ആണ്. ഈ വേരിയന്റ് മാന്വല്‍ ട്രാന്‍സ്മിഷന്‍ ഘടിപ്പിച്ചാണ് വരുന്നതെന്നും അറിയുക.

മറ്റ് മൂന്ന് വേരിയന്റുകള്‍ ഓട്ടോമാറ്റിക് ട്രാന്‍സ്മിഷനിലാണ് വരുന്നത്.

പോഷെ കായേനിന്റെ വേരിയന്റുകളിലൊന്ന് ഹൈബ്രിഡ് സാങ്കേതികതയില്‍ ലഭ്യമാണ്. ലിറ്ററിന് 13.2 കിലോമീറ്റര്‍ മൈലേജാണ് ലഭിക്കുക.

2995 സിസി ശേഷിയുള്ള ഒരു പെട്രോള്‍ എന്‍ജിനോടൊപ്പമാണ് ഇലക്ട്രിക് മോട്ടോര്‍ ഘടിപ്പിച്ചിരിക്കുന്നത്.

പെട്രോള്‍ എന്‍ജിന്‍ 333 കുതിരശക്തി ഉല്‍പാദിപ്പിക്കുമ്പോള്‍ ഇലക്ട്രിക് മോട്ടോര്‍ 47 കുതിരകളുടെ കരുത്ത് പുറത്തെടുക്കുന്നു.

പത്ത് നിറങ്ങളില്‍ പോഷെ കായേന്‍ വിപണിയില്‍ ലഭിക്കും.

കഴിഞ്ഞ വര്‍ഷം അവസാനത്തില്‍ പോഷെ കായേന് രണ്ട് പ്രത്യേക പതിപ്പുകള്‍ പുറത്തിറക്കിയിരുന്നു. ചില എക്സ്റ്റീരിയര്‍ അപ്‌ഡേറ്റുകളാണ് വാഹനങ്ങളില്‍ വരുത്തിയിരുന്നത്. കൂടുതലായി ചില അധിക സുരക്ഷാ സംവിധാനങ്ങളും എസ്‌യുവി യില്‍ ഏര്‍പ്പെടുത്തിയിരുന്നു.

1939 മില്ലിമീറ്റര്‍ വീതിയും 4846 മില്ലിമീറ്റര്‍ നീളവും 1705 മില്ലിമീറ്റര്‍ ഉയരവും പോഷെ കായേനിനുണ്ട്.

അഡ്ജസ്റ്റ് ചെയ്യാവുന്ന ഹെഡ്‌ലാമ്പുകള്‍, സണ്‍റൂഫ് തുടങ്ങിയ സംവിധാനങ്ങള്‍ എക്‌സ്റ്റീയറില്‍ കാണാം.

മുന്നിലും പിന്നിലുമുള്ള കാബിനുകള്‍ക്ക് എയര്‍ബാഗ് സുരക്ഷ ഏര്‍പ്പെടുത്തിയിട്ടുണ്ട്. സീറ്റുകളെല്ലാം ഇഷ്ടാനുസൃതം ക്രമീകരിക്കാവുന്നതാണ്.