Click it and Unblock the Notifications
പൃഥ്വിരാജിന് ഇനി കൂട്ട് ലംബോര്ഗിനി ഉറാക്കാന്; സന്തോഷം പങ്കുവെച്ച് താരം
ലംബോര്ഗിനി ഉറാക്കാന്റെ വളയത്തില് പിടിമുറുക്കിയപ്പോള് പൃഥ്വിരാജിനും തോന്നി ബാറ്റ്മാന് സിനിമയിലെ ബ്രൂസ് വെയിനാണ് താനെന്ന്. അങ്ങനെ കാത്തിരിപ്പിനൊടുവില് മലയാളത്തിന്റെ യുവ നടന് പൃഥ്വിരാജ് സുകുമാരന് ലംബോര്ഗിനി ഉറാക്കാന് സ്വന്തമാക്കി.
കാളിയന് എന്ന ചിത്രത്തിന്റെ ഫസ്റ്റ് ലുക്ക് പുറത്തിറങ്ങിയ ദിവസം തന്നെ ലംബോര്ഗിനി ഉറാക്കാന് കിട്ടിയത് മലയാളത്തിന്റെ യുവ നടന് ഇരട്ടിമധുരമേകി.
മാസങ്ങൾക്ക് മുമ്പ് ബുക്ക് ചെയ്ത ലംബോര്ഗിനി ഉറാക്കാന് LP580-2 സൂപ്പര്കാർ ഇന്നലെയാണ് താരത്തിന് ലഭിച്ചത്. ലംബോര്ഗിനി സ്വന്തമാക്കിയ സന്തോഷം പൃഥ്വിരാജ് തന്നെയാണ് ഇന്സ്റ്റഗ്രാമിലൂടെ ആരാധകരെ അറിയിച്ചതും.
Recommended Video
ഇപ്പോള് ബാറ്റ്മാന് സിനിമയിലെ ബ്രൂസ് വെയിനിനെ പോലെയാണ് താനെന്ന് ചിത്രത്തിന് അടിക്കുറിപ്പായി പൃഥ്വിരാജ് ഇന്സ്റ്റഗ്രാമില് കുറിച്ചു. 2014 ല് ഗയാര്ഡോയ്ക്ക് പകരം ഇറ്റാലിയന് നിരയില് പിറവിയെടുത്ത അവതാരമാണ് ഉറാക്കാന്.
5.2 ലിറ്റര് നാച്ചുറലി ആസ്പിരേറ്റഡ് V10 എഞ്ചിനിലാണ് ഉറാക്കാന് LP 580-2 കാറിന്റെ ഒരുക്കം. 572 bhp കരുത്തേകുന്ന എഞ്ചിനില് ഏഴു സ്പീഡ് ഡ്യൂവല് ക്ലച്ച് ഓട്ടോമാറ്റിക് ട്രാന്സ്മിഷനാണ് ഇടംപിടിക്കുന്നത്.
നൊടിയിടയില് ഗിയര്മാറ്റം സാധ്യമാക്കുകയാണ് ഡ്യൂവല് ക്ലച്ച് ട്രാന്സ്മിഷന്റെ ലക്ഷ്യം. നിശ്ചലാവസ്ഥയില് നിന്നും നൂറ് കിലോമീറ്റര് വേഗത കൈവരിക്കാന് ഉറാക്കാന് LP 580-2 ന് വേണ്ടത് 3.4 സെക്കന്ഡുകള് മാത്രം.
മണിക്കൂറില് 320 കിലോമീറ്ററാണ് കാറിന്റെ പരമാവധി വേഗത. പൃഥ്വിരാജ് തെരഞ്ഞെടുത്ത LP 580-2 കൂപ്പെയ്ക്ക് പുറമെ LP 580-2 സ്പൈഡര്, LP 610-4 കൂപ്പെ, LP 610-4 സ്പൈഡര്, LP 640-4 പെര്ഫോര്മന്തെ മോഡലുകളും ഉറാക്കാന് നിരയിലുണ്ട്.
ഇന്ത്യന് റോഡ് സാഹചര്യങ്ങള് കണക്കിലെടുത്ത് ഫ്രണ്ട് ലിഫ്റ്റ് ഓപ്ഷനോടെയാണ് ഉറാക്കാന് LP 580-2 സൂപ്പര്കാറിനെ താരം സ്വന്തമാക്കിയത്. ആവശ്യസന്ദര്ഭങ്ങളില് ഫ്രണ്ട് ആക്സില് ഒരല്പം ഉയര്ത്താന് ഈ ഫീച്ചര് മുഖേന സാധിക്കും.
ലംബോര്ഗിനി നിരയിലെ ബജറ്റ് സൂപ്പര്കാര് എന്ന വിശേഷണവും റിയര് വീല് ഡ്രൈവ് ഉറാക്കാന് LP 580-2 ന് ഉണ്ട്. അതേസമയം ഇറ്റാലിയന് നിര്മ്മാതാക്കള് അടുത്തിടെ അവതരിപ്പിച്ച ഉറൂസ് എസ്യുവിയാണ് നിരയിലെ ഏറ്റവും വില കുറഞ്ഞ ലംബോര്ഗിനി.
Continue with Google