ഡ്രൈവർ ഒന്ന് കണ്ണുചിമ്മിയാൽ AI അറിയും; ട്രെയിനിലെ ഹൈടെക് ഫീച്ചർ

രാജ്യത്ത് എറ്റവും കൂടുതൽ ആളുകൾ ആശ്രയിക്കുന്ന പൊതുഗതാഗത സംവിധാനമാണല്ലോ ട്രെയിൻ എന്നു പറയുന്നത്. അത് പോലെ തന്നെ സുരക്ഷിതവും. ചില അശ്രദ്ധകൾ കൊണ്ട് അപകടങ്ങൾ സംവിക്കാറുണ്ട് എങ്കിലും രാജ്യത്ത് ഏറ്റവും കൂടുതൽ ആളുകൾ സഞ്ചരിക്കുന്ന ഒന്ന് കൂടിയാണ് ട്രെയിനുകൾ. ഇപ്പോൾ പുതിയതായി നോർത്ത് ഈസ്റ്റ് ഫ്രോണ്ടിയർ റെയിൽവേ ലോക്കോപൈലറ്റ് ഉറങ്ങുന്നത് കണ്ടുപിടിക്കുന്നതിനായി ഒരു ആർട്ടിഫിഷ്യൽ ഇൻ്റലിജൻസ് സംവിധാനം വികസിപ്പിച്ചിരിക്കുകയാണ്.

ട്രെയിൻ ഡ്രൈവർമാരുടെ കണ്ണ് ചിമ്മുന്നത് ട്രാക്ക് ചെയ്യുന്നതിലൂടെ അവരുടെ ആരോഗ്യ നില നിരീക്ഷിക്കുന്നതിനാണ് ഈ AI അടിസ്ഥാനമാക്കിയുള്ള ഉപകരണം രൂപകൽപ്പന ചെയ്തിരിക്കുന്നത്. എൻഎഫ്ആർ വികസിപ്പിച്ചെടുത്ത ഈ പയനിയറിംഗ് സാങ്കേതികവിദ്യയെ റെയിൽവേ ഡ്രൈവർ അസിസ്റ്റൻസ് സിസ്റ്റംഎന്നാണ് വിളിക്കുന്നത്. ട്രെയിൻ ഡ്രൈവർമാരുടെ യാത്രാവേളയിൽ ജാഗ്രത ഉറപ്പാക്കുക എന്നതാണ് ഇതിന്റെ പ്രാഥമിക ലക്ഷ്യം. ഡ്രൈവർമാരുടെ ചിമ്മുന്ന കണ്ണുകൾ മനസിലാക്കി മയക്കത്തിന്റെയോ അശ്രദ്ധയുടെയോ ലക്ഷണങ്ങളോട് വേഗത്തിൽ പ്രതികരിക്കും.

ട്രെയിൻ ഡ്രൈവർമാരുടെ കണ്ണുകളുടെ ചലനങ്ങൾ നിരീക്ഷിക്കാനും അസാധാരണമായ മിന്നുന്ന പാറ്റേണുകൾ കണ്ടെത്താനും ആർ‌ഡി‌എ‌എസ് വിപുലമായ ആർട്ടിഫിഷ്യൽ ഇന്റലിജൻസ് അൽ‌ഗോരിതങ്ങൾ ഉപയോഗിക്കുന്നതിനെയാണ് ബ്ലിങ്ക് ഡിറ്റക്ഷൻ എന്ന് പറയുന്നത്. മയക്കത്തിന്റെ ലക്ഷണങ്ങൾ അല്ലെങ്കിൽ ജാഗ്രത കുറയുന്ന ലക്ഷണങ്ങൾ RDAS കണ്ടെത്തുമ്പോൾ, അത് ഡ്രൈവറെ അറിയിക്കാൻ കേൾക്കാവുന്ന അലേർട്ടുകൾ സജീവമാകും.

ദീർഘനേരത്തേക്ക് ഡ്രൈവറുടെ ജാഗ്രത കുറയുന്ന നിർണായക സാഹചര്യങ്ങൾ ഉണ്ടായാൽ, ട്രെയിനിന്റെ എമർജൻസി ബ്രേക്കുകൾ പ്രയോഗിച്ച് ട്രെയിൻ നിർത്താൻ സാധിക്കും. സാധ്യതയുള്ള അപകടസാധ്യതകൾ ലഘൂകരിക്കുന്നതിനുള്ള ദ്രുത പ്രതികരണം ഉറപ്പാക്കിക്കൊണ്ട് RDAS ഒരു വിജിലൻസ് നിയന്ത്രണ ഉപകരണവുമായി പരിധികളില്ലാതെ ബന്ധപ്പെട്ടുകൊണ്ടിരിക്കും.

ലോകത്തിലെ നാലാമത്തെ വലിയ റെയിൽ ശൃംഖലയായി കണക്കാക്കപ്പെടുന്ന ഇന്ത്യൻ റെയിൽ ശൃംഖല ഏഷ്യയിൽ രണ്ടാം സ്ഥാനത്താണ്. ഒരു ട്രെയിനിന് രണ്ട് ലോക്കോമോട്ടീവ് പൈലറ്റുമാരാണുള്ളത്. ട്രെയിനിലെ ആയിരക്കണക്കിന് യാത്രക്കാരുടെ സുരക്ഷ അവരുടെ കൈയിലാണ്. ഒരു ട്രെയിൻ ഓടിക്കുമ്പോൾ, ലോക്കോ പൈലറ്റ് ട്രെയിനിന്റെ വേഗത ചുരുക്കുകയോ കൂട്ടുകയോ ചെയ്യണം. ഇടയ്ക്കിടെ ഹോൺ പ്രയോഗിക്കണം.

ഇത് ചെയ്യുന്നതിലൂടെ, ലോക്കോ പൈലറ്റ് ഉണർന്നിരിക്കുകയാണെന്നും തീവണ്ടി പൂർണ്ണ സുരക്ഷയിലാണ് മുന്നോട്ട് പോകുന്നതെന്നും ട്രെയിനിന്റെ എഞ്ചിൻ ഇൻസ്റ്റാൾ ചെയ്ത സിസ്റ്റത്തിന് തിരിച്ചറിയാൻ കഴിയും. ട്രെയിനിന്റെ പൈലറ്റ് ഒരു മിനിറ്റ് നിശ്ചലമായാൽ എഞ്ചിനിലെ ഗാഡ്‌ജെറ്റ് എല്ലാം സജീവമാകുകയും ചെയ്യും. ഇന്ത്യൻ ഗതാഗത സംവിധാനത്തിന്റെ ജീവനാഢിയായ റെയിൽവേ കഴിഞ്ഞ 167 വർഷമായി ഉപയോഗിക്കുന്ന സിഗ്നലിംഗ് സംവിധാനമാണ് ഇപ്പോഴും ഉപയോഗിക്കുന്നത്. പ്രധാനമായും ഈ സിഗ്‌നല്‍ പച്ച, മഞ്ഞ, ചുവപ്പ് എന്നിങ്ങനെ മൂന്ന് തരത്തിലാണുള്ളത്.

തീവണ്ടികള്‍ ഒരു നിശ്ചിതപാളത്തില്‍ക്കൂടി പോകുന്നതിനാണ് സിഗ്‌നലുകള്‍ നല്‍കുന്നത്. അതുകൊണ്ടുതന്നെ സിഗ്‌നല്‍ തയ്യാറാകുമ്പോള്‍ പോകേണ്ട ട്രാക്കും സജ്ജമായിരിക്കും. ഇന്ന് പൊതുവേ വൈദ്യുതിയിൽ പ്രവര്‍ത്തിക്കുന്ന എല്‍ഇഡി സിഗ്‌നലുകളാണ് ട്രാക്കിൽ ഉപയോഗിക്കുന്നത്. അതിന് മുമ്പേ വൈദ്യുതിയിൽ തന്നെ പ്രവര്‍ത്തിക്കുന്ന കളര്‍ലൈറ്റ് സിഗ്‌നലുകള്‍ ആയിരുന്നു ഉപയോഗിച്ചിരുന്നത്. അതായത് കാറുകൾക്കും ബൈക്കുകളിലേതും പോലെ തന്നെ ഇന്നത്തെ എൽഇഡി യൂണിറ്റുകൾ കൂടുതൽ പ്രായോഗികമാണ്.

പക്ഷേ എല്‍ഇഡി സിഗ്‌നലുകൾ എല്ലായിടത്തും പ്രാവർത്തികവുമായിട്ടില്ല. ട്രെയിനുകളുടെ അമിത വേഗത മൂലം ഉണ്ടാകുന്ന അപകടങ്ങൾ, സിഗ്നലുകളുടെ തകരാര്‍, എന്നിവ പരിഹരിക്കാന്‍ വേണ്ടി ഓട്ടോമാറ്റിക് ട്രെയിൻ പ്രൊട്ടക്ഷൻ (ATP) സംവിധാനങ്ങളിലേക്ക് നീങ്ങാനുള്ള പദ്ധതിയും റെയിൽവേ പ്രഖ്യാപിച്ചിട്ടുണ്ട്. യൂറോപ്യൻ ട്രെയിൻ കൺട്രോൾ സിസ്റ്റം, ട്രെയിൻ കൊളീഷൻ അവോയ്ഡൻസ് സിസ്റ്റം എന്നിവയിയുടെ പ്രവര്‍ത്തനങ്ങളാണ് ഓട്ടോമാറ്റിക് ട്രെയിൻ പ്രൊട്ടക്ഷനിലേക്ക് മാറുന്നത്.

മറ്റൊരു പ്രധാന കാര്യം എന്നത്, ഇന്ത്യൻ റെയിൽവേയിലെ യാത്രക്കാർക്ക് ഇപ്പോൾ ഒരു ഡ്യൂപ്ലിക്കേറ്റ് റെയിൽ ടിക്കറ്റ് ഫീസ് അടച്ച് ലഭിക്കും. റിസർവേഷൻ ചാർട്ട് പബ്ലിഷ് ചെയ്യുന്നതിന് മുമ്പ് സ്ഥിരീകരിച്ചതോ ആർഎസി ടിക്കറ്റിന്റെയോ നഷ്ടം റിപ്പോർട്ട് ചെയ്യപ്പെടുകയാണെങ്കിൽ, രണ്ടാമത്തെയും സ്ലീപ്പർ ക്ലാസിലെയും യാത്രക്കാർക്ക് 50 രൂപയും മറ്റെല്ലാ ക്ലാസുകൾക്കും 100 രൂപയും അടച്ചാൽ ഡ്യൂപ്ലിക്കേറ്റ് ടിക്കറ്റ് നൽകുമെന്നാണ് ഇന്ത്യൻ റെയിൽവേ പറയുന്നത്.