റോഡിൽ സ്പൈക്ക് വച്ചിട്ടും കാര്യമില്ല, നിയമം തെറ്റിക്കണമെന്നുറപ്പിച്ച മനസ്സാണ് ഇവരുടെ

ഇന്ത്യയിൽ, പലരും റോഡുകളിൽ ചെയ്യുന്ന ഏറ്റവും സാധാരണമായ ലംഘനങ്ങളിലൊന്നാണ് തെറ്റായ തെറ്റായ ദിശയിലൂടെ വാഹനമോടിക്കുക എന്നത്. ഈ പ്രവൃത്തി ചെയ്യുന്ന പലരും ഇത് ഒരു കുറ്റമായി പോലും കണക്കാക്കുന്നില്ല. കുറച്ച് മിനിറ്റുകളും കുറച്ച് ഇന്ധനവും ലാഭിക്കാൻ വേണ്ടി ചെയ്ത ഈ ലളിതമായ തെറ്റ് പലപ്പോഴും വലിയ അപകടങ്ങളിലാണ് കലാശിക്കുന്നത് എന്ന് ആരും ഓർക്കുന്നില്ല.

ഇത്തരം കുറ്റകൃത്യങ്ങൾ കുറയ്ക്കാൻ സർക്കാർ പലപ്പോഴും നടപടികൾ സ്വീകരിക്കാറുണ്ട്, എന്നാൽ നിയമങ്ങൾ പാലിക്കാൻ ഇഷ്ടപ്പെടാത്തവരാണ് കൂടുതൽ എന്ന് തോന്നുന്നു. അടുത്തിടെ, റായ്പൂർ മുനിസിപ്പൽ കോർപ്പറേഷൻ (ആർഎംസി) റായ്പൂരിൽ തെറ്റായ സൈഡ് ഡ്രൈവിംഗ് കുറയ്ക്കുന്നതിനോ നിർത്തുന്നതിനോ ടയർ കില്ലർ സ്പൈക്കുകൾ സ്ഥാപിച്ചിരുന്നു. എന്നാൽ അതിനും നിയമലംഘനം നടത്തുന്നവരെ തടയാൻ സാധിച്ചില്ല എന്നതാണ് സങ്കടം.

വിവിധ സോഷ്യൽ മീഡിയ പ്ലാറ്റ്‌ഫോമുകളിൽ വീഡിയോ പ്രചരിക്കുന്നുണ്ട്. ഈ വീഡിയോയിൽ, രണ്ട് വാഹനങ്ങൾ ടയർ കില്ലർ സ്പൈക്കുകൾക്ക് മുകളിലൂടെ തെറ്റായ ഭാഗത്ത് നിന്ന് കേടുപാടുകൾ കൂടാതെ കടന്നുപോകുന്നത് നിങ്ങൾക്ക് കാണാം. സ്‌കൂട്ടറിലോ ബൈക്കിലോ ഉള്ള പില്യൺ ഇറങ്ങി സ്‌പൈക്കിൽ നിൽക്കുകയും. ഇത് മൂർച്ചയുള്ള അരികുകൾ റോഡിലേക്ക് ഇറക്കുകയും ബൈക്കിന് കേടുപാടുകൾ കൂടാതെ മുകളിലേക്ക് പോകാൻ സാധ്യമാക്കുകയും ചെയ്യുന്നു.

സ്പൈക്കുകളിലൂടെ വളരെ കുറഞ്ഞ വേഗതയിൽ ടയറുകളിൽ ഓടുന്നത് കൊണ്ട്, അവ ചക്രങ്ങൾക്കോ ടയറുകളോ ഒരു തരത്തിലും കേടുവരുത്തുന്നില്ല. ഇവരിൽ ചിലർ ഹെൽമറ്റ് ധരിക്കുമ്പോൾ മറ്റു ചിലരുണ്ട്. ഇവരെല്ലാം തീർച്ചയായും തെറ്റായ ഭാഗത്ത് കൂടിയാണ് വാഹനം ഓടിക്കുന്നത്. സ്‌പൈക്കിൽ നിന്നുകൊണ്ട് ഒരു സ്‌ത്രീ തൻ്റെ ഭർത്താവിനെ സ്‌പൈക്കിന് കുറുകെ കടത്താൻ സഹായിക്കുന്നതും നമ്മുക്ക് വീഡിയോയിൽ കാണാം. ഈ സംവിധാനം രാജ്യത്തിൻ്റെ പല ഭാഗങ്ങളിലും നടപ്പിലാക്കിയിട്ടുണ്ട്, മിക്കവാറും എല്ലായിടത്തും ഇത് പരാജയപ്പെട്ട ചരിത്രമേ ഉളളു.

ടയർ കില്ലറുകൾ സ്ഥാപിക്കുന്നതിനു പുറമേ, തെറ്റായ വശത്ത് ഡ്രൈവ് ചെയ്യരുതെന്ന് ഡ്രൈവർമാർക്ക് മുന്നറിയിപ്പ് നൽകുന്ന സൈൻബോർഡുകളും അവർ സ്ഥാപിച്ചിട്ടുണ്ട്. ഈ അടയാളങ്ങൾ റൈഡർമാർ പൂർണ്ണമായും അവഗണിച്ചതായി വീഡിയോയിൽ നിന്ന് വ്യക്തമാണ്. കൃത്യമായ വശത്തുകൂടി ഓടുമ്പോൾ സ്പൈക്കുകൾ ടയറുകൾക്ക് കേടുപാടുകൾ വരുത്തുന്നില്ല; എന്നിരുന്നാലും, നിങ്ങൾ എതിർദിശയിൽ ഓടിക്കുകയാണെങ്കിൽ, അത് നിങ്ങളുടെ ടയർ എളുപ്പത്തിൽ കീറിക്കളയും.

സ്പൈക്കുകൾ ഉപയോഗിക്കുമ്പോൾ അപകടമുണ്ടായാൽ ഗുരുതരമായ പരിക്കുകൾ ഉണ്ടാകാനുള്ള സാധ്യത ഏറെയാണ്. ഇതിനു പകരം, റോഡിൽ റോംഗ് സൈഡ് ഉപയോഗിക്കുന്നതിൽ നിന്ന് ഡ്രൈവർമാരെ നിരുത്സാഹപ്പെടുത്താൻ ട്രാഫിക് പൊലീസ് പിഴകൾ ഈടാക്കിക്കൊണ്ട് ചലാൻ പുറപ്പെടുവിക്കണം എന്നാണ് ചില വിദഗ്ധർ അഭിപ്രായപ്പെടുന്നത്. ഇതു ഒരു തണുപ്പൻ നീക്കമായിരിക്കും എന്ന് മറ്റൊരു അഭിപ്രായവുമുണ്ട്.

2018 -ൽ സമാനമായ സാഹചര്യത്തിൽ, റോംഗ് സൈഡ് ഡ്രൈവിംഗ് തടയാൻ സ്ഥാപിച്ച ടയർ കില്ലർ സ്പീഡ് ബ്രേക്കറുകൾ നീക്കം ചെയ്യാൻ പൂനെ ട്രാഫിക് പൊലീസ് അമനോറ ടൗൺഷിപ്പ് എന്ന സ്വകാര്യ സൊസൈറ്റിയോട് ഉത്തരവിട്ടിരുന്നു. അപകടകാരികളാണ് എന്ന് ചൂണ്ടിക്കാട്ടിയാണ് പൊലീസ് ഇവ നീക്കം ചെയ്യാൻ നിർദേശം നൽകിയത്.

മുൻകാലങ്ങളിൽ, നോയിഡ പൊലീസ് പ്രത്യേകമായി മുൻകൈ എടുത്ത് നഗരത്തിന് ചുറ്റും ഹെവി ഡ്യൂട്ടി ടയർ കില്ലറുകൾ സ്ഥാപിക്കുമെന്ന് പ്രഖ്യാപിച്ചിരുന്നു. ജനങ്ങൾ ബ്ലോക്ക് ശ്രദ്ധിക്കാനും തെറ്റായ ഭാഗത്ത് നിന്ന് ഇതിലൂടെ കടക്കാതിരിക്കനുമായി, ടയർ കില്ലറുകൾക്ക് മുകളിൽ അധികൃതർ വലിയ ബോർഡുകൾ സ്ഥാപിച്ചു. ഒരു വാഹനം തെറ്റായ ദിശയിൽ നിന്ന് ടയർ കില്ലറുകളിലൂടെ കടന്നു പോയാൽ, സ്പൈക്കുകളുടെ വലുപ്പം വളരെ വലുതായതിനാൽ ടയറുകൾ റീപ്ലേസ് ചെയ്യാതെ മറ്റ് മാർഗം ഒന്നുമില്ല.

അന്നുവരെ, ടയർ കില്ലർ/ സ്പൈക്കുകൾ നിരവധി ബോൾട്ടുകൾ ഉപയോഗിച്ചാണ് ഇൻസ്റ്റാൾ ചെയ്തിരുന്നത്. ടയർ കില്ലറുകൾക്ക് മുകളിലൂടെ ഭാരമേറിയ വാഹനങ്ങൾ കടന്നുപോകുന്നത് മൂലമുണ്ടാകുന്ന കനത്ത പ്രഷർ ഈ ബോൾട്ടുകൾക്ക് താങ്ങാൻ കഴിയാത്തതിനാൽ, അവ ഫിറ്റ് ചെയ്ത ഇടത്തുനിന്ന് തെന്നി മാറി. എന്നിരുന്നാലും, പദ്ധതി പരാജയപ്പെട്ടു, നിലവിൽ നോയിഡ നഗരത്തിൽ ഇത്തരം ടയർ കില്ലറുകൾ ഇല്ല.