'കബാലി ബസ് ' മുംബൈ നിരത്തിലെ സ്റ്റൈൽ മന്നൻ

കബാലി പോസ്റ്ററുകൾ പതിപ്പിച്ച് ഫോക്സ് സ്റ്റാർ സ്റ്റുഡിയോയാണ് ഈ ഡബിൾ ഡക്കർ ബസിനെ മുംബൈയിലെ നിരത്തിലെത്തിച്ചത്.

ആരാധകരെ തിയ്യേറ്ററുകളിൽ എത്തിക്കുക എന്ന ലക്ഷ്യത്തോടെയാണ് റിലീസിംഗിന് ദിവസങ്ങൾ ബാക്കിയിരിക്കെ ബസ് എത്തിച്ചേർന്നിരിക്കുന്നത്.

വഡാല ബസ് ഡിപോയിൽ നിന്നാരംഭിക്കുന്ന ബസ് ഇൻ ഓർബിറ്റ് മാൾ വഴി കബാലി റിലീസ് ചെയ്യുന്ന അറോറ തിയേറ്റിലേക്കാണ് സർവീസ് നടത്തുക.

ഡാദാർ, ബാന്ദ്ര, അന്തേരി എന്നിവിടങ്ങളിലും സ്റ്റോപ്പ് അനുവദിച്ചിട്ടുണ്ട്. റിലീസിംഗ് ദിവസം ആരാധകർക്ക് തിയേറ്ററുകളിൽ എത്തുന്നതിന് ഈ ഡബിൾ ഡക്കർ ബസ് എന്തുകൊണ്ടും വലിയൊരു ഉപകാരമാകുമെന്നതിൽ സംശയമില്ല.

സ്റ്റൈൽ മന്നൻ രജനിയുമായി അറോറ തിയ്യേറ്റിന് അടുത്തൊരു ബന്ധം തന്നെയുണ്ടെന്ന് പറയാം. കാരണം രജനിയുടെ എല്ലാ പടങ്ങളും ഇവിടെ പ്രദർശിപ്പിക്കാതിരുന്നിട്ടില്ല.

അതുകൊണ്ടാണ് മുംബൈയിൽ കബാലിയുടെ റിലീസിംഗും ഈ തിയ്യേറ്ററിനെ കേന്ദ്രീകരിച്ച് നടത്തുന്നത്.

കബാലിയുടെ ആദ്യ ഷോ കാണുന്നതിന് ബസിൽ വലിയ ജനത്തെരുക്ക് തന്നെയുണ്ടാകുമെന്ന പ്രതീക്ഷയിലാണ് ബസ് നിർമാതാക്കൾ.

കബാലി ഡാ; ഇത് പറക്കും കബാലി

സ്വിഫ്റ്റിലും താരം കബാലി തന്നെ