Renault Kiger To Honda City; ആംബിയന്റ് ലൈറ്റിംഗ് വാഗ്ദാനം ചെയ്യുന്ന താങ്ങാനാവുന്ന കാറുകള്‍

സണ്‍റൂഫുകള്‍ മുതല്‍ വോയ്സ് പ്രവര്‍ത്തനക്ഷമമാക്കിയ ഇന്‍ഫോടെയ്ന്‍മെന്റ് വരെ, കൂടുതല്‍ കൂടുതല്‍ പ്രീമിയം ഫീച്ചറുകള്‍ ദൈനംദിന കാറുകളിലേക്ക് കടന്നുവരുകയും ചെയ്യുന്നു. അത്തരം ഒരു സവിശേഷതയാണ് ആംബിയന്റ് ലൈറ്റിംഗ്. ആംബിയന്റ് ലൈറ്റിംഗ് വാഗ്ദാനം ചെയ്യുന്ന 5 താങ്ങാനാവുന്ന കാറുകളാണ് ഇവിടെ പരിചയപ്പെടുത്തുന്നത്.

റെനോ കൈഗര്‍ - 8.09 ലക്ഷം

ഫ്രഞ്ച് വാഹന നിര്‍മാതാക്കളായ റെനോയില്‍ നിന്നുള്ള ഏറ്റവും പുതിയ ഓഫറാണ് കൈഗര്‍. ഇന്ന് ഈ സെഗ്മെന്റിലെ ജനപ്രീയ വാഹനം കൂടിയാണിത്. പ്രീമിയം ഫീച്ചറുകളുടെ കാര്യം വരുമ്പോള്‍, കൈഗര്‍ ഉപഭോക്താക്കളെ നിരാശപ്പെടുത്തുന്നില്ലെന്ന് വേണം പറയാന്‍.

2021 ഫെബ്രുവരിയില്‍ സമാരംഭിച്ച റെനോ കൈഗര്‍, ടോപ്പ് എന്‍ഡ് RXZ പതിപ്പ് മുതല്‍ വാഗ്ദാനം ചെയ്യുന്ന ആംബിയന്റ് ലൈറ്റിംഗ് ഉള്‍പ്പെടെ ധാരാളം ഇന്റീരിയര്‍ സുഖസൗകര്യങ്ങള്‍ വാഗ്ദാനം ചെയ്യുന്നു. ഈ വേരിയന്റെ വില 8.09 ലക്ഷം (എക്സ്‌ഷോറൂം) രൂപയാണ്. വിപണിയിലെ ആംബിയന്റ് ലൈറ്റിംഗുള്ള ഏറ്റവും താങ്ങാനാവുന്ന വാഹനങ്ങളില്‍ ഒന്നായി കൈഗറിനെ മാറ്റുകയും ചെയ്യുന്നു.

1.0 ലിറ്റര്‍ നാച്ചുറലി ആസ്പിറേറ്റഡ് യൂണിറ്റ്, 1.0 ലിറ്റര്‍ ടര്‍ബോ പെട്രോള്‍ യൂണിറ്റ് എന്നിങ്ങനെ രണ്ട് പെട്രോള്‍ എഞ്ചിന്‍ ഓപ്ഷനുകളാണ് കൈഗറിനൊപ്പം റെനോ വാഗ്ദാനം ചെയ്യുന്നത്.

ഫോക്‌സ്‌വാഗണ്‍ ടൈഗൂണ്‍ - 10.99 ലക്ഷം

ഫോക്‌സ്‌വാഗണ്‍ കുടുംബത്തില്‍ നിന്നുള്ള ഏറ്റവും പുതിയ മോഡലാണ് ടൈഗൂണ്‍. ആകര്‍ഷകമായ നിരവധി പാക്കേജും കമ്പനി മോഡലില്‍ വാഗ്ദാനം ചെയ്യുന്നുവെന്ന് വേണം പറയാന്‍.

10.99 ലക്ഷം (എക്‌സ്‌ഷോറൂം) രൂപ വിലയുള്ള എന്‍ട്രി ലെവല്‍ കംഫര്‍ട്ട്ലൈന്‍ ട്രിമ്മില്‍ നിന്ന് നേരിട്ട് ആകര്‍ഷകമായ ആംബിയന്റ് ലൈറ്റിംഗിനൊപ്പം ടൈഗൂണ്‍ ഒരു പ്രീമിയം അനുഭവം നല്‍കുന്നു.

1.0 ലിറ്റര്‍ ടര്‍ബോ പെട്രോള്‍, 1.5 ലിറ്റര്‍ ടര്‍ബോ പെട്രോള്‍ എഞ്ചിന്‍ ഓപ്ഷനുകളിലാണ് ഈ വാഹനം വിപണിയില്‍ എത്തുന്നത്. ആദ്യത്തെ 1.0 ലിറ്റര്‍ ടര്‍ബോ-പെട്രോള്‍ യൂണിറ്റ് 115 bhp പവറും 178 Nm പരമാവധി ടോര്‍ക്കും നല്‍കുന്നു. അതേസമയം വലിയ യൂണിറ്റ് 150 bhp കരുത്തും 250 Nm പീക്ക് ടോര്‍ക്കും വികസിപ്പിക്കുന്നു.

സ്‌കോഡ സ്ലാവിയ - 12.39 ലക്ഷം

ചെക്ക് നിര്‍മാതാക്കളായ സ്‌കോഡയില്‍ നിന്നുള്ള ഏറ്റവും പുതിയ ഹോട്ട് സെഡാനാണ് സ്ലാവിയ. സ്‌കോഡ സ്ലാവിയ പഴയ റാപ്പിഡിന് പകരക്കാരനായിട്ടാണ് വിപണിയില്‍ എത്തിയിരിക്കുന്നത്. റാപ്പിഡിന് പകരക്കാരനാണെങ്കില്‍ റാപ്പിഡിനെക്കാള്‍ പ്രീമിയം ആണെന്നാണ് കമ്പനി അവകാശപ്പെടുന്നത്.

അത്തരത്തിലുള്ള ഒരു കാരണം അതിന്റെ പ്രീമിയം ഇന്റീരിയറുകളാണ്, അത് ആംബിയന്റ് ലൈറ്റിംഗും അതുപോലെ നിരവധി പ്രീമിയം ഫീച്ചറുകളും വാഗ്ദാനം ചെയ്യുന്നുവെന്ന് വേണം പറയാന്‍. അംബിഷന്‍ ട്രിമ്മിലാണ് കമ്പനി ഇത് വാഗ്ദാനം ചെയ്യുന്നത്. ഏകദേശം 12.39 ലക്ഷം (എക്‌സ്‌ഷോറൂം) രൂപയാണ് ഈ ട്രിമ്മിന്റെ വില.

1.0 ലിറ്റര്‍ TSI, 1.5 ലിറ്റര്‍ TSI എന്നിങ്ങനെ രണ്ട് എഞ്ചിന്‍ ഓപ്ഷനുകളാണ് സ്ലാവിയായിലും സ്‌കോഡ വാഗ്ദാനം ചെയ്യുന്നത്. 1.0 ലിറ്റര്‍ യൂണിറ്റ് 113 bhp കരുത്തും 175 Nm torque ഉം സൃഷ്ടിക്കുമ്പോള്‍ വലിയ 1.5 ലിറ്റര്‍ യൂണിറ്റ് 150 bhp പവറും 250 Nm torque ഉം സൃഷ്ടിക്കും.

സ്‌കോഡ കുഷാക്ക് - 12.79 ലക്ഷം

ചെക്ക് നിര്‍മാതാക്കളായ സ്‌കോഡയ്ക്ക് പുതുജീവന്‍ നല്‍കിയ മോഡലാണ് കുഷാക്ക്. കോംപാക്ട് എസ്‌യുവി വിഭാഗത്തിലേക്ക് പോയ വര്‍ഷമാണ് മോഡല്‍ വില്‍പ്പനയ്ക്ക് എത്തുന്നത്.

ഓണ്‍ബോര്‍ഡില്‍ നിരവധി ശ്രദ്ധേയമായ സവിശേഷതകള്‍ കുഷാക്ക് വാഗ്ദാനം ചെയ്യുന്നു, അത് തികച്ചും പ്രീമിയം അനുഭവം നല്‍കുന്നു. കുഷാക്ക് ആംബിയന്റ് ലൈറ്റിംഗ് നഷ്ടപ്പെടുത്തുന്നില്ല, അത് ആംബിഷന്‍ ട്രിമ്മില്‍ കമ്പനി വാഗ്ദാനം ചെയ്യുന്നു. 12.79 ലക്ഷം (എക്‌സ്‌ഷോറൂം) രൂപ മുതലാണ് ഈ പതിപ്പിന്റെ വില.

ഫോക്‌സ്‌വാഗണ്‍ ടൈഗൂണിന്റെ അതേ പ്ലറ്റ്‌ഫോമില്‍ തന്നെയാണ് കുഷാക്കും നിര്‍മ്മിച്ചിരിക്കുന്നത്. അതുകൊണ്ട് തന്നെ ടൈഗൂണിലെ അതേ ഫീച്ചറുകളും എഞ്ചിനും തന്നെയാണ് കുഷാക്കും മുന്നോട്ട് കൊണ്ടുപോകുന്നത്. 1.0 ലിറ്റര്‍ ടര്‍ബോ പെട്രോള്‍, 1.5 ലിറ്റര്‍ ടര്‍ബോ പെട്രോള്‍ എഞ്ചിന്‍ ഓപ്ഷനുകളാണ് കുഷാക്കില്‍ വാഗ്ദാനം ചെയ്യുന്നത്.

ഹോണ്ട സിറ്റി - 13.68 ലക്ഷം

കാലങ്ങളായി സി-സെഗ്മെന്റ് വിഭാഗത്തിലെ താരമാണ് ഹോണ്ട സിറ്റി. വളരെ കുറഞ്ഞ വിലയ്ക്ക് ധാരാളം കൂടുതല്‍ ഫീച്ചറുകള്‍ വാഗ്ദാനം ചെയ്യുന്ന സിറ്റിയുടെ അഞ്ചാം തലമുറ സിറ്റി ബാഡ്ജിംഗിന്റെ മനോഹാരിത മുന്നോട്ട് കൊണ്ടുപോകുന്നു.

ആംബിയന്റ് ലൈറ്റിംഗ് ഉള്‍പ്പെടെ നിരവധി മികച്ച ഫീച്ചറുകള്‍ വാഹനം വാഗ്ദാനം ചെയ്യുന്നു, അത് ടോപ്പ്-എന്‍ഡ് ZX ട്രിമ്മില്‍ ലഭ്യമാണ്. ഈ പതിപ്പിന് ഏകദേശം 13.68 ലക്ഷം (എക്‌സ്‌ഷോറൂം) രൂപയോളമാണ് വില.

1.5 ലിറ്റര്‍ i-VTEC പെട്രോള്‍ 1.5 ലിറ്റര്‍ i-DTEC ഡീസല്‍ എന്നിങ്ങനെ രണ്ട് എഞ്ചിന്‍ ഓപ്ഷനുകളിലാണ് സിറ്റി നിരത്തിലെത്തുന്നത്. പെട്രോള്‍ യൂണിറ്റ് 120 bhp കരുത്തില്‍ 145 Nm torque ഉത്പാദിപ്പിക്കാന്‍ ശേഷിയുള്ളതാണ്. എന്നാല്‍ ഡീസല്‍ യൂണിറ്റ് പരമാവധി 99 bhp പവറും 200 Nm torque ഉം ആണ് സൃഷ്ടിക്കുന്നത്.