ബോയിംഗിനും എയർബസിനും വെല്ലുവിളിയായി റഷ്യൻ വിമാനം

റഷ്യയിൽ വച്ചുതന്നെയാണ് വിമാനത്തിന്റെ നിർമാണവും നടത്തിയിരിക്കുന്നത്. വിദേശ രാജ്യങ്ങളെ ആശ്രയിക്കാതെ തന്നെ ഡോമസ്റ്റിക് പ്രൊഡക്ഷൻ ശക്തപ്പെടുത്താനായിരുന്നു റഷ്യയുടെ ഈ സംരംഭം.

റഷ്യൻ സിവിൽ ഏവിയേഷന്റെ അഭിമാനമാണിതെന്നും റഷ്യൻ പൗരന്മാർക്കും വിദേശികൾക്കും ഒരുപോലെ ആസ്വാദ്യകരമായ യാത്രയായിരിക്കും എംസ് 21 വാഗ്ദാനം ചെയ്യുകയെന്ന് റഷ്യൻ പ്രധാനമന്ത്രി ചടങ്ങിൽ പറയുകയുണ്ടായി.

പുതിയ രണ്ട് എൻജിനുകൾ ഉൾപ്പെടുത്തിയിട്ടുള്ള ഇടത്തരം വലുപ്പമുള്ള എയർക്രാഫ്റ്റാണ് എംസി21.

എംസി- 21-300, എംസി-21-200 എന്നീ രണ്ട് വേരിയന്റുകളിലായിരിക്കും നിർമാണം നടത്തുക.

160 മുതൽ 211 സീറ്റുകൾ വരെയായിരിക്കും എംസി 21 300ലുണ്ടാവുക. രണ്ടാമത്തെ വേരിയന്റിൽ 130 മുതൽ 165 വരെയുള്ള സീറ്റുകൾ ഉണ്ടായിരിക്കുന്നതാണ്.

നിർമാണം പൂർത്തിയാക്കി 2018ഓടുകൂടിയാണ് ഡെലിവറി ആരംഭിക്കുന്നത്. നിലവിലെ മറ്റ് വിമാനങ്ങളെ അപേക്ഷിച്ച് 15 ശതമാനം കുറഞ്ഞ ചിലവിലാണ് നിർമ്മാണം നടത്തുന്നത്.

ഒരേയൊരു ലോഹത്താൽ അല്ലാതെ പല ലോഹങ്ങളുടേയും മിശ്രണത്താൽ നിർമിച്ചതിനാൽ വിമാനത്തിന് മറ്റുള്ളവയെ അപേക്ഷിച്ച് ഭാരക്കുറവും ബലമേറിയതുമാണ്.

റഷ്യൻ വിമാനനിർമാണ രംഗത്തെ പുത്തൻ ചുവടുവെപ്പായിട്ടാണ് നിർമാതാക്കൾ ഇതിനെ കാണുന്നത്.

ലോകത്തിലേറ്റവും വലിയ വിമാനം യൂറോപ്പിൽ നിന്ന് ഇന്ത്യ വഴി ആസ്ട്രേലിയലേക്ക്

ഇന്ത്യൻ വ്യോമസേനയുടെ കരുത്താകാൻ 'തേജസ്'