റോബോട്ടുകളും ഡ്രോണുകളും നയിക്കുന്ന യുദ്ധമായിരിക്കും റഷ്യയുടേത്; അതി സമ്മർദ്ദത്തിലാണ്ട് യൂറോപ്പ്!!

എന്നും സാങ്കേതികതയിൽ മികവ് പുലർത്തുന്ന റഷ്യ റോബോട്ടുകളും ഡ്രോണുകളും നയിക്കുന്ന യുദ്ധങ്ങൾക്കായിരിക്കും വരുകാലങ്ങളിൽ സാക്ഷ്യംവഹിക്കുന്നത്.

By Praseetha

Published: Wednesday, December 7, 2016, 13:59 [IST]

അമേരിക്ക, ബ്രിട്ടൺ,യൂറോപ്പ് തുടങ്ങിയ രാജ്യങ്ങൾ റഷ്യയ്ക്ക് മേൽ സമർദ്ദം ചെലുത്തികൊണ്ടിരിക്കുന്ന വേളയിൽ ഒരു ചെറുത്തുനിൽപ്പെന്നോണം സൈനിക ശക്തി വർധിപ്പിച്ചുകൊണ്ട് റഷ്യ പുതിയൊരു മുങ്ങികപ്പലിനെ ഇറക്കി. റഷ്യൻ പ്രസിണ്ടന്റ് വ്ലാഡിമർ പുടിനാണ് ഈ സംരംഭത്തിന് ചുക്കാൻ പിടിക്കുന്നത്.

റോബോട്ടുകളും ഡ്രോണുകളും നയിക്കുന്ന യുദ്ധമായിരിക്കും റഷ്യയുടേത്; അതി സമ്മർദ്ദത്തിലാണ്ട് യൂറോപ്പ്!!

മറ്റേത് അന്തർവാഹിനികളേയും പോലെ ജലോപരിതലത്തിൽ നിന്ന് 1,800 അടി താഴ്ചയിൽ ഏതാണ്ട് 965 കിലോമീറ്റർ ദൈർഘ്യത്തിൽ ചാര പ്രവർത്തനങ്ങൾ നടത്താൻ ശേഷിയുള്ള 'റോബോട്ട് ' എന്നു നാമകരണം ചെയ്തിട്ടുള്ള ഒരു അന്തർവാഹിനയാണിത്.

റഷ്യൻ മിലിട്ടറി ഡിസൈനർമാർ ഇതിന് 'സരോഗാട് ' എന്ന വിളിപ്പേരാണ് നൽകിയിരിക്കുന്നത്. മണിക്കൂറിൽ 24 നോട്ടിക്കൽ ദൂരം താണ്ടാനുള്ള ശേഷിയാണ് ഈ മുങ്ങിക്കലിനുള്ളത്.

പരമ്പരാഗത രീതിയിലുള്ളതും ആണവോർജ്ജത്താലും പ്രവർത്തിക്കുന്ന മുങ്ങിക്കപ്പലുകൾക്ക് സമാനരീതിയിലാണ് ഈ മുങ്ങികപ്പലിന്റെ നിർമാണം. ലിതിയം അയേൺ ബാറ്ററി ഘടിപ്പിച്ച് പ്രവർത്തിക്കുന്ന ഈ അന്തർവാഹിനിക്ക് മോഡുലാർ ഡിസൈനാണ് നൽകിയിരിക്കുന്നത്. ഇതിന്റെ പ്രവർത്തനക്ഷമത വർധിപ്പിക്കും വിധത്തിലാണ് ഈ ഡിസൈൻ.

യുറോപ്പ്യൻ അതിർത്തിയിൽ സംഘർഷമേറിക്കൊണ്ടിരിക്കുമ്പോൾ ഏതുവിധേനയും തിരിച്ചടിക്കാനുള്ള വൻ സന്നാഹമൊരുക്കി കൊണ്ടിരിക്കുകയാണ് റഷ്യ. നാവിക സേനയുടെ പരിശീലനത്തിനും, മാപ്പിംഗിനും, ശത്രുസങ്കേത പരിശോധനയ്ക്കും വേണ്ടിയായിരിക്കും ഈ മുങ്ങിക്കപ്പലിനെ ഉപയോഗിക്കുക.

വളരെ കുറഞ്ഞനിരക്കിൽ നിർമാണവും പരിപാലനവും നടത്തിപ്പോരാൻ കഴിയുന്ന മുങ്ങികപ്പലാണിതെന്നാണ് നിർമാതാക്കളായ റൂബിൻ സെൻട്രൽ ഡിസൈൻ ബ്യൂറോ വ്യക്തമാക്കുന്നത്.

40ടൺ ആയുധ ശേഖരങ്ങൾ വഹിക്കാൻ കഴിയുന്ന ഈ മുങ്ങികപ്പലിന് 600 മൈൽ ചുറ്റളവിൽ 5 നോട്ടിക്കൽ വേഗതയിൽ സഞ്ചരിക്കാൻ സാധിക്കും.

സമുദ്രാന്തർഭാഗത്ത് റഷ്യൻ നാവികസേനയുടെ എല്ലാവിധത്തിലുള്ള ആവശ്യങ്ങളും നിറവേറ്റാൻ ഈ റോബോട്ട് മുങ്ങിക്കപ്പലിന് സാധിക്കും. ഭാവിയിൽ ഇത്തരത്തിലുള്ള സാങ്കേതികത വിദേശ രാജ്യങ്ങൾക്കും കൈമാറാനുള്ള പദ്ധതിയും റഷ്യയ്ക്കുണ്ട്.

റഷ്യയുമായി എക്കാലവും നല്ല സൗഹൃദബന്ധം പുലർത്തിപോകുന്ന ഇന്ത്യ പോലുള്ള രാജ്യങ്ങൾക്ക് ഈ സാങ്കേതിക വിദ്യ വഴി പ്രതിരോധമേഖലയിൽ ഇനിയും പുരോഗതിയും കരുത്തുമാർജ്ജിക്കാൻ സാധിക്കും.

യൂറോപ്പുമായുള്ള കടുത്ത വടംവലിയെ തുടർന്ന് ആധുനികവൽക്കരിച്ചിട്ടുള്ള സൈന്യത്തേയും യുദ്ധക്കോപ്പുകളേയും തയ്യാറാക്കി വച്ചിരിക്കുകയാണ് പുട്ടിൻ. അതിന്റെ ഭാഗമായി റോബോട്ട് ടാങ്കുകളേയും പുട്ടിൻ പോർകളത്തിലേക്ക് ഇറക്കിയിരിക്കുകയാണ്.

ഈ ടാങ്കുകൾക്ക് മതിലുകൾക്ക് മുകളിൽ കൂടിയും സഞ്ചരിക്കാനുള്ള കഴിവുണ്ടെന്നാണ് പറയപ്പെടുന്നത്. ഇതിൽപ്പെട്ടിട്ടുള്ള മറ്റൊരു ഉപകരണമാണ് റോബോട്ടിക് കാറ്റർപില്ലർ. ഇതിന് 300 കിലോഗ്രാം ഭാരമുള്ള ഉപകരണങ്ങൾ വഹിക്കാനാകും.