വാഹനമേതുമാകട്ടെ സേഫ് ആയിട്ടുള്ള സീറ്റ് ഏതാണെന്ന് അറിയാമോ, വെറുതെ അപകടം ക്ഷണിച്ചു വരുത്തേണ്ട

ഗതാഗതത്തിന് വേണ്ടി വാഹനങ്ങൾ കണ്ടുപിടിച്ചതോടെ യാത്രകൾ കൂടുതൽ എളുപ്പമായി, എന്നാൽ കൂടുതൽ പുരോഗതിയിലേക്ക് എത്തിയപ്പോൾ വാഹനത്തിൻ്റെ സുരക്ഷയ്ക്ക് മുൻഗണന കൊടുക്കേണ്ടതായി വരുന്നു. ഇപ്പോഴത്തെ വാഹന വിപണിയിലേക്ക് നോക്കിയാൽ സേഫ്റ്റിക്ക് തന്നെയാണ് എപ്പോഴും മുൻഗണന. നമ്മൾക്ക് പല യാത്രാ മാർഗങ്ങളുണ്ട്, ട്രെയിൻ, കാർ, ബസ്, വിമാനം. എന്നാൽ ഇവയിലെല്ലാം യാത്ര ചെയുമ്പോൾ ഏത് സീറ്റിൽ, അല്ലെങ്കിൽ ഏത് വശത്ത് ഇരിക്കുന്നതാണ് സേഫ്റ്റി കൂടുതലെന്ന് നിങ്ങൾക്കറിയാമോ. നിങ്ങളുടെ അറിവിലേയ്ക്കായി കുറച്ച് കാര്യങ്ങൾ പങ്കുവയ്ക്കുകയാണ്. എന്തൊക്കെ എന്ന് അറിയാൻ തുടർന്ന് വായിക്കാൻ മറക്കരുതേ.

സുരക്ഷാ നിയമങ്ങൾ കർശനമായി നടപ്പാക്കുന്നത് കൊണ്ട് തന്നെ വിമാന യാത്രയാണ് ഏറ്റവും സുരക്ഷിതമെന്ന് പറയപ്പെടുന്നു. ആളുകളെ കൊണ്ടുപോകുന്നതിനുള്ള ഏറ്റവും വേഗതയേറിയ മാർഗവും ഇതു തന്നെയാണല്ലോ. അടുത്ത തവണ നിങ്ങൾ വിമാനത്തിൽ കയറേണ്ടിവരുമ്പോൾ, മുൻവശത്തേക്കാൾ പിൻവശത്ത് സീറ്റ് ലഭിക്കാൻ ശ്രമിക്കുക. ഫെഡറൽ ഏവിയേഷൻ അഡ്മിനിസ്‌ട്രേഷൻ്റെ (എഫ്എഎ) കണക്കനുസരിച്ച്, വിമാനത്തിൻ്റെ പിൻഭാഗത്ത് ഇരിക്കുന്ന യാത്രക്കാർക്ക് 32 ശതമാനം മരണനിരക്ക് ഉണ്ടായിരുന്നുവെന്നാണ് കണക്ക്.

വിമാനത്തിൻ്റെ പിൻഭാഗത്ത് ഇരിക്കുന്ന യാത്രക്കാർക്ക് അപകടത്തിൽ നിന്ന് രക്ഷപ്പെടാനുള്ള സാധ്യത മുൻവശത്തുള്ള യാത്രക്കാരേക്കാൾ 40 ശതമാനം കൂടുതലാണ് എന്നാണ് കണക്കുകൾ സൂചിപ്പിക്കുന്നത്. ട്രെയിൻ യാത്രകൾ എല്ലായ്‌പ്പോഴും സാഹസികതയും ആവേശവും നിറഞ്ഞതാണ്, കാരണം വിവിധ പശ്ചാത്തലങ്ങളിൽ നിന്നുള്ള സഹയാത്രികരെ നിങ്ങൾ കണ്ടുമുട്ടുന്നത് മാത്രമല്ല, യാത്രയ്ക്കിടയിൽ നിങ്ങൾക്ക് മനോഹരമായ കാഴ്ച ആസ്വദിക്കാനും കഴിയുമെന്നതാണ് ട്രെയിൻ യാത്രയുടെ ഗുണം.

ട്രെയിനിൽ, നിങ്ങൾക്ക് മധ്യഭാഗത്ത് സീറ്റ് ലഭിച്ചാൽ അത് താരതമ്യേന സുരക്ഷിതമായിരിക്കും, കാരണം, മുന്നിൽ നിന്ന് കൂട്ടിയിടിച്ചാൽ, ആഘാതം ഏറ്റവും ഗുരുതരമായത് ലോക്കോമോട്ടീവിലും മുൻവശത്തുള്ള കുറച്ച് കോച്ചുകളിലും ആയിരിക്കും. പിന്നിൽ നിന്നുള്ള കൂട്ടിയിടിയുടെ കാര്യവും ഇതുതന്നെ. അതിനാൽ, മധ്യ കോച്ചുകൾ തൊട്ടുമുമ്പിൽ നിന്നും പിന്നിൽ നിന്നും ഒരു തരത്തിൽ സേഫ് ആയിരിക്കും.

കാറുകളുടെ കാര്യത്തിലേക്ക് വന്നാൽ മിക്കവാറും നമ്മൾ സ്വന്തം നിലയിലാണ് കാറുകൾ ഓടിക്കുന്നത്. നിങ്ങൾ ഡ്രൈവർ സീറ്റിലായിരിക്കുമ്പോൾ, ആക്സിലറേറ്റർ, ബ്രേക്ക്, ക്ലച്ച് എന്നിവയ്ക്കിടയിൽ കൈകാര്യം ചെയ്യാൻ നിങ്ങളുടെ പാദങ്ങളും പെഡലുകളും തമ്മിലുള്ള ദൂരം ഏറ്റവും സൗകര്യപ്രദമാണെന്ന് ഉറപ്പാക്കുക, കാരണം നിങ്ങൾ എപ്പോൾ ബ്രേക്ക് ഇടേണ്ടിവരുമെന്ന് നിങ്ങൾക്കറിയില്ല. കൂടാതെ, ഏറ്റവും മികച്ച സുരക്ഷിതമായ കാഴ്ചയ്ക്ക് അനുസരിച്ച് സീറ്റിൻ്റെ ഉയരം ക്രമീകരിക്കാനും ശ്രദ്ധിക്കുക.

നിങ്ങൾ കാറിൽ യാത്രക്കാരായിരിക്കുമ്പോൾ, ഡ്രൈവറുടെ പുറകിലോ മധ്യത്തിലോ ഉള്ള പിൻസീറ്റ് തിരഞ്ഞെടുക്കുക, കാരണം കാറിൻ്റെ ഈ ഭാഗം ഫ്രണ്ട്-ടു-ഫ്രണ്ട് ക്രാഷിൻ്റെ കാര്യത്തിൽ അപകടത്തിൻ്റെ തീവ്രത കുറയ്ക്കാൻ സഹായിക്കും. അടുത്തതായി ബസിനെ നോക്കിയാൽ ഏറ്റവും താങ്ങാനാവുന്ന പൊതുഗതാഗത വാഹനങ്ങളിൽ ഒന്നാണ്. നിങ്ങൾ ഒരു ഇരിപ്പിടം എടുക്കുമ്പോൾ, നിങ്ങൾ ഇടത് വശത്ത് എടുക്കുന്നത് വളരെ നല്ലതാണ്.

ഇതോടൊപ്പം തന്നെ വാഹനമോടിക്കുമ്പോൾ ശ്രദ്ധിക്കേണ്ട കുറച്ച് കാര്യങ്ങളുണ്ട്. സുരക്ഷിതമായ ഡ്രൈവിംഗിനായി ആദ്യം ചെയ്യേണ്ടത് ട്രാഫിക് നിയമങ്ങള്‍ പാലിക്കുക എന്നതാണ്. വേഗ പരിധി പാലിക്കല്‍, സ്റ്റോപ്പ് അടയാളങ്ങളിലും റെഡ് സിഗ്‌നലിലും വാഹനം നിര്‍ത്തുക, ലെയ്ന്‍ മാറുകയോ തിരിയുകയോ ചെയ്യുമ്പോള്‍ ടേണ്‍ സിഗ്‌നലുകള്‍ ഉപയോഗിക്കുക എന്നിവ ഇതിലെ അടിസ്ഥാന കാര്യങ്ങളില്‍ ചിലതാണ്. ലേണിംഗ് ലൈസന്‍സ് എടുക്കുമ്പോള്‍ പഠിക്കുന്ന ട്രാഫിക് സിഗ്‌നലുകളും അറിവുകളും മനസ്സില്‍ ഉണ്ടായിരിക്കം. ട്രാഫിക് സിഗ്‌നലുകളും അടയാളങ്ങളും അനുസരിച്ച് വാഹനം ഓടിച്ചാല്‍ സുരക്ഷിതരായിരിക്കാം.

കാറില്‍ കയറിയാല്‍ വണ്ടി സ്റ്റാര്‍ട്ടാക്കുന്നതിന് മുമ്പ് സീറ്റ്‌ബെല്‍റ്റ് ധരിക്കുകയും സഹയാത്രികര്‍ ധരിച്ചിട്ടുണ്ടെന്ന് ഉറപ്പ് വരുത്തുകയും ചെയ്യുക. ഡ്രൈവിംഗിനിടെ അപകടങ്ങള്‍ ഒഴിവാക്കാന്‍ ചെയ്യേണ്ട മറ്റൊരു കാര്യം നിങ്ങളുടെ മുമ്പിലുള്ള വാഹനവുമായി സുരക്ഷിതമായ അകലം പാലിക്കുക എന്നതാണ്. ഓരോ 10 മൈല്‍ വേഗതക്കും ഒരു കാറിന്റെ നീളമെങ്കിലും അകലം പാലിക്കുക.

ഇങ്ങനെ ചെയ്താല്‍ മുന്നില്‍ സഞ്ചരിക്കുന്ന വാഹനം പെട്ടെന്ന് നിര്‍ത്തുകയോ ലെയ്ന്‍ മാറുകയോ ചെയ്താല്‍ പെട്ടെന്ന് പ്രതികരിക്കാനും വണ്ടി നിര്‍ത്താനും നിങ്ങള്‍ക്ക് മതിയായ സമയം ലഭിക്കും. മുകളില്‍ പറഞ്ഞ പോലെ അശ്രദ്ധയാണ് മിക്ക റോഡപകടങ്ങളുടെയും കാരണം. അതിനാല്‍ തന്നെ ഡ്രൈവിംഗില്‍ നിന്ന് ശ്രദ്ധതെറ്റിക്കുന്ന കാര്യങ്ങള്‍ ഒഴിവാക്കുന്നത് ഡ്രൈവിംഗ് പരമാവധി സുരക്ഷിതമാക്കും. വാഹനമോടിക്കുമ്പോള്‍ മൊബൈല്‍ ഫോണ്‍ ഉപയോഗിക്കുക, ഭക്ഷണം കഴിക്കുക, പാനീയങ്ങള്‍ കുടിക്കുക എന്നിവ അതില്‍ ചിലതാണ്.