ബാഡ്‌മിൻ്റൺ സുന്ദരി സ്വന്തമാക്കിയ വണ്ടി കണ്ടോ; വൈറലായി ചിത്രങ്ങളും വീഡിയോകളും

സ്പോർട്സ് പ്രേമികൾ, പ്രത്യേകിച്ച് ബാഡ്‌മിൻ്റൺ ആരാധകരുടെ ഇഷ്ടതാരമാണ് സൈന നെഹവാൾ. പത്ത് സൂപ്പർ സീരീസ് കിരീടങ്ങൾ ഉൾപ്പെടെ 24 അന്താരാഷ്ട്ര കിരീടങ്ങൾ സൈന സ്വന്തമാക്കിയിട്ടുണ്ട്. 2009ൽ ലോക റാങ്കിങ്ങിൽ രണ്ടാം സ്ഥാനത്തെത്തിയതിന് ശേഷം 2015 -ലാണ് ലോക ഒന്നാം നമ്പർ പദവിയിലെത്താൻ സൈനയ്ക്ക് കഴിഞ്ഞത്. സോഷ്യൽ മീഡിയയിൽ താരം വളരെ സജീവമാണ്. ഇപ്പോഴിതാ വിലകൂടിയ കാർ വാങ്ങി സൈന വീണ്ടും വാർത്തകളിൽ നിറയുകയാണ്.

സൈന തന്നെയാണ് വാഹനം ഡെലിവറി ചെയ്യുന്നതിൻ്റെ വീഡിയോകളും ചിത്രങ്ങളും പങ്കു വച്ചിരിക്കുന്നത്. മെർസിഡീസ് ബെൻസ് എഎംജി ജിഎൽഇ 53 കാറാണ് സൈന സ്വന്തമാക്കിയിരിക്കുന്നത്. GLE കൂപ്പെയുടെ രണ്ടാം തലമുറയായ GLE 53 കൂപ്പെ പ്രധാനമായും ഇന്ത്യയിൽ വിൽ‌പനയ്‌ക്കെത്തിയ ഫസ്റ്റ്-ജെൻ‌ GLE 43 കൂപ്പെയുടെ പകരക്കാരനാണ്. ഇന്ത്യയിൽ അവതരിപ്പിക്കുന്ന ആദ്യത്തെ '53' ബാഡ്ജ് മോഡലായിരുന്നു ഇത്.

പുതിയ GLE കൂപ്പെ അതിന്റെ മുൻഗാമിയേക്കാൾ വലുതാണ്, കൂടാതെ 20 mm കൂടുതൽ വീൽബേസുമുണ്ട്. ആദ്യ തലമുറ കൂപ്പെയെപ്പോലെ, പുതിയ GLE കൂപ്പെയും സാധാരണ GLE -യുമായി ചില പൊതുവായ ഡിസൈൻ ഘടകങ്ങൾ പങ്കിടുന്നുണ്ട്. B -പില്ലറിൽ നിന്ന് ഒഴുകുന്ന, കൂപ്പെ ഭാവത്തിലുള്ള റൂഫും സംയോജിത സ്‌പോയിലർ ഉപയോഗിച്ച് വരുന്ന പിൻഭാഗവും വ്യത്യാസങ്ങൾ എടുത്തുകാണിക്കുന്നുണ്ട്.

വെർട്ടിക്കൽ സ്ലാറ്റ് പനാമെറിക്ക ഗ്രില്ല്, 21 ഇഞ്ച് അലോയി വീലുകൾ, ഫ്രണ്ട് ഫെൻഡറുകളിൽ ടർബോ ബാഡ്‌ജിംഗ്, AMG എക്‌സ്‌ഹോസ്റ്റ് എന്നിവയും ലഭിക്കും. ബ്രില്യന്റ് ബ്ലൂ, കാവൻസ്റ്റിക് ബ്ലൂ, എമറാൾഡ് ഗ്രീൻ, ഹയാസിന്ത് റെഡ്, മൊജാവേ സിൽവർ, ഒബ്സിഡിയൻ ബ്ലാക്ക്, പോളാർ വൈറ്റ്, സെലനൈറ്റ് ഗ്രേ എന്നിങ്ങനെ എട്ട് കളർ ഓപ്ഷനുകളിലാണ് വാഹനം ലഭിക്കുക.

അകത്ത്, ഡാഷ്‌ബോർഡ് സ്റ്റാൻ‌ഡേർഡ് GLE -ക്ക് തുല്യമാണ്, ഇൻ‌ഫോടൈൻ‌മെന്റിനും ഇൻ‌സ്ട്രുമെൻറ് ക്ലസ്റ്ററിനുമായി ഇരട്ട 12.3 ഇഞ്ച് ഡിസ്‌പ്ലേകളും വരുന്നു. രണ്ടും മെർക്കിന്റെ ഏറ്റവും പുതിയ MBUX സിസ്റ്റത്തിലാണ് പ്രവർത്തിക്കുന്നത്. AMG ഫ്ലാറ്റ് ബോട്ടം സ്റ്റിയറിംഗ്, AMG ഫ്രണ്ട് സീറ്റുകൾ, സ്റ്റെയിൻ‌ലെസ് സ്റ്റീൽ പെഡലുകൾ എന്നിവ പോലുള്ള ചില AMG നിർദ്ദിഷ്ട സ്പർശനങ്ങളും GLE 53 കൂപ്പെയുടെ ക്യാബിന് ലഭിക്കുന്നു.

ക്യാബിൻ കസ്റ്റമൈസ് ചെയ്യുന്നതിന് ഉപഭോക്താക്കൾക്ക് നിരവധി ട്രിം, അപ്ഹോൾസ്റ്ററി ഓപ്ഷനുകളും ലഭിക്കും. 650 ലിറ്റർ ബൂട്ട് സ്പേസ് പിൻ സീറ്റുകൾ മടക്കിയാൽ 1,800 ലിറ്ററായി വികസിപ്പിക്കാമെന്നും മെർസിഡീസ് അവകാശപ്പെടുന്നു. 435 bhp കരുത്ത് പുറപ്പെടുവിക്കുന്ന 3.0 ലിറ്റർ, ഇൻ-ലൈൻ സിക്സ് സിലിണ്ടർ, ട്വിൻ-ടർബോ പെട്രോൾ എഞ്ചിനാണ് വാഹനത്തിൻ്റെ കരുത്ത്. യൂണിറ്റ് 48V മൈൽഡ്-ഹൈബ്രിഡ് സിസ്റ്റവുമായി ജോടിയാക്കിയിട്ടുണ്ട്. മെർസിഡീസ് ഇതിനെ EQ ബൂസ്റ്റ് എന്ന് വിളിക്കുന്നു.

ഇത് 22 bhp അധികം കരുത്തും, 250 Nm torque ഉം ചേർക്കുന്നു. ഒമ്പത് സ്പീഡ് ഓട്ടോമാറ്റിക് ഗിയർബോക്സ്, മെർസിഡീസ് 4മാറ്റിക് + ഓൾ-വീൽ ഡ്രൈവ് സിസ്റ്റം എന്നിവയിലൂടെ നാല് വീലുകളിലേക്കും പവർ അയയ്ക്കുന്നു. സ്‌പോർട്ടിയർ എയർ സസ്‌പെൻഷൻ സജ്ജീകരണം, അഡാപ്റ്റീവ് ഡാംപറുകൾ, അധിക പവർ കൈകാര്യം ചെയ്യുന്നതിനുള്ള അപ്‌ഗ്രേഡ് ബ്രേക്കുകൾ എന്നിവ ഉൾപ്പെടെ ചില AMG നിർദ്ദിഷ്ട അപ്‌ഗ്രേഡുകളും GLE 53 കൂപ്പേയിൽ ഉണ്ട്.

ഹെഡ്‌സ്-അപ്പ് ഡിസ്‌പ്ലേ, 4-സോൺ ക്ലൈമറ്റ് കൺട്രോൾ, 13-സ്പീക്കർ ബർമസ്റ്റർ സൗണ്ട് സിസ്റ്റം, വെന്റിലേറ്റഡ് ഫ്രണ്ട് സീറ്റുകൾ, ഫോർ-വേ ലംബാർ സപ്പോർട്ട് എന്നിവ ഉൾപ്പെടെ ധാരാളം കിറ്റുകൾ ഓഫറിൽ ലഭ്യമാണ്. AMG പെർഫോമൻസ് എക്‌സ്‌ഹോസ്റ്റ് സിസ്റ്റം എത്രമാത്രം ശബ്‌ദം ഉൽ‌പാദിപ്പിക്കുന്നുവെന്നത് തിരഞ്ഞെടുക്കാൻ ഡ്രൈവറെ അനുവദിക്കുന്നു. മെർക്കിന്റെ ആക്റ്റീവ് റൈഡ് കൺട്രോൾ സിസ്റ്റവും GLE 53 കൂപ്പെയിലുണ്ട്.

ഇത് കോർണറിംഗ് സമയത്ത് ബോഡി റോൾ കുറയ്ക്കാനും ആവശ്യമുള്ളപ്പോൾ റൈഡ് മെച്ചപ്പെടുത്താനും സഹായിക്കും. ഒൻപത് എയർബാഗുകൾ, ബ്ലൈൻഡ് സ്പോട്ട് മോണിറ്റർ, അഡാപ്റ്റീവ് എൽഇഡി ഹെഡ്ലൈറ്റുകൾ എന്നിവയും സ്റ്റാൻഡേർഡാണ്. പോർഷെ കയീൻ കൂപ്പെ, ഔഡി Q8, ബിഎംഡബ്ല്യു X6 എന്നിവയ്ക്ക് എതിരാണ് മെർസിഡീസ്-AMG GLE 53 കൂപ്പെ മത്സരിക്കുന്നത്.