Click it and Unblock the Notifications
ഡിവൈഡർ ചതിച്ചാശാനേ! പറന്ന് ചെന്നത് പിക്കപ്പിൻ്റെ മുന്നിലേക്ക്, വൈറൽ വീഡിയോ കാണാം
ബൈക്ക് റൈഡറുമാർ റോഡിലൂടെ ചിലപ്പോൾ വളരെ അശ്രദ്ധമായും അമിതവേഗതയിലുമാണ് സഞ്ചരിക്കാറുള്ളത്. പലപ്പോഴും അപകടകാരണം അമിതവേഗത തന്നെയാണ്. ഇത്തരത്തിലുള്ള അപകടത്തിൻ്റെ വീഡിയോകൾ സമൂഹമാധ്യമങ്ങളിൽ വൈറലാകാറുമുണ്ട്. ഒരു സ്കൂട്ടർ റൈഡർ ഡിവൈഡറിൽ തട്ടി റോഡിൽ പറക്കുന്നതാണ് ഇപ്പോൾ വൈറലായി വീഡിയോയിൽ കാണാൻ സാധിക്കുന്നത്. ഭാഗ്യവശാൽ, മഹീന്ദ്ര ബൊലേറോ പിക്കപ്പ് ട്രക്കിൻ്റെ മുന്നിലേക്കാണ് അതായത് ബോണറ്റിലേക്കാണ് റൈഡർ വീണത്. ഈ സ്കൂട്ടർ റൈഡർ അബദ്ധത്തിൽ ഡിവൈഡറിന് മുകളിലൂടെ സ്കൂട്ടർ ഓടിച്ചതാണ് അപകടകാരണമായി എടുത്തു പറയാനുളളത്.
ഭാഗ്യം കൊണ്ടാണ് റൈഡർ രക്ഷപ്പെട്ടതെന്ന് വീഡിയോ കാണുന്ന എല്ലാവർക്കും മനസിലാകും. മറ്റൊരു വലിയ വാഹനത്തിൻ്റെ മുന്നിലേക്കാണ് റൈഡർ വീഴുന്നതെങ്കിൽ ജീവന് പോലും ഹാനി സംഭവിച്ചേക്കാവുന്ന ഒരു അപകടമായിരുന്നു ഇത്. റോഡിലുടെ വാഹനമോടിക്കുമ്പോൾ പല കാര്യങ്ങളും ശ്രദ്ധിക്കണം. ഇല്ലെങ്കിൽ നിങ്ങളുടെ വാഹനവും അത് പോലെ തന്നെ മറ്റുളളവർക്കും അപകടം ഉണ്ടായേക്കാം.
സ്കൂട്ടർ ഓടിക്കുന്നതിനിടെ ചിലപ്പോൾ ശ്രദ്ധ തെറ്റിയതാകാം ഡിവൈഡറിലേക്ക് കയറിയത്. വാഹനമോടിക്കുമ്പോൾ ശ്രദ്ധിക്കേണ്ട കുറച്ച് കാര്യങ്ങളുണ്ട്. സീറ്റ് ബെല്റ്റ് ധരിക്കുന്നത് പലര്ക്കും അത്ര സുഖകരമയി തോന്നില്ലെങ്കിലും സുരക്ഷിതമായ ഡ്രൈവിംഗിന് അത് ആവശ്യമാണ്. നിങ്ങളുടെ സഹയാത്രികരും സീറ്റ് ബെല്റ്റ് ധരിക്കുന്നുവെന്ന് ഉറപ്പാക്കുക. ഇപ്പോള് പിന്സീറ്റില് ഇരിക്കുന്നവര് പോലും സീറ്റ്ബെല്റ്റ് ധരിക്കല് നിര്ബന്ധമാണ്. അപകടമുണ്ടായാല് ആദ്യ ലെവലിലുള്ള സംരക്ഷണം സീറ്റ് ബെല്റ്റുകള് ഉറപ്പാക്കുന്നു.
ഉയര്ന്ന വേഗതയില് വാഹനമോടിക്കുന്നത് ചിലര്ക്ക് ആവേശം നല്കും. എന്നാല് ഇത് നിങ്ങള്ക്കും നിങ്ങളുടെ ചുറ്റുമുള്ള മറ്റ് വാഹനങ്ങള്ക്കും അപകടകരമായേക്കാം. തുറന്ന സ്ട്രെച്ച് ഉള്ള ഹൈവേയില് ആണെങ്കിലും, എപ്പോഴും വേഗപരിധിക്കുള്ളില് വാഹനം ഓടിക്കാന് ശ്രമിക്കുക. അപകടകരമായ സാഹചര്യം വല്ലതും നേരിടുമ്പോള് അല്ലാതെ അമിതവേഗത ഒഴിവാക്കുക. അമിതവേഗത നിങ്ങളുടെ വാഹനത്തിന്റെ നിയന്ത്രണം നഷ്ടപ്പെടാന് ഇടയാക്കിയേക്കാം. അത് മാരകമായ പ്രത്യാഘാതങ്ങളില് ചെന്ന് പതിക്കും.
വാഹനങ്ങളില് ഇന്ഡിക്കേറ്ററുകള് വെച്ചതിന് കൃത്യമായ ഉദ്ദേശ്യം ഉണ്ട്. ഇടത്തോട്ടോ വലത്തോട്ടോ തിരിയുന്നതിന് മുമ്പ് അവ ശരിയായി ഉപയോഗിക്കുക. ഇന്ഡിക്കേറ്റര് ഉപയോഗിച്ച്, നിങ്ങളുടെ അടുത്ത നീക്കത്തെക്കുറിച്ച് പിന്നില് നിന്നോ എതിര്വശത്ത് നിന്നോ വരുന്ന മറ്റ് ഡ്രൈവര്മാരെ മനസ്സിലാക്കാന് അനുവദിക്കുക. അങ്ങനെ ചെയ്താല് അവര്ക്ക് ജാഗ്രത പുലര്ത്താന് കഴിയും. അതിനനുസരിച്ച് പ്രതികരിക്കാന് അവര്ക്ക് മതിയായ സമയമുണ്ടാകും.
ഇടത്തോട്ടോ വലത്തോട്ടോ തിരിയുന്നതിന് മുമ്പ് സ്റ്റിയറിംഗ് വീൽ മുന്കൂട്ടി തിരിക്കുന്നത് തികച്ചും അപകടകരമാണ്. സ്റ്റിയറിംഗ് വീൽ പ്രാരംഭ സ്ഥാനത്ത് ആയിരിക്കണം. പിന്നില് നിന്ന് ഒരു കാര് നിങ്ങളുടെ വാഹനത്തില് ഇടിച്ചാല്, നിങ്ങളുടെ കാര് എതിര്ദിശയിലേക്ക് എറിയപ്പെടും. അത് മാരകമായേക്കാം എന്നതാണ് ഇതിന് പിന്നിലെ കാരണം.
കാര്യക്ഷമമായ ഡ്രൈവിംഗിന്റെ പ്രധാന ഘടകമാണ് നല്ല ദൃശ്യപരത. മികച്ച ദൃശ്യപരത ഉറപ്പാക്കാന്, വിന്ഡ്ഷീല്ഡും ഡോറുകളും മിററുകളും എപ്പോഴും വൃത്തിയായി സൂക്ഷിക്കുക. അത് വാഹനമോടിക്കുമ്പോള് ചുറ്റും നന്നായി ശ്രദ്ധിക്കാന് നിങ്ങളെ അനുവദിക്കും. ശൈത്യകാലത്ത്, വിന്ഡ്ഷീല്ഡിലും ഡോറുകളിലും മഞ്ഞുണ്ടാകും. അതിനാല്, അവയെ ഡിഫോഗ് ചെയ്യാന് കാര് ഹീറ്റര് ഉപയോഗിക്കുക. കൂടാതെ, ക്യാബിനിനുള്ളില് ആവശ്യത്തിന് ഈര്പ്പം ഉണ്ടെങ്കില്, വിന്ഡ്ഷീല്ഡ് ഫോഗ് ചെയ്യുക. ഈര്പ്പം കുറയ്ക്കുന്നതിനും ശുദ്ധവായു ഉള്ളിലേക്ക് കടക്കാന് കുറച്ച് സമയം വിന്ഡോകള് തുറന്നിടുക.
ഡ്രൈവ്സ്പാർക്ക് മലയാളം വെബ്സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.
Continue with Google