സ്വർണത്തിൽ പൊതിഞ്ഞ് സ്കോർപിയോ എൻ, പൊന്നും വിലയുളള വണ്ടിയുടെ വീഡിയോ കാണാം

ഒരു വാഹനം വാങ്ങുക എന്നത് പലരുടേയും സ്വപ്നമാണ്. വാഹനം വാങ്ങിയതിന് ശേഷം അതിന് പല തരം മോഡിഫിക്കേഷനുകൾ ചെയ്യാത്തവർ വളരെ കുറവാണ് എന്ന് വേണം പറയാൻ. എന്നാൽ തൻ്റെ വാഹനം സ്വർണത്തിൽ പൊതിഞ്ഞ ഒരാളെ പറ്റി നിങ്ങൾ കേട്ടിട്ടുണ്ടോ. എസ്‌യുവികളുടെ അപ്പൻ എന്ന് വിശേഷിപ്പിക്കുന്ന വണ്ടിയാണ് സ്കോർപിയോ എൻ. സ്വർണത്തിൽ പൊതിഞ്ഞ വണ്ടിയുടെ വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്. കൂടുതൽ വിവരങ്ങൾ ഒന്ന് പരിശോധിച്ചാലോ.

ഒരു ക്രോം സ്വർണ്ണം പൊതിഞ്ഞ മഹീന്ദ്ര സ്കോർപ്പിയോ-എൻ റോഡിലൂടെ ഓടിക്കുന്ന ഒരു വീഡിയോ ഓൺലൈനിൽ പങ്കിട്ടത് "ഗോൾഡൻ ഗയ്‌സ് ഓഫ് ഇന്ത്യ" എന്നറിയപ്പെടുന്ന ബിസിനസുകാരുമായ സണ്ണി വാഗ്ചൗറേയും സഞ്ജയ് ഗുജാറിൻ്റേതുമാണ് ഈ പ്രത്യേക കാർ. മഹീന്ദ്ര സ്‌കോർപ്പിയോ-എൻ ഡ്രൈവിംഗിൻ്റെ വീഡിയോ TFL കസ്റ്റംസ് അവരുടെ പേജിൽ ഇൻസ്റ്റാഗ്രാമിൽ പങ്കിട്ടിട്ടുണ്ട്. വീഡിയോയിൽ തിളങ്ങുന്ന ക്രോം സ്വർണ്ണം പൊതിഞ്ഞ മഹീന്ദ്ര സ്കോർപ്പിയോ-എൻ റോഡിൽ ഓടിക്കുന്നത് കാണാം.

സ്കോർപിയോ എൻ മോഡലിൻ്റെ Z6 വേരിയൻ്റാണ് ഗോൾഡൻ വ്റാപ്പ് ചെയ്തിരിക്കുന്നത്. ഹെഡ്‌ലൈറ്റുകളിൽ പ്രൊജക്ടർ ലാമ്പുകളും എൽഇഡിയും ഡേ റ്റൈം റണ്ണിങ്ങ് ലൈറ്റുകൾ ഇല്ല എന്നത് ശ്രദ്ധിക്കാവുന്നതാണ്. മോഡിഫിക്കേഷനുകൾ പരിശോധിക്കുകയാണെങ്കിൽ ബോണറ്റ്, ബമ്പറുകൾ, ഡോറുകൾ, റൂഫ് എന്നിവയുൾപ്പെടെ എല്ലാ ബോഡി പാനലുകളും ക്രോം സ്വർണ്ണത്തിൽ പൊതിഞ്ഞിരിക്കുന്നു. കൂടാതെ, എക്സ്റ്റീരിയറിൻ്റെ എല്ലാ മാറ്റ് ബ്ലാക്ക് ഭാഗങ്ങളും പൊതിഞ്ഞിട്ടുണ്ട്.

സ്കോർപിയോ എൻ-ൻ്റെ മറ്റ് വിശദാംശങ്ങളിലേക്ക് നോക്കിയാൽ 6-സീറ്റർ, 7-സീറ്റർ കോൺഫിഗറേഷനുകളിൽ മഹീന്ദ്ര സ്കോർപിയോ N വാങ്ങാനാവുമെന്നതും ശ്രദ്ധേയമായ കാര്യമാണ്. Z2, Z4, Z6, Z8 എന്നീ നാല് വേരിയന്റുകളിലായാണ് എസ്‌യുവി വിപണനത്തിന് എത്തുന്നത്. ബോഡി ഓൺ ഫ്രെയിം ഷാസിയിൽ പണികഴിപ്പിച്ചിരിക്കുന്നതിനാൽ മുൻഗാമിയേക്കാൾ യാത്രാ സുഖവും പെർഫോമൻസും നൽകാൻ ഇതിനാവുന്നുണ്ട്.

2.0 ലിറ്റർ പെട്രോൾ, 2.2 ലിറ്റർ ഡീസൽ എഞ്ചിൻ ഓപ്ഷനുകളാണ് സ്കോർപിയോ N എസ്‌യുവിക്ക് തുടിപ്പേകുന്നത്. ആറ് സ്പീഡ് മാനുവൽ അല്ലെങ്കിൽ ആറ് സ്പീഡ് ഓട്ടോമാറ്റിക് ഗിയർബോക്‌സുമായി ജോടിയാക്കി രണ്ട് എഞ്ചിൻ ഓപ്ഷനും വീട്ടിലെത്തിക്കാം. പെർഫോമൻസ് കണക്കുകളിലേക്ക് നോക്കിയാൽ പെട്രോൾ മോഡൽ 198 bhp പവറിൽ പരമാവധി 380 Nm torque വരെ ഉത്പാദിപ്പിക്കുമ്പോൾ ഡീസൽ എഞ്ചിന് 173 bhp കരുത്തിൽ 400 Nm torque ആണ് വികസിപ്പിക്കുന്നത്.

മോഡലിന്റെ എല്ലാ വേരിയന്റുകളിലും RWD ലേഔട്ട് സ്റ്റാൻഡേർഡ് ഫിറ്റ്‌മെന്റായി ലഭിക്കും. എസ്‌യുവിയുടെ Z4, Z6, Z8, Z8L മോഡലുകളിൽ കൂൾഡ് ഗ്ലോവ്ബോക്‌സ് മഹീന്ദ്ര വാഗ്ദാനം ചെയ്യാറുണ്ടായിരുന്നു. പുതിയ കോസ്റ്റ് കട്ടിംഗ് അപ്‌ഡേറ്റിന്റെ ഭാഗമായി Z4, Z6 എന്നിവയ്ക്ക് ഇനി ഈ ഫീച്ചർ ലഭിക്കില്ലെന്നാണ് കമ്പനിയിൽ നിന്നും ലഭിക്കുന്ന സ്ഥിരീകരണം.

വാഹനത്തിന് കമ്പനി ഇപ്പോൾ നിരവധി കിഴിവുകൾ ഓഫർ ചെയ്യുന്നുണ്ട്. 2024 ഏപ്രിൽ മാസം സ്കോർപിയോ N വാങ്ങുന്നവർക്ക് 1 ലക്ഷം രൂപ വരെ ലാഭിക്കാനുള്ള സുവർണാവസരമാണ് മഹീന്ദ്ര ആൻഡ് മഹീന്ദ്ര ഒരുക്കിയിരിക്കുന്നത്. സ്കോർപിയോ N എസ്‌യുവിയുടെ ടോപ്പ് എൻഡ് Z8, Z8L ഡീസൽ 4x4 വേരിയന്റുകൾക്കാണ് 1 ലക്ഷം രൂപ വരെ ആനുകൂല്യം ലഭിക്കുക.

7-സീറ്റർ പതിപ്പിലാണ് ലഭ്യമാവുന്നതെങ്കിലും മാനുവലിനും ഓട്ടോമാറ്റിക്കിനും 1 ലക്ഷം രൂപ വരെ ക്യാഷ് ഡിസ്കൗണ്ടോടെ സ്വന്തമാക്കാനാവും. അതേസമയം, Z8, Z8L ഡീസൽ 4x2 ഓട്ടോമാറ്റിക് വേരിയന്റുകൾക്ക് 60,000 രൂപ ക്യാഷ് കിഴിവോടെ ലഭിക്കും. ഇത് 6 അല്ലെങ്കിൽ 7 സീറ്റർ മോഡലിൽ വാങ്ങാനാവും.

നിലവിൽ മഹീന്ദ്ര സ്കോർപിയോ N മോഡലിന് ഇന്ത്യയിൽ 13.60 ലക്ഷം രൂപ മുതൽ 24.54 ലക്ഷം രൂപ വരെയാണ് എക്സ്ഷോറൂം വില വരുന്നത്. ഇതിൽ ഓഫർ കിട്ടുന്ന Z8, Z8L വേരിയന്റുകൾക്ക് 18.64 ലക്ഷം മുതലാണ് പ്രാരംഭ വില വരുന്നത്. 2.0 ലിറ്റർ ടർബോ പെട്രോൾ, 2.2 ലിറ്റർ ഡീസൽ എഞ്ചിൻ ഓപ്ഷനുകളാണ് എസ്‌യുവിക്ക് നിലവിൽ ലഭിക്കുന്നത്.