നടുകടലിലും ആകാശക്കാഴ്ച സമ്മാനിക്കുന്ന ഷദായ്

മറ്റ് ബോട്ടുകളിൽ സാധ്യമാകാത്ത പുറം കാഴ്ചകളും ഈ മട്ടുപ്പാവ് സമ്മാനിക്കുന്നു. ബോട്ടിന്റെ അടിത്തട്ടിൽ നിന്നും ഉയർന്ന് നിൽക്കുന്ന മട്ടുപ്പാവ് തന്നെയാണ് ഇതിന്റെ ഏറ്റവും വലിയ സവിശേഷത.

കടൽപ്പരപ്പിലെ കാഴ്ചകൾ കണ്ട് മടുത്താൽ കാണികൾക്ക് ആകാശകാഴ്ചയുമാകാം. ബാർ, തീൻ മേശ, ചെറിയൊരു നീന്തൽക്കുളം എന്നിവയാണ് മട്ടുപ്പാവിൽ ഒരുക്കിയിരിക്കുന്നത്.

ചുറ്റുമുള്ള കാഴ്ചകളും ബോട്ടിൽ സെർവ് ചെയ്യുന്ന വിഭവങ്ങളും ഇവിടെ ഇരുന്ന് മതിവരുവോളം ആസ്വദിക്കാം. കൂട്ടത്തിൽ മനോഹരമായ അസ്തമനത്തിനും ഉദയത്തിനും സാക്ഷ്യം വഹിക്കുകയുമാകാം.

താഴെതട്ടിന്റെ മേൽക്കൂര സ്ഫടികം കൊണ്ടാണ് നിർമിച്ചിരിക്കുന്നത്. ഒരു നീന്തൽക്കുളമാണ് ഇവിടെ സജ്ജീകരിച്ചിരിക്കുന്നത്.

താഴെത്തട്ടിൽ ബീച്ച് ക്ലബ്, അക്വേറിയം, മേൽത്തട്ടിലെ നീന്തൽക്കുളത്തിൽ നിന്നും താഴേക്ക് പതിക്കുന്ന വെള്ളത്തിന്റെ മനോഹരമായ ശബ്ദം എന്നിവ ആസ്വദിക്കാം.

സമകാലീന വാസ്തുവിദ്യയുപയോഗിച്ചാണ് ഈ ഉല്ലാസ ബോട്ടിന്റെ നിർമാണം നടത്തിയിട്ടുള്ളതെന്ന് ഡിസൈനർ അവകാശപ്പെടുന്നു.