Click it and Unblock the Notifications
3 വര്ഷം മുമ്പ് 50 ലക്ഷത്തിന്റെ ഫോര്ച്യൂണര്, ഇന്ന് 4.30 ലക്ഷത്തിന്റെ ക്വിഡ്! ഇത്ര സിമ്പിള് താരജോഡി ഇല്ല
മലയാള സിനിമയില് സ്വഭാവ നടനായും വില്ലനായും തിളങ്ങിയ ഷാജു ശ്രീധറും ഭാര്യയും നടിയുമായ ചാന്ദ്നിയും ജീവിതത്തിലെ പുതിയൊരു സന്തോഷം ആരാധകരുമായി പങ്കുവെച്ചിരിക്കുകയാണ്. തങ്ങളുടെ ഏറ്റവും പുതിയ വാഹനമായി റെനോ ക്വിഡ് (Renault Kwid) ആണ് താരജോഡികള് തിരഞ്ഞെടുത്തത്. 2023-ല് ഇവര് 50 ലക്ഷത്തോളം വിലവരുന്ന ടൊയോട്ട ഫോര്ച്യൂണര് എസ്യുവി സ്വന്തമാക്കിയ വാര്ത്ത ഏറെ ശ്രദ്ധിക്കപ്പെട്ടിരുന്നു. അരക്കോടിയുടെ കാര് ഉള്ളവര് തന്നെ ഒരു എന്ട്രി ലെവല് ഹാച്ച്ബാക്ക് വാങ്ങിയത് കണ്ട് അത്ഭുതപ്പെടുകയാണ് ആരാധകലോകം. ചാന്ദ്നി പുത്തന് ക്വിഡിനൊപ്പം നില്ക്കുന്ന ചിത്രം താരം സോഷ്യല് മീഡിയയില് പങ്കുവെച്ചു.
യാത്രകള് കൂടുതല് മനോഹരമാക്കാന് ഒരു കുഞ്ഞ് അതിഥി കൂടി എന്ന അടിക്കുറിപ്പിലാണ് താരം പുത്തന് കാര് വാങ്ങിയ സന്തോഷം ആരാധകരെ അറിയിച്ചത്. പാലക്കാട് മുണ്ടൂര് സ്വദേശിയായ ഷാജു, കൊച്ചിന് കലാഭവനിലൂടെയാണ് കലാരംഗത്ത് ചുവടുറപ്പിച്ചത്. 1995-ല് പുറത്തിറങ്ങിയ 'മിമിക്സ് ആക്ഷന് 500' എന്ന ചിത്രത്തിലൂടെയായിരുന്നു അദ്ദേഹത്തിന്റെ സിനിമാ അരങ്ങേറ്റം. പിന്നീട് പുലിവാല് കല്യാണം, റോമന്സ്, രാമലീല തുടങ്ങി ഇരുനൂറിലധികം ചിത്രങ്ങളില് അദ്ദേഹം ചെറുതും വലുതുമായ വേഷങ്ങള് കൈകാര്യം ചെയ്തു.
ഓരോ വേഷത്തിലും തന്റേതായ കയ്യൊപ്പ് പതിപ്പിക്കാന് ഷാജുവിന് സാധിച്ചിട്ടുണ്ട്. അഭിനയത്തിന് പുറമെ തിരക്കഥ, സംഭാഷണ രചനകളിലും പങ്കാളിയായി അദ്ദേഹം തിരശ്ശീലയ്ക്ക് പിന്നില് സജീവമായിരുന്നു. അവാര്ഡുകളെക്കാള് ഉപരി പ്രേക്ഷകരുടെ സ്നേഹമാണ് തന്റെ ഏറ്റവും വലിയ പുരസ്കാരമെന്ന് വിശ്വസിക്കുന്ന ആളാണ് ഷാജു. എങ്കിലും, ടെലിവിഷന് രംഗത്തെ മികച്ച പ്രകടനങ്ങള്ക്ക് നിരവധി പുരസ്കാരങ്ങള് അദ്ദേഹത്തെ തേടിയെത്തിയിട്ടുണ്ട്.
ബിഗ് സ്ക്രീനിലും മിനി സ്ക്രീനിലും ഒരേപോലെ തിളങ്ങിയ ചുരുക്കം ചില താരങ്ങളില് ഒരാളാണ് അദ്ദേഹം. ബോളിവുഡ് ഇതിഹാസം അമിതാഭ് ബച്ചനോടൊപ്പം ഒരു പരസ്യചിത്രത്തില് അഭിനയിക്കാന് അവസരം ലഭിച്ച അപൂര്വ്വം മലയാളികളില് ഒരാളാണ് ഷാജു ശ്രീധര് എന്ന കാര്യവും പലര്ക്കും അറിയില്ല. താരം പുതുതായി വാങ്ങിയ റെനോ ക്വിഡ് 2026 മോഡല് സാങ്കേതികമായി ഏറെ മെച്ചപ്പെട്ടതാണ്.
ഇന്ത്യന് വിപണിയിലെ ഏറ്റവും കുറഞ്ഞ വിലയുള്ള കാറുകളില് ഒന്നായ ക്വിഡിന് 67 bhp പവറും 91 Nm പീക്ക് ടോര്ക്കും സൃഷ്ടിക്കാന് ശേഷിയുള്ള 1.0 ലിറ്റര് ത്രീ-സിലിണ്ടര് പെട്രോള് എഞ്ചിനാണ് കരുത്ത് പകരുന്നത്. മാനുവല്, എഎംടി (AMT) ട്രാന്സ്മിഷന് ഓപ്ഷനുകളില് ക്വിഡ് ലഭ്യമാണ്.
ലിറ്ററിന് ഏകദേശം 21.7 കിലോമീറ്റര് മുതല് 22.3 കിലോമീറ്റര് വരെ മൈലേജ് വാഗ്ദാനം ചെയ്യുന്ന ഈ വാഹനം ഇന്ധനക്ഷമതയുടെ കാര്യത്തിലും മുന്നിലാണ്. 8 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ആപ്പിള് കാര് പ്ലേ, ആന്ഡ്രോയിഡ് ഓട്ടോ തുടങ്ങിയ ആധുനിക സൗകര്യങ്ങളും ക്വിഡിലുണ്ട്.
ഇലക്ട്രോണിക് സ്റ്റെബിലിറ്റി പ്രോഗ്രാം (ESP), ബ്രേക്ക് അസിസ്റ്റോട് കൂടിയ എബിഎസ് (ABS), ഇബിഡി (EBD) എന്നിവയും ബേസ് മോഡലിലടക്കം ലഭ്യമാണ്്. കൂടാതെ റിവേഴ്സ് പാര്ക്കിംഗ് സെന്സറുകള്, ത്രീ-പോയിന്റ് സീറ്റ് ബെല്റ്റുകള്, സീറ്റ് ബെല്റ്റ് റിമൈന്ഡര്, എയര്ബാഗുകള് എന്നിവയും ക്വിഡിന്റെ സേഫ്റ്റി പാക്കേജിന്റെ ഭാഗമാണ്. ഈ ഫീച്ചറുകള് സാധാരണ ഹാച്ച്ബാക്കുകള്ക്കിടയില് ക്വിഡിനെ കൂടുതല് വിശ്വസനീയമായ ഒന്നാക്കി മാറ്റുന്നു.
ഷാജു ശ്രീധറിന്റെ യാത്രകള്ക്ക് ഇനി ക്വിഡ് മികച്ച കൂട്ടാളിയാകും. ലൊക്കേഷനുകളില് നിന്ന് ലൊക്കേഷനുകളിലേക്കുള്ള ഓട്ടത്തില് ഈ വാഹനം അദ്ദേഹത്തിന് മികച്ച തുണയാകട്ടെയെന്ന് ആശംസിക്കാം. ഏകദേശം 4.30 ലക്ഷം രൂപ പ്രാരംഭ വില മാത്രം വരുന്ന ഈ വാഹനം ലളിതവും എന്നാല് സ്റ്റൈലിഷുമായ ഷാജുവിന്റെ വ്യക്തിത്വത്തിന് ഏറ്റവും അനുയോജ്യമായ ചോയ്സാണെന്ന് ആരാധകര് അഭിപ്രായപ്പെടുന്നു.
Continue with Google