പറക്കും ടാക്സിയുമായി സ്റ്റാർട്ടപ്പ് കമ്പനി, അടുത്ത മാർച്ചിൽ സംഭവം റെഡിയാക്കാമെന്ന് കമ്പനി

പറക്കും ടാക്സിയുടെ വാർത്തകൾ കുറച്ച് കാലമായി കേൾക്കുന്നു, എന്നാൽ ഇന്നു വരും നാളെ വരും എന്ന് പല റിപ്പോർട്ടുകളും പുറത്തു വരുന്നുണ്ട്. ഇപ്പോഴിതാ ചെന്നൈ ആസ്ഥാനമായി പ്രവർത്തിക്കുന്ന കമ്പനിയായ ഇപ്ലെയ്ൻ എന്ന ബ്രാൻഡാണ് പറക്കും ടാക്സിയിൽ പ്രവർത്തിക്കുന്നത്. മദ്രാസിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ ഇൻകുബേറ്റ് ചെയ്‌തിരിക്കുന്ന കമ്പനി, വരും മാസങ്ങളിൽ 2-6 കിലോഗ്രാം പേലോഡ് വഹിക്കാൻ കഴിയുന്ന ഡ്രോണുകൾ തുടക്കത്തിൽ വാണിജ്യവത്കരിക്കാനും ലക്ഷ്യമിടുന്നതായി റിപ്പോർട്ടുകൾ പുറത്ത് വരുന്നുണ്ട്.

ഇവിടിഒഎൽ അതായത് ഇലക്‌ട്രിക് വെർട്ടിക്കൽ ടേക്ക്ഓഫ് ആൻഡ് ലാൻഡിംഗ് വിമാനം വികസിപ്പിച്ചുകൊണ്ടിരിക്കുകയാണെന്നും തുടക്കത്തിൽ ഇത് മൂന്നോ നാലോ സീറ്റുകളുള്ള വിമാനമായിരിക്കുമെന്നും അത് എയർ ആംബുലൻസാക്കി മാറ്റുമെന്നും ഇപ്ലെയിൻ കമ്പനിയുടെ സ്ഥാപകനും സിഇഒയുമായ സത്യ ചക്രവർത്തി അറിയിച്ചു.

സ്റ്റാർട്ടപ്പിൻ്റെ വെബ്‌സൈറ്റ് അനുസരിച്ച്, ഒരു സ്വകാര്യ വാഹനത്തിൽ 60 മിനിറ്റ് സഞ്ചരിക്കാൻ എടുക്കുന്ന സ്ഥലത്ത് എത്താൻ ഒരു ഇപ്ലെയ്‌ന് 14 മിനിറ്റ് മാത്രമേ എടുക്കൂ. eVTOL-കൾ ഉപയോഗിച്ച് നഗരങ്ങളിലെ തിരക്ക് ലഘൂകരിക്കുക എന്നതാണ് കമ്പനിയുടെ ലക്ഷ്യം. കൂടാതെ, ePlane കമ്പനി ഡ്രോണുകൾ വികസിപ്പിക്കുന്നുണ്ട്, അത് വരും മാസങ്ങളിൽ വിപണിയിലെത്തുമെന്നാണ് പ്രതീക്ഷിക്കുന്നത്.

ഒരു പൈലറ്റിന് പുറമെ നാല് യാത്രക്കാരെ വഹിക്കാൻ കഴിയുന്ന 200 ഇവിടിഒഎൽ വിമാനങ്ങൾ ആർച്ചർ ഏവിയേഷന് കമ്പനി നൽകും. യൂറോപ്യൻ യൂണിയൻ ഏവിയേഷൻ സേഫ്റ്റി അതോറിറ്റി eVTOL വിമാനങ്ങൾക്കുള്ള ക്വട്ടേഷൻ തയ്യാറാക്കിയിട്ടുണ്ട്. സുരക്ഷാ പ്രശ്‌നങ്ങൾ, നിയന്ത്രണപരമായ ബുദ്ധിമുട്ടുകൾ, നിലവിലുള്ള ഗതാഗത സംവിധാനങ്ങളുമായുള്ള സംയോജനം തുടങ്ങിയ വെല്ലുവിളികൾക്ക് കൂടുതൽ പരീക്ഷണങ്ങൾ ആവശ്യമാണ്.

ഈ വെല്ലുവിളികൾക്കിടയിലും, സുരക്ഷാ പ്രശ്‌നങ്ങളും നിയന്ത്രണ സങ്കീർണ്ണതകളും പരിഹരിച്ച് അടുത്ത 5 മുതൽ 10 വർഷത്തിനുള്ളിൽ eVTOL- കൾ നഗരത്തിലെ ആകാശത്തിലൂടെ പറക്കുന്നത് കാണാം. ഞാൻ മുകളിൽ സൂചിപ്പിച്ചത് പോലെ നിരവധി പറക്കും ടാക്സികളുടെ വാർത്തകൾ കേൾക്കുന്നുണ്ട്. ദുബായിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയും (ആർടിഎ) യുഎസ് ആസ്ഥാനമായുള്ള ജോബി ഏവിയേഷനും എമിറേറ്റിൽ ഓൾ-ഇലക്‌ട്രിക് എയർ ടാക്‌സി സർവീസ് ആരംഭിക്കുന്നതിനുള്ള കരാറിൽ ഒപ്പുവച്ചിരിക്കുകയാണ്.

ഏരിയൽ ടാക്സി സർവീസ് ദുബായിലെ താമസക്കാർക്കും സന്ദർശകർക്കും നൂതനവും കാര്യക്ഷമവുമായ മൊബിലിറ്റി ഓപ്ഷൻ വാഗ്ദാനം ചെയ്യുന്നതാണ്, പ്രധാന നഗര സ്ഥലങ്ങളിലേക്ക് വേഗതയേറിയതും സുരക്ഷിതവും സൗകര്യപ്രദവുമായ യാത്ര സാധ്യമാക്കുകയാണ് ഇതിലൂടെ. ടാക്‌സികൾ, ഇ-സ്‌കൂട്ടറുകൾ, സൈക്കിളുകൾ തുടങ്ങിയ വിവിധ പൊതു, വ്യക്തിഗത മൊബിലിറ്റി മാർഗങ്ങളുമായുള്ള സംയോജനം വർദ്ധിപ്പിക്കാനും അതുവഴി തടസ്സമില്ലാത്ത മൾട്ടിമോഡൽ ഗതാഗതം സുഗമമാക്കാനും നഗരത്തിലുടനീളം കണക്റ്റിവിറ്റി മെച്ചപ്പെടുത്താനും യാത്രക്കാർക്ക് സുഗമമായ യാത്രാനുഭവം ഉറപ്പാക്കാനും ഈ സേവനത്തിലൂടെ സാധിക്കുന്നു.

ലോക ഗവൺമെൻ്റ് ഉച്ചകോടിയിൽ ഒപ്പുവച്ച കരാർ പ്രകാരം ജോബിക്ക് ദുബായിൽ ആറ് വർഷത്തേക്ക് എയർ ടാക്‌സികൾ പ്രവർത്തിപ്പിക്കാനുള്ള പ്രത്യേക അവകാശം നൽകുന്നുണ്ട്. ദുബായിലെ സേവന പ്രവർത്തനങ്ങളുടെ പ്രവേശനത്തിനും വികസനം പ്രാപിക്കുന്നതിനുമായി സാമ്പത്തിക സംവിധാനങ്ങൾ ഉൾപ്പെടെ ആർടിഎയുടെ വിവിധ പിന്തുണ ഈ കരാർ വഴി ഉറപ്പാക്കുന്നു.

ദുബായ് ഇൻ്റർനാഷണൽ എയർപോർട്ട്, പാം ജുമൈറ, ദുബായ് മറീന, ദുബായ് ഡൗൺടൗൺ എന്നിവ ദുബായുടെ എയർ ടാക്‌സി സർവീസിൻ്റെ ലോഞ്ച് ലൊക്കേഷനുകളായി ആർടിഎയും സ്‌കൈപോർട്ട്‌സും ജോബിയും കണ്ടെത്തി. ദുബായ് നിവാസികൾക്കും സന്ദർശകർക്കും ഗതാഗത സേവനങ്ങൾ ലഭ്യമാക്കാൻ ലക്ഷ്യമിട്ടുള്ള ആർടിഎയുടെ ഭാവി മൊബിലിറ്റി സംരംഭങ്ങളുടെ ഭാഗമാണ് ഈ പദ്ധതി.