കാറുകളിലെ ചില സേഫ്റ്റി എക്യുപ്മെന്റുകളും അവയുടെ രസകരമായ കണ്ടുപിടുത്തങ്ങളും

ഓട്ടോമോട്ടീവ് വ്യവസായം ആദ്യ നാളുകളെ അപേക്ഷിച്ച് ഒരുപാട് മുന്നോട്ട് പോയിരിക്കുന്നു. ഇന്ന് നമ്മുടെ വാഹനങ്ങൾ നാം നിസ്സാരമായി കാണുന്ന പല ഫീച്ചറുകളാൽ സജ്ജീകരിച്ചിരിക്കുന്നു.

എന്നാൽ കാറുകളിൽ സീറ്റ് ബെൽറ്റ് പോലും ഇല്ലാതിരുന്ന ഒരു കാലമുണ്ടായിരുന്നു; എന്നാൽ ജീവൻ രക്ഷിക്കുന്ന സുപ്രധാന സേഫ്റ്റി എക്യുപ്മെന്റുകളും അവയുടെ കണ്ടുപിടുത്തങ്ങളും എങ്ങനെയായിരുന്നു എന്ന് നമുക്ക് നോക്കാം:

3 -പോയിന്റ് സീറ്റ് ബെൽറ്റുകൾ

1940 -ന്റെ അവസാനത്തിൽ, കാറുകൾ ലാപ് ബെൽറ്റുകളുമായി മാത്രമായി വന്നിരുന്നു, എന്നാൽ ഇതിൽ നിന്ന വ്യത്യസ്തമായി 3 -പോയിന്റ് സീറ്റ് ബെൽറ്റുകൾ അവതരിപ്പിച്ച കമ്പനിയാണ് വോൾവോ. എന്നിരുന്നാലും, 1959 -ൽ SAAB ഇതിനെ ആവശ്യമായി അംഗീകരിക്കുന്നത് വരെ ഇവ നിർബന്ധമായിരുന്നില്ല.

വോൾവോ അവതരിപ്പിച്ച 3 -പോയിന്റ് ഷോൾഡർ ബെൽറ്റുകളാണ് ഇപ്പോൾ എല്ലാ കാറുകളിലും സജ്ജീകരിച്ചിരിക്കുന്നത്. ഈ കണ്ടുപിടുത്തത്തിന് വോൾവോ ബ്രാൻഡ് പേറ്റന്റ് ഫയൽ ചെയ്തില്ല, അതിനാൽ മുഴുവൻ ഓട്ടോമൊബൈൽ വ്യവസായവും ഇത് അനായാസം സ്വീകരിച്ചു.

എയർബാഗുകൾ

എയർബാഗുകൾ എന്ന ആശയം 1905 -കളിൽ വന്നിരുന്നു, എന്നാൽ ഒരു നിർമ്മാതാക്കൾക്കും പൂർണ്ണമായും പ്രവർത്തനക്ഷമമായ എയർബാഗുകൾ നിർമ്മിക്കാൻ അക്കാലത്ത് കഴിഞ്ഞില്ല. 1970 -കളിൽ ജനറൽ മോട്ടോർസിനാണ് പ്രവർത്തനക്ഷമമായ എയർബാഗുകൾ സൃഷ്ടിക്കാൻ കഴിഞ്ഞത്.

അവർ അതിനെ "എയർ കുഷ്യൻ റെസ്‌ട്രെയിന്റ് സിസ്റ്റം" എന്ന് വിളിച്ചു, ഇത് ലക്ഷ്വറി കാഡിലാക്കുകൾ, ബ്യൂക്‌സ് & ഷെവർലെകൾ എന്നിവയ്‌ക്കൊപ്പം ഒരു ഓപ്‌ഷണൽ ഫീച്ചറായി വന്നു. പിന്നീട്, എല്ലാ ബ്രാൻഡുകളും ഇത് സ്വീകരിച്ചു, ഇപ്പോൾ എല്ലാ കാറുകളിലും എയർബാഗുകൾ സജ്ജീകരിച്ചിരിക്കുന്നു.

ABS

ആന്റി ലോക്ക് ബ്രേക്കിംഗ് സിസ്റ്റങ്ങൾ (ABS) ആദ്യമായി 1960 -കളിൽ വിമാനങ്ങൾക്കായി കണ്ടുപിടിച്ചവയാണ്, പിന്നീട് 1970 -കളിൽ കാറുകളിൽ ഇവ ഉപയോഗിച്ചു. ഇന്ന് ഈ സിസ്റ്റം സുരക്ഷാ ഫീച്ചറുകളുടെ നട്ടെല്ലിൽ ഒന്നാണ് കൂടാതെ റോഡുകളിൽ എണ്ണമറ്റ ജീവനുകളും ഇവ രക്ഷിച്ചു.

ഫിയറ്റ് റിസർച്ച് സെന്ററിൽ ആധുനിക ABS കണ്ടുപിടിച്ചത് മരിയോ പാലസെറ്റിയാണ്. ഇത് ആന്റിസ്‌കിഡ് എന്നറിയപ്പെട്ടു, പിന്നീട് പേറ്റന്റ് ബോഷിന് വിറ്റു, ബോഷ് ഇത് ഡെയിംലർ ബെൻസുമായി ചേർന്ന് ഓട്ടോമൊബൈൽ ലോകത്തേക്ക് കൊണ്ടുവരാൻ പ്രവർത്തിച്ചു.

1970 -കളുടെ അവസാനത്തിൽ, ഓട്ടോമൊബൈൽ വ്യവസായത്തിൽ ആദ്യമായി ABS സജ്ജീകരിച്ചത് മെർസിഡീസ് ബെൻസിന്റെ കാറുകളാണ്. അടിയന്തര ഘട്ടങ്ങളിൽ ഡ്രൈവർ ഫുൾ ബ്രേക്കുകൾ പ്രയോഗിക്കുമ്പോൾ സിസ്റ്റം പ്രാബല്യത്തിൽ വരും. ഇത് മികച്ച നിയന്ത്രണം നൽകുന്നതിന് വീലുകളുടെ ലോക്കിംഗ് തടയുന്നു.

ഡിസ്ക് ബ്രേക്കുകൾ

ഓട്ടോമൊബൈൽ വ്യവസായത്തിന്റെ ആദ്യ വർഷങ്ങളിൽ ഡിസ്ക് ബ്രേക്കുകൾ കണ്ടുപിടിച്ചിരുന്നു, എന്നാൽ സിട്രൺ DS അവതരിപ്പിക്കുന്നതിന് ഏകദേശം അഞ്ച് പതിറ്റാണ്ടുകൾ എടുത്തു. ഈ ലോഞ്ചിന് മുമ്പ്, എല്ലാ കാറുകളും താരതമ്യേന കാര്യക്ഷമമല്ലാത്ത ഡ്രം ബ്രേക്കുകളോടെയാണ് വന്നത്.

ഡിസ്ക് ബ്രേക്കുകൾ ഘടിപ്പിച്ച കാറുകൾ വൻതോതിൽ ഉൽപ്പാദിപ്പിച്ച ആദ്യത്തെ കമ്പനിയാണ് സിട്രൺ. ഡിസ്ക് ബ്രേക്കുകൾ പ്രയോഗിക്കുമ്പോൾ, ബ്രേക്ക് കാലിപ്പർ ഡിസ്കിൽ പിടിമുറുക്കുന്നു, ഇൻസ്റ്റൻഡ് ബ്രേക്കിംഗും കുറഞ്ഞ ബ്രേക്കിംഗ് ഡിസ്റ്റൻസും ഇത് നൽകുന്നു.

ക്രംപിൾ സോണുകൾ

മെർസിഡീസ് ബെൻസ് 1952 -ൽ ക്രംപിൾ സോണുകൾ കണ്ടുപിടിക്കുകയും പേറ്റന്റ് നേടുകയും ചെയ്തു. അവശ്യകാര്യങ്ങളിൽ വരുന്ന ലളിതമായ പാസ്സീവ് സുരക്ഷാ ഫീച്ചറുകളാണ് ഇവ. ഒരു ക്രാഷിന്റെ സമയത്ത് ഉണ്ടാകുന്ന ആഘാതത്തിന്റെ കൈനറ്റിക് എനർജി ആഗിരണം ചെയ്യുന്നതിനാണ് അവ നിർമ്മിച്ചിരിക്കുന്നത്.

അപകടസമയത്ത് അവ എനർജി നിലനിർത്തുകയും ആഗിരണം ചെയ്യുകയും ചെയ്യുന്നു, ഇത് ഇന്റീരിയർ ക്യാബിനും യാത്രക്കാരേയും സുരക്ഷിതമായി സൂക്ഷിക്കുന്നു. ഇത് പുറംഭാഗത്തെ നശിപ്പിച്ചേക്കാം, പക്ഷേ വാഹനത്തിനുള്ളിൽ ഇരിക്കുന്ന യാത്രക്കാരുടെ ജീവൻ രക്ഷിക്കുന്നു.

സേഫ്റ്റി ഗ്ലാസ്

1903 -ൽ തന്റെ ലാബിൽ വെച്ച് എഡ്വാർഡ് ബെനഡിക്റ്റസ് എന്ന രസതന്ത്രജ്ഞൻ ആകസ്മികമായിട്ടാണ് സേഫ്റ്റി ഗ്ലാസ് നിർമ്മിച്ചത്. പിന്നീട് ടക്കർ കാർ കമ്പനിയാണ് ഈ സവിശേഷത ആദ്യമായി അവതരിപ്പിക്കുകയും അവരുടെ മോഡൽ ടോർപ്പിഡോയിൽ ഇത് സജ്ജീകരിക്കുകയും ചെയ്തത്.

കാർ വിപണിയിൽ നിലനിന്നില്ല, പക്ഷേ സേഫ്റ്റി ഗ്ലാസ് നിലനിന്നു. തകരുമ്പോൾ, യാത്രക്കാർക്ക് ദോഷം വരുത്താതിരിക്കാൻ ഗ്ലാസ് നിരവധി ചെറിയ കഷണങ്ങളായി ചിതറുന്നു. അതിനുശേഷം, എല്ലാ വാഹനങ്ങൾക്കും ഇത് ഒരു നോർമൽ സവിശേഷതയായി മാറി.

സ്റ്റെബിലിറ്റി കൺട്രോൾ

ഇത് എണ്ണമറ്റ ജീവൻ രക്ഷിച്ച ഒരു സുപ്രധാന സുരക്ഷാ ഫീച്ചറാണ്, എന്നാൽ ഇത് എങ്ങനെ കണ്ടുപിടിച്ചുവെന്ന് ഞങ്ങൾക്ക് അറിയില്ല. ഫ്രാങ്ക് വെർണർ മോഹൻ എന്നറിയപ്പെടുന്ന ഒരു യുവ സേഫ്റ്റി എഞ്ചിനീയറാണ് ഇത് രൂപകൽപ്പന ചെയ്തത്, അദ്ദേഹം 1989 -ൽ ഒരു മെർസിഡീസ് ബെൻസുമായി ടെസ്റ്റിംഗിനിടെ ഐസ് നിറഞ്ഞ വഴിയിലെ ഒരു കുഴിയിൽ തന്റെ കാർ ലാൻഡ് ചെയ്തതിനെ തുടർന്നാണ് ഇത് കണ്ടെത്തിയത്.

എന്താണ് സംഭവിച്ചതെന്ന് ചിന്തിച്ചും പരിഹരിച്ചും കൊണ്ട് അദ്ദേഹം ഈ സവിശേഷതയുമായി എത്തി. തന്റെ മസ്തിഷ്ക തരംഗത്തിനുശേഷം, അവർ സ്റ്റട്ട്ഗാർട്ടിലെ മെർസിഡീസ് ആസ്ഥാനത്ത് ഒരു പ്രോട്ടോടൈപ്പിൽ പ്രവർത്തിച്ചു. പിന്നീട് 1991 -ൽ, ഒരു ESP-സജ്ജമായ പ്രോട്ടോടൈപ്പ് കുറ്റമറ്റ രീതിയിൽ മഞ്ഞുമൂടിയ റോഡിൽ അവതരിപ്പിച്ചതിന് ശേഷം, ഈ സവിശേഷത അംഗീകരിക്കപ്പെട്ടു.