സബ്‌സിഡി കുറച്ചത് ഇവിയുടെ വിൽപ്പനയെ പിന്നോട്ടടിച്ചെന്ന് ബ്രാൻഡുകൾ, സത്യാവസ്ഥ എന്താണെന്ന് അറിയാം

ഇലക്ട്രിക് വാഹനങ്ങൾ രാജ്യത്ത് അവതരിപ്പിച്ചപ്പോൾ മുതൽ വാഹനത്തിൻ്റെ വില കൂടുതൽ കാരണം സർക്കാർ സബ്‌സിഡി നിരക്ക് നൽകിയിരുന്നു. അത് കൊണ്ട് ഇവി സ്വന്തമാക്കാൻ ആഗ്രഹിക്കുന്നവർക്ക് ആശ്വാസം ആകുകയും ചെയ്തിരുന്നു. എന്നാൽ സമീപകാലത്ത് സബ്‌സിഡി കുറച്ചത് ഇവി വിൽപ്പന വളർച്ചയെ തടസ്സപ്പെടുത്തുന്നതായി റിപ്പോർട്ടുകൾ പുറത്തുവരുന്നുണ്ട്.

2024 ലെ ഇടക്കാല ബജറ്റിൽ, കേന്ദ്ര ധനമന്ത്രി നിർമ്മല സീതാരാമൻ ഒരു FAME III (ഹൈബ്രിഡ്, ഇലക്ട്രിക് വാഹനങ്ങളുടെ വേഗത്തിലുള്ള ദത്തെടുക്കലും നിർമ്മാണ നയത്തിൻ്റെ ഒരു സൂചനയും നൽകിയിട്ടില്ല. മാത്രമല്ല, 2024 സാമ്പത്തിക വർഷത്തിലെ പുതുക്കിയ എസ്റ്റിമേറ്റിനായി FAME-നുള്ള ബജറ്റ് വിഹിതം 44 ശതമാനം കുറഞ്ഞ് 2,671 കോടി രൂപയായിട്ടുണ്ട്.2024 സാമ്പത്തിക വർഷം ഫെയിമിനായി അനുവദിച്ച ഫണ്ട് 5,172 കോടി രൂപയായിരുന്നു, പിന്നീട് ഇത് 4,807.4 കോടി രൂപയായി വീണ്ടും കുറച്ചിരുന്നു.

ഇവികളുടെ വർദ്ധിച്ചുവരുന്ന ആവശ്യത്തിന് ഫെയിം സ്കീം ഒരു പ്രധാന ഉത്തേജകമാണെന്നാണ് ഓട്ടോമോട്ടീവ് മേഖലയിലെ വിദഗ്ധരുടെ അഭിപ്രായം. സബ്‌സിഡി കുറയ്ക്കുന്നത് ബ്രാൻഡിൻ്റെ വിൽപ്പനയെയും ഇവി മോഡലുകളുടെ ലാഭക്ഷമതയെയും ബാധിക്കുമെന്നതിനാൽ വാഹന നിർമ്മാതാക്കൾ ഇപ്പോൾ അവരുടെ തന്ത്രങ്ങൾ ഒന്നുകൂടി പുനഃപരിശോധിക്കേണ്ടതുണ്ട്. വാങ്ങാൻ സാധ്യതയുള്ള പലർക്കും വില ഒരു പ്രധാന തടസ്സമായി തുടരുന്നു ഇന്ത്യയിലെ ഇവികളുടെ വിൽപ്പ നിരക്ക് മന്ദഗതിയിലായേക്കാം എന്നാണ് ഹീറോ ഇലക്ട്രിക് വെഹിക്കിൾസ് ഇന്ത്യ സിഇഒയും എസ്എംഇവി ഡയറക്ടർ ജനറലുമായ സോഹിന്ദർ ഗിൽ പറയുന്നത്.

ഇൻ-ഹൗസ് നിർമ്മാണവും ഗവേഷണവും വികസനവും പ്രോത്സാഹിപ്പിക്കുന്നതിലൂടെ ഇലക്ട്രിക് വാഹനങ്ങളുടെയും അതിൻ്റെ ഘടകങ്ങളുടെയും വില കുറയ്ക്കുന്നതിനുള്ള ഒരു ചെലവായി PLI സ്കീം പ്രവർത്തിക്കും. വാഹന മേഖലയ്ക്കുള്ള പിഎൽഐ പദ്ധതികൾക്കായുള്ള ബജറ്റ് വിഹിതത്തിൽ 478 ശതമാനം വർധനയും നിർമ്മല സീതാരാമൻ പ്രഖ്യാപിച്ചിട്ടുണ്ട്. 2024ലെ ഇടക്കാല ബജറ്റിൽ 3,500 കോടി രൂപ പിഎൽഐക്ക് കീഴിൽ വകയിരുത്തിയപ്പോൾ മുൻ ബജറ്റിൽ ഇത് 604 കോടി രൂപ മാത്രമായിരുന്നു.

ഇന്ത്യയിലെ സ്ട്രോംഗ് ഹൈബ്രിഡ് കാറുകൾ ഇലക്ട്രിക് കാറുകൾക്ക് യോഗ്യരായ എതിരാളികളാണ് എന്ന് തെളിയിക്കുകയാണ്. കഴിഞ്ഞ കുറച്ച് മാസങ്ങളായി, നടപ്പു സാമ്പത്തിക വർഷത്തിൽ തുടർച്ചയായി മൂന്ന് മാസത്തേക്ക് ഇലക്ട്രിക് വാഹനങ്ങളേക്കാൾ സ്ട്രോംഗ് ഹൈബിഡ് മോഡലുകൾ ഇന്ത്യൻ ജനങ്ങൾക്കിടയിൽ പുതിയ ഇഷ്ട സെഗ്മെന്റായി ഉയർന്ന് വരുന്നുണ്ട്.

പലപ്പോഴും ഇവി സ്വന്തമാക്കുന്നവർ മറന്ന് പോകുന്ന ചില കാര്യങ്ങളുണ്ട്. മറ്റ് വാഹനങ്ങൾ പോലെ പെട്ടെന്ന് കയറി ഇരുന്ന് ഇഷ്ടമുളളിടത്തേക്ക് പോകാൻ ഇവി ഉപയോഗിക്കുമ്പോൾ കഴിഞ്ഞുവെന്ന് വരില്ല. ദൂര യാത്ര പോകാൻ പ്ലാൻ ഉണ്ടെങ്കിൽ അത് മുൻകൂട്ടി നിശ്ചയിക്കണം, എന്ന് മാത്രമല്ല ചില തയ്യാറെടുപ്പുകൾ നടത്തുകയും വേണം.

നിങ്ങളുടെ ഇലക്ട്രിക് വാഹനവുമായി ഒരു നീണ്ട യാത്ര പോവുകയാണെങ്കിൽ കാർ ചാർജ് ചെയ്യാനാവുന്ന സ്ഥലങ്ങൾ മുൻകൂട്ടി കണ്ടെത്തുകയും അതിനനുസരിച്ച് യാത്ര പ്ലാൻ ചെയ്യേണ്ടതും അത്യാവശ്യമാണ്. ചാർജിംഗ് സ്‌റ്റേഷനുകളുടെ ലഭ്യത അന്വേഷിക്കുകയും അതിനനുസരിച്ച് നിങ്ങളുടെ റൂട്ട് മാപ്പ് തയാറാക്കുകയുമാണ് ആദ്യം ചെയ്യേണ്ടത്. ചാർജ് തീർന്ന് വഴിയിലാവാതിരിക്കാൻ ഇത് നിങ്ങളെ സഹായിക്കും.

സാധാരണ ചാർജിംഗ് പോയിന്റുകളെ അപേക്ഷിച്ച് ഫാസ്റ്റ് ചാർജിംഗ് സ്റ്റേഷനുകൾക്ക് നിങ്ങളുടെ ഇലക്ട്രിക് വാഹനം ചാർജ് ചെയ്യാനുള്ള സമയം ഗണ്യമായി കുറയ്ക്കാൻ കഴിയും. ഈ സ്റ്റേഷനുകൾ ഉയർന്ന വോൾട്ടേജ് ലെവലുകൾ ഉപയോഗിക്കുന്നതിനാൽ, വേഗത്തിൽ ബാറ്ററി റീചാർജ് ചെയ്യാൻ സാധിക്കും. ദീർഘദൂര യാത്രകളിൽ പെട്ടെന്നുള്ള ടോപ്പ്-അപ്പുകൾക്കായി നിങ്ങളുടെ ലക്ഷ്യസ്ഥാനത്തിനടുത്തോ പ്രധാന ഹൈവേകളിലോ ഫാസ്റ്റ് ചാർജിംഗ് സ്റ്റേഷനുകൾ നോക്കുന്നതാവും ഉചിതം.

സമയത്തെ ആശ്രയിച്ച് വൈദ്യുതി നിരക്ക് പലപ്പോഴും വ്യത്യാസപ്പെടുമെന്ന കാര്യം പലർക്കും അറിവില്ലാത്ത ഒന്നാണ്. നിങ്ങളുടെ ഇവി ചാർജ് ചെയ്യുന്നതിനായുള്ള പണം ലാഭിക്കാൻ, വൈദ്യുതി നിരക്ക് സാധാരണയിലും കുറവുള്ളതും തിരക്കില്ലാത്തതുമായ സമയം പ്രയോജനപ്പെടുത്തുന്നത് പരിഗണിക്കാം. പല കമ്പനികളും ഈ സമയങ്ങളിൽ പ്രത്യേക താരിഫുകളോ കിഴിവുകളോ വാഗ്ദാനം ചെയ്യുന്നുണ്ട്. ഇത് ഇലക്ട്രിക് വാഹന ഉടമകൾക്ക് തങ്ങളുടെ ചെലവ് കുറയ്ക്കാൻ സഹായിക്കും.