പരീക്ഷണയോട്ടത്തിനായി സ്പെയിനിൽ നിന്നും ഹൈസ്പീഡ് ട്രെയിൻ ഇന്ത്യയിൽ

നിലവിലെ ട്രാക്കുകളിൽ മാറ്റങ്ങളൊന്നും വരുത്താതെ ഈ ട്രെയിനുകൾക്ക് 160 മുതൽ 200 കിലോമീറ്റർ വരെ വേഗതയിൽ ഓടാനാകുമെന്നാണ് കമ്പനി അവകാശപ്പെടുന്നത്.

അങ്ങനെയെങ്കിൽ ദില്ലി-മുംബൈ നഗരങ്ങൾ തമ്മിലുള്ള ഇപ്പോഴുള്ള ദൂരം 17 മണിക്കൂറാണെങ്കിൽ ഇവയ്ക്ക് 12 മണിക്കൂറിനുള്ളിൽ ഓടിയെത്താനാകും.

ഈ ട്രെയിനുകളെ മറ്റ് റൂട്ടിലേക്ക് അനുവദിക്കുന്ന പക്ഷം തിരുവന്തപുരത്ത് നിന്ന് ദില്ലിയിലെത്താൻ വെറും പതിനഞ്ച് മണിക്കൂർ മതിയാകും.

യാത്രാസമയം കുറയ്ക്കുന്നതിനൊപ്പം നിലവിൽ ഓടുന്നവയേക്കാൾ 30 ശതമാനം കുറവ് വൈദ്യുതി മാത്രമെ ഇവയ്ക്ക് ആവശ്യമുള്ളൂ. ഇത് റെയില്‍വെയുടെ വൈദ്യുതി നിരക്ക് കുറയ്ക്കുന്നതിന് സഹായകമാവുകയും ചെയ്യും.

ഇന്ത്യയിൽ ടാൽഗോ ട്രെയിൻ ഇറക്കുമതി ചെയ്യാൻ റെയിൽവെ ബോർഡിന്റെ അംഗീകാരം ലഭിച്ചാലുടൻ ഓട്ടത്തിനുള്ള അനുമതി നൽകും.

പരീക്ഷണയോട്ടം ചിലവില്ലാതെ തന്നെ നടത്താൻ കമ്പനി തയ്യാറാണെന്നാണ് റെയിൽവെ അധികൃതർ അറിയിച്ചത്.

നേരിയ ചില വ്യത്യാസങ്ങൾ മാത്രമാണ് പാളങ്ങളിൽ വരുത്തുന്നത്. എന്നാൽ പരീക്ഷണയോട്ടത്തിനായി അറ്റകുറ്റ പണികളൊന്നും നടത്തുന്നില്ല.

പരീക്ഷണയോട്ടം വിജയിച്ചാൽ നിലവിലെ ട്രാക്കുകളിൽ തന്നെ ഓടാൻ കഴിയുന്ന ഈ അതിവേഗ ട്രെയിനുകളെ ഉടൻ പാളത്തിൽ ഇറക്കുന്നതായിരിക്കും.

ഇന്ത്യൻ റെയിൽവേയുടെ 50 കൗതുകകരമായ വസ്തുതകൾതിരുവനന്തപുരം കണ്ണൂർ അതിവേഗ തീവണ്ടിയെക്കുറിച്ച്