പശ്ചിമ ബംഗാളിന് 218 വിംഗർ വെറ്റിറനറി വാനുകൾ നൽകി ടാറ്റ

ഇന്ത്യയുടെ അഭിമാനമാണ് ടാറ്റ മോട്ടോർസ് എന്ന് എല്ലാ ദിവസവും തെളിയിച്ചുകൊണ്ടിരിക്കുകയാണ്. പുതിയതായി ടാറ്റ വാർത്തകളിൽ ഇടം പിടിച്ചിരിക്കുന്നത് പശ്ചിമ ബംഗാൾ സർക്കാരിന് 218 വിംഗർ വെറ്റിറനറി വാനുകൾ വിതരണം ചെയ്തതതിലൂടെയാണ് ടാറ്റ മോട്ടോർസ് ഇത്തവണ വാർത്തകളിൽ ഇടം പിടിച്ചിരിക്കുന്നത്. പശ്ചിമ ബംഗാൾ മുഖ്യമന്ത്രി മമത ബാനർജിയാണ് വാഹനങ്ങൾ ഫ്ലാഗ് ഓഫ് ചെയ്തത്.

വെറ്ററിനെറി ആവശ്യങ്ങൾക്ക് വേണ്ടി പ്രത്യേകം കസ്റ്റമൈസ് ചെയ്ത ടാറ്റ വിംഗർ വെറ്ററിനറി വാനുകൾ മൃഗങ്ങളുടെയും കന്നുകാലികളുടെയും ക്ഷേമത്തിന് വേണ്ടി ഉപയോഗിക്കുമെന്നാണ് മൃഗവിഭവ വികസന വകുപ്പ് അറിയിച്ചിരിക്കുന്നത്. ഗവൺമെന്റിന്റെ നിബന്ധനകളും വ്യവസ്ഥകളും അനുസരിച്ചാണ് ടാറ്റ മോട്ടോഴ്‌സ് ടോപ് ലേലത്തിൽ ഉയർന്നു വന്നത്, അത് മാത്രമല്ല

വ്യത്യസ്ത ആവശ്യങ്ങള്‍ക്ക് ഉപയോഗിക്കാൻ സാധിക്കുന്ന പ്ലാറ്റ്‌ഫോമാണ് വിങ്ങറിന്റേത്. നേരത്തെ കോവിഡിന്റെ സമയത്ത് വ്യാപകമായി വിങ്ങര്‍ വാനുകള്‍ ജീവന്‍ രക്ഷാ ആംബുലന്‍സുകളായിട്ട് ഉപയോഗിച്ചിരുന്നത് എല്ലാവരും കണ്ടിട്ടുളളതാണ്. മൂന്ന് വ്യത്യസ്ത വീല്‍ ബേസുകളിലും രണ്ട് ഉയരങ്ങളിലും നാല് വ്യത്യസ്ത കെയ്‌സുകളിലുമാണ് ടാറ്റ വിങ്ങര്‍ ലഭ്യമായിട്ടുളളത്. എയര്‍ കണ്ടീഷനര്‍ ഉള്ളതും ഇല്ലാത്തതുമായ മോഡലുകളുണ്ട്. ഒമ്പത് പേര്‍ മുതല്‍ 20 പേരെ വരെ ഉള്‍ക്കൊള്ളാന്‍ ശേഷിയുള്ളവയാണ് വിങ്ങര്‍ വാനുകള്‍.

2.2 ലീറ്റര്‍ ഡീസല്‍ എൻജിനാണ് വിങ്ങറിലുള്ളത്. ഇന്ധന ക്ഷമത വര്‍ധിപ്പിക്കുന്നതിന് ECO സ്വിച്ചും ഗിയര്‍ സ്വിഫ്റ്റ് അഡ്‌വൈസറും വാഹനത്തിന് നൽകിയിട്ടുണ്ട്. ഇന്‍ഡിപെന്‍ഡന്റ് ഫ്രണ്ട് സസ്‌പെന്‍ഷന്‍, ആന്റി റോള്‍ ബാര്‍സ്, ഹൈഡ്രോളിക് ഷോക്ക് അബ്‌സോര്‍ബേഴ്‌സ്, സെമി ഹൈഡ്രോളിക് ആക്‌ച്വേറ്റഡ് ഡ്രൈ ക്ലച്ച് എന്നിവയും ഫ്രണ്ട് വീല്‍ ഡ്രൈവായ ഈ വാനിലുണ്ട്. 5 സ്പീഡ് ട്രാന്‍സ്മിഷനാണ് വാഹനത്തിലുള്ളത്. 2007 മുതല്‍ വിങ്ങര്‍ വാനുകള്‍ ടാറ്റ മോട്ടോഴ്‌സ് വിപണിയിലെത്തിക്കുന്നുണ്ട്.

പശ്ചിമ ബംഗാള്‍ സര്‍ക്കാരിനായി 218 വിങ്ങര്‍ വെറ്ററിനറി വാനുകള്‍ വിതരണം ചെയ്യാനായതില്‍ സന്തോഷമുണ്ടെന്നാണ് ടാറ്റ മോട്ടോഴ്‌സ് എസ്.സി.വി പി.യു ആന്‍ഡ് വാന്‍സ് പ്രൊഡക്ട് ലൈന്‍ വൈസ് പ്രസിഡന്റ് വിനയ് പഥക് അറിയിച്ചത്. പശ്ചിമ ബംഗാളിലെ മൃഗ ക്ഷേമവകുപ്പിന്റെ പ്രവര്‍ത്തനങ്ങള്‍ക്കും സേവനം എല്ലായിടത്തും എത്തിക്കുന്നതിനും വിങ്ങര്‍ വാനുകള്‍ സഹായിക്കുമെന്നും അദ്ദേഹം കൂട്ടിച്ചേര്‍ത്തു.

ഓട്ടോ എക്സ്പോയിൽ ടാറ്റ തങ്ങളുടെ മാജിക്കിൻ്റെ ഇലക്ട്രിക് മോഡൽ അവതരിപ്പിച്ചിരുന്നു. ഇത് കഴിഞ്ഞ വര്‍ഷം അവതരിപ്പിച്ച എയ്‌സ് ഇവിയെ അടിസ്ഥാനമാക്കിയുള്ള ഒരു മോഡലാണെന്ന് വേണം പറയാന്‍. കൂടാതെ ലാസ്റ്റ് മൈല്‍ ഡെലിവറി സേവനങ്ങളാണ് ഇതുവഴി ലക്ഷ്യമിടുന്നത്. അതേസമയം അതിന്റെ ആപ്ലിക്കേഷനുകളില്‍ സ്‌കൂള്‍, സ്റ്റേജ് ക്യാരേജ്, ആംബുലന്‍സ് മുതലായവ ഉള്‍പ്പെടുന്നുവെന്നും കമ്പനി പറയുന്നു. ടാറ്റ മാജിക് വളരെക്കാലമായി പാസഞ്ചര്‍ സെഗ്മെന്റിലെ വിജയകരമായ വാണിജ്യ വാഹനമാണ്.

സീറോ എമിഷന്‍ മൊബിലിറ്റി വാഗ്ദാനം ചെയ്യുന്ന മാജിക് ഇവിയുടെ സമാരംഭത്തോടെ, വാണിജ്യ വാഹന ബിസിനസ്സിലുടനീളം 2045 ഓടെ നെറ്റ് സീറോ എമിഷന്‍ നേടാനുള്ള കമ്പനിയുടെ ശ്രമത്തിന്റെ ഭാഗമാണിത്. മാജിക് ഇവി ഒരു ഡ്രൈവര്‍ + 10 സീറ്റര്‍ പാസഞ്ചര്‍ വാഹനമാണ്. ഇതിന് 3,790 mm നീളവും 1,500 mm വീതിയും 2,100 mm നീളമുള്ള വീല്‍ബേസില്‍ സഞ്ചരിക്കുമ്പോള്‍ യഥാക്രമം 1,890 മില്ലീമീറ്ററും 1,870 മില്ലീമീറ്ററും ഭാരവും കയറ്റാത്ത ഉയരവും ലഭിക്കും. ഗ്രൗണ്ട് ക്ലിയറന്‍സ് 160 mm ആണ്. സീറോ എമിഷന്‍ മൊബിലിറ്റിയുടെ മാനദണ്ഡം സജ്ജമാക്കിക്കൊണ്ട്, ടാറ്റ മാജിക് ഇലക്ട്രിക് 10 സീറ്റര്‍ ഇവി ഒരു നൂതന ബാറ്ററി കൂളിംഗ് സിസ്റ്റവും IP67 റേറ്റഡ് വാട്ടറും ഡസ്റ്റ് പ്രൂഫ് ഡ്രൈവിംഗ് ഭാഗങ്ങളും ഉള്‍ക്കൊള്ളുന്നു.

ഏകദേശം 90-115 Nm ടോര്‍ക്ക് നല്‍കാന്‍ ശേഷിയുള്ള ബാറ്ററി ശേഷി 14-20 kWh ആണ്. ഇത് സിംഗിള്‍ സ്പീഡ് ട്രാന്‍സ്മിഷനുമായി ജോടിയാക്കുകയും ചെയ്യുന്നു. മുന്നിലും പിന്നിലും ഒരു സെമി-എലിപ്റ്റിക്കല്‍ ലീഫ് സ്പ്രിംഗ് സസ്‌പെന്‍ഷനാണ് സിസ്റ്റമാണ് വാഹനത്തിന് ലഭിക്കുന്നത്. ഇത് സാവധാനത്തിലും വേഗത്തിലും ഹോം ചാര്‍ജിംഗിനും പ്രാപ്തമാണ് കൂടാതെ പ്രവര്‍ത്തനങ്ങളുടെ കുറഞ്ഞ ചിലവ് വാഗ്ദാനം ചെയ്യുന്നു. സ്റ്റാന്‍ഡേര്‍ഡ് ചാര്‍ജിംഗ് വഴി, 6-6.5 മണിക്കൂറിനുള്ളില്‍ ബാറ്ററി പൂര്‍ണ്ണമായി ചാര്‍ജ് ചെയ്യാന്‍ കഴിയും.