ചാർജിങ്ങ് ഇഷ്ടപ്പെട്ടു, നെക്സോൺ ഇവിയുടെ ചാർജർ പശു കടിച്ചെടുത്തു

ഇന്ത്യൻ ഫോർവീലർ ഇവി രംഗത്തെ സംബന്ധിച്ചിടത്തോളം, ടാറ്റ നെക്സോൺ ഇവിയാണ് ആണ് മുഖ്യധാരാ വിപണിയിൽ ഇവികൾ കൊണ്ടുവന്നത്. ഹ്യുണ്ടായി കോന വിൽപ്പനയ്‌ക്കെത്തിയിരുന്നു എങ്കിലും വാഹനത്തിൻ്റെ വിലയിലുളള ചില പരിമിതികൾ കാരണം വേണ്ടത്ര വിപണി പിടിക്കാൻ സാധിച്ചില്ല എന്നതാണ് സത്യം.

ഇന്ത്യൻ ഇവി രംഗത്ത് ടാറ്റ മോട്ടോഴ്‌സിന്റെ വിജയത്തിനും ആധിപത്യത്തിനും പ്രധാന പങ്ക വഹിച്ചത് നെക്‌സോൺ ഇവിയാണ്. 30.2 kWh ബാറ്ററി പാക്കും ഹോം ചാർജറും ഇതിൽ സജ്ജീകരിച്ചിരിക്കുന്നു. നെക്സോൺ ഇവി മാക്സിനൊപ്പം, ബാറ്ററിയുടെ വലിപ്പം 40.5 kWh ആയി വർദ്ധിപ്പിച്ചു. ടാറ്റ നെക്‌സോൺ ഇവി ഡിസി ഫാസ്റ്റ് ചാർജിംഗും എസി ചാർജിംഗും പിന്തുണയ്ക്കുന്നുണ്ട്. ചാർജിങ്ങ് ഒക്കെ മികച്ചത് തന്നെ പക്ഷേ ചാർജിങ്ങിനിടയിൽ പശു ഇടപ്പെട്ടാലുളള ബുദ്ധിമുട്ട് ഏത് വിധമായിരിക്കും. ഇന്ത്യയിൽ ദശലക്ഷക്കണക്കിന് അനിയന്ത്രിതമായ അലഞ്ഞുതിരിയുന്ന കന്നുകാലികളുണ്ട്.

അലഞ്ഞുതിരിയുന്ന പശുക്കളും എരുമകളും റോഡപകടങ്ങളിലേക്ക് നയിക്കുന്ന നിരവധി സംഭവങ്ങൾ നാം കേട്ടിട്ടുണ്ട്. എന്നാൽ ഇതാദ്യമായാണ് ഒരു പശു ടാറ്റ നെക്‌സോൺ ഇവി ചാർജറിന് കേടുവരുത്തിയതായി കേൾക്കുന്നത്.ടാറ്റ നെക്‌സോൺ ഇവി ഉടമ സുമിത് ട്വിറ്ററിലൂടെയാണ് ഈ സംഭവം പങ്കുവെച്ചത്. സുമിത് പങ്കിട്ട വിവരങ്ങൾ അനുസരിച്ച്, അദ്ദേഹത്തിന്റെ നെക്‌സോൺ ഇവി ചാർജ് ചെയ്തു കൊണ്ടിരിക്കുമ്പോൾ, ഒരു പശു ചാർജിംഗ് കേബിൾ കടിച്ചു പുറത്തെടുത്തു നെക്സോൺ ഇവി ചാർജിംഗ് കേബിൾ ഇപ്പോൾ പൂർണ്ണമായും കേടായതായി ചിത്രങ്ങളിൽ നിന്ന് വ്യക്തമാണ്.

നമുക്ക് ചുറ്റുമുള്ള അലഞ്ഞുതിരിയുന്ന കന്നുകാലികളുടെ എണ്ണം കണക്കിലെടുക്കുമ്പോൾ, ഇത്തരമൊരു സംഭവം റിപ്പോർട്ട് ചെയ്യുന്നത് ഇതാദ്യമായിരിക്കില്ല. കാർ നിർമ്മാതാക്കൾക്ക് കൂടുതൽ ശക്തമായ കാർ ചാർജിംഗ് സംവിധാനം വികസിപ്പിക്കാൻ കഴിയുമെങ്കിൽ അത് വളരെ നല്ലതായിരിക്കും, ഒരു പശു കേബിൾ വലിക്കാൻ ശ്രമിക്കുമ്പോൾ പെട്ടെന്ന് തകരുന്ന വിധത്തിലുളള കേബിൾ നിർമിച്ചാൽ അത് കഷ്ടമായിരിക്കും. ഇന്ത്യൻ വിപണിയിൽ ഒരു പുതിയ സാങ്കേതികവിദ്യ രൂപകൽപന ചെയ്യുന്നതിനായി, എഞ്ചിനീയർമാർ വളരെയധികം പരിശ്രമിക്കുകയും വിപണിയുമായി ബന്ധപ്പെട്ട എല്ലാ പ്രതിസന്ധികളും പരിഗണിക്കുകയും ചെയ്യുന്നുണ്ട്.

തന്റെ ട്വിറ്റർ പോസ്റ്റിലൂടെ, നെക്‌സോൺ ഇവി ചാർജറിന്റെ അറ്റകുറ്റപ്പണി / മാറ്റിസ്ഥാപിക്കൽ നടപടിക്രമങ്ങളിൽ തന്നെ സഹായിക്കാൻ ടാറ്റ മോട്ടോഴ്‌സിനോട് സുമിത് അഭ്യർത്ഥിക്കുന്നു. ടാറ്റ മോട്ടോഴ്‌സ് ഒരു പ്രൊഫഷണൽ സമീപനം സ്വീകരിക്കുകയും കൂടുതൽ വിശദാംശങ്ങൾ DM വഴി പങ്കിടാൻ ഉടമയോട് ആവശ്യപ്പെടുകയും ചെയ്തിട്ടുണ്ട്. ടാറ്റ മോട്ടോഴ്‌സ് കേടായ ചാർജർ ശരിയാക്കുമോ അതോ പുതിയ ചാർജർ നൽകുമോ എന്ന് വ്യക്തമല്ല. സുമിത്തിന് ഉടൻ പരിഹാരം ലഭിക്കുമെന്നാണ് പ്രതീക്ഷിക്കുന്നത്. ചാർജിങ്ങ് കേബിളില്ലാതെ ഒരു ഇലക്ട്രിക് കാർ എന്നു പറഞ്ഞാൽ കുട്ടികളുടെ കളിപ്പാട്ടത്തിന് തുല്യമായി പോകും

ടാറ്റ മോട്ടോര്‍സ് FY23-ല്‍ പ്രതിവര്‍ഷം 50,000 യൂണിറ്റുകളുടെ ഇവി വില്‍പ്പന കടക്കാന്‍ ഒരുങ്ങുകയാണ്, അതായത്, അടുത്ത ഏതാനും മാസങ്ങള്‍ക്കുള്ളില്‍ ഇവി ബിസിനസില്‍ നിന്ന് ഒരു ബില്യണ്‍ ഡോളര്‍ വരുമാനം നേടാനൊരുങ്ങുകയാണെന്ന് ചുരുക്കം. നെക്‌സോണ്‍, ടിഗോര്‍ ഇവികള്‍ക്കൊപ്പം, ടാറ്റ മോട്ടോര്‍സ് ഇതിനകം പ്രതിവര്‍ഷം 55,000 മുതല്‍ 60,000 യൂണിറ്റ് വരെ വാര്‍ഷിക നിരക്കില്‍ എത്തിയിട്ടുണ്ട്, ഇപ്പോള്‍ ടിയാഗോ ഇവിയുടെ കൂട്ടിച്ചേര്‍ക്കലിനൊപ്പം, കമ്പനി 2024 സാമ്പത്തിക വർഷത്തോടെ 1 ലക്ഷം യൂണിറ്റ് വാര്‍ഷിക നിരക്കാണ് പ്രതീക്ഷിക്കുന്നത്.

ഇന്ത്യയില്‍ നെക്സോണ്‍ ഇവിയും ടിഗോര്‍ ഇവിയും ഇതിനകം വില്‍പ്പനയ്ക്കെത്തിച്ച കമ്പനി അടുത്തിടെ അതിന്റെ ഏറ്റവും ചെറിയ ഇലക്ട്രിക് പാസഞ്ചര്‍ കാറായ ടിയാഗോ ഇവിയും പുറത്തിറക്കി, ഓരോ വര്‍ഷവും 1 മുതല്‍ 2 വരെ ഇവികള്‍ പുറത്തിറക്കാന്‍ കാര്‍ നിര്‍മാതാവ് പദ്ധതിയിടുകയും ചെയ്യുന്നു. അടുത്ത 5 വര്‍ഷത്തിനുള്ളില്‍ 10 ഇലക്ട്രിക് വാഹനങ്ങള്‍ പുറത്തിറക്കാനുള്ള പാതയിലാണ് കമ്പനിയെന്ന് ടാറ്റ മോട്ടോര്‍സ് പാസഞ്ചര്‍ വെഹിക്കിള്‍സിന്റെയും ടാറ്റ പാസഞ്ചര്‍ ഇലക്ട്രിക് മൊബിലിറ്റി ലിമിറ്റഡിന്റെയും മാനേജിംഗ് ഡയറക്ടര്‍ ശൈലേഷ് ചന്ദ്ര വ്യക്തമാക്കിയിരുന്നു.

മാത്രമല്ല, അടുത്തിടെ പുറത്തിറക്കിയ ടിയാഗോ ഇവിയും 2023-ല്‍ ആസൂത്രണം ചെയ്ത പഞ്ച് ഇവിയും ഉപയോഗിച്ച്, അടുത്ത 12-18 മാസത്തിനുള്ളില്‍ 1 ലക്ഷം ഇവികള്‍ നിര്‍മ്മിക്കാന്‍ ടാറ്റ ലക്ഷ്യമിടുന്നു, ഇത് ഇവി നുഴഞ്ഞുകയറ്റത്തിലേക്ക് നയിക്കും. വില്‍പ്പന വേഗത നിലനിര്‍ത്താന്‍ ഇത് കൈകാര്യം ചെയ്താല്‍, ഇവി ബിസിനസ്സിന് ഏകദേശം 12,000 കോടി മുതല്‍ 15,000 കോടി വരെ വരുമാനം ഉണ്ടാക്കാന്‍ കഴിയും - ഇത് മൂന്ന് വര്‍ഷം മുമ്പ് അതിന്റെ പരമ്പരാഗത കാര്‍ ബിസിനസ്സ് സൃഷ്ടിച്ച ബിസിനസിന് തുല്യമാണ്.