ഗിയർബോക്സ് പണിമുടക്കി; ടാറ്റയ്ക്കെതിരെ പരാതിയുമായി നെക്സോൺ ഇവി ഉടമ

ഇലക്ട്രിക് കാറുകൾ ഇന്ത്യൻ വിപണിയിൽ പച്ച പിടിച്ചു തുടങ്ങുകയാണ്. അതിൽ തന്നെ ഇപ്പോൾ ഇവികളിൽ മുന്നിൽ നിൽക്കുന്നത് ടാറ്റാ മോട്ടോർസാണ്. ഇവി സെഗ്മെൻ്റിൽ നിരവധി മോഡലുകളാണ് ടാറ്റയ്ക്ക് ഉളളത്. ഇലക്ട്രിക് വാഹനങ്ങൾക്ക് ഗുണത്തോടൊപ്പം തന്നെ ദോഷവുമുണ്ട്. കാരണം ഇലക്ട്രിക് വാഹനങ്ങൾ ചിലപ്പോഴൊക്കെ തകരാറിലാകാറുണ്ട്.

അത്തരമൊരു സംഭവമാണ് സോഷ്യൽ മീഡിയയിൽ ഇപ്പോൾ വൈറലായിക്കൊണ്ടിരിക്കുന്നത്. ഒരു കെട്ടിടത്തിൻ്റെ ബേസ്മെൻ്റിൽ ഗിയർ ബോക്സ് തകരാറിലായി കുടുങ്ങി കിടക്കുന്ന ടാറ്റാ നെക്സോൺ ഇവിയുടെ ചിത്രങ്ങളാണ് വൈറലായത്. താനെയിൽ താമസിക്കുന്ന ആകാശ് ഭംഗ്രെ എന്ന വ്യക്തിയുടേതാണ് വാഹനം. വാഹനത്തിൻ്റെ ഗിയർ ബോക്സ് തകരാറിലായതോടെ ടാറ്റയുടെ ഹെൽപ്പ് ലൈനിൽ ബന്ധപ്പെടുകയും എന്നാൽ ടോവിങ്ങ് വാഹനം ആവശ്യപ്പെടുവെങ്കിലും 1.5 മണിക്കൂറാണ് അവർ പറഞ്ഞത്.

വാഹനം ബേസ്മെൻ്റ് പാർക്കിങ്ങിൽ കുടുങ്ങിയത് കൊണ്ട് മറ്റുളള വാഹനങ്ങൾക്കും പോകാൻ കഴിയാത്ത വിധത്തിൽ വലിയ ബുദ്ധിമുട്ട് സൃഷ്ടിച്ചു. കഴിഞ്ഞ വർഷവും ഇത് പോലെ തന്നെ ടാറ്റ നെക്സോൺ ഇവിയുടെ ട്രാക്ഷൻ മോട്ടോറുമായി ബന്ധപ്പെട്ട ഒരു പരാതി ഉയർന്നു വന്നിരുന്നു. ഇന്ത്യന്‍ വിപണിയില്‍ നെക്‌സോണ്‍ ഇവി അതിന്റെ പ്രായോഗിക ശ്രേണിയും സവിശേഷതകളും കാരണം മികച്ച സ്വീകാര്യത ലഭിച്ചു. പാസഞ്ചര്‍ ഫോര്‍ വീലര്‍ ഇലക്ട്രിക് ശ്രേണിയില്‍ നെക്സോണ്‍ ഇവിക്ക് 64 ശതമാനം വിപണി വിഹിതമുണ്ട്.

നിലവിൽ രാജ്യത്ത് ഏറ്റവുമധികം വിറ്റഴിക്കപ്പെടുന്ന പാസഞ്ചർ ഇലക്ട്രിക് വാഹനമാണ് നെക്‌സോൺ ഇവി. കഴിഞ്ഞ വർഷം 50,000 ഇവി വിൽപ്പന രേഖപ്പെടുത്തുന്നതിലും 90 ശതമാനത്തിലധികം വിപണി വിഹിതം നേടുന്നതിലും ഇത് ഒരു പ്രധാന പങ്ക് വഹിച്ചിട്ടുണ്ട്. ഇപ്പോൾ ഇവിയുടെ 2023 മോഡൽ പുറത്തിറക്കിയതോടെ ബ്രാൻഡ് നെക്സോൺ ഇവി പ്രൈം, നെക്സോൺ ഇവി മാക്‌സ് എന്നിവയുടെ പ്രാരംഭ വിലയാണ് പുതുക്കിയിരിക്കുന്നത്.

ടാറ്റ നെക്‌സോൺ ഇവി പ്രൈം ഇപ്പോൾ 14.49 ലക്ഷം രൂപയുടെ പ്രാരംഭ എക്സ്ഷോറൂം വിലയിലാണ് വിപണിയിലെത്തുന്നത്. അതേസമയം കൂടുതൽ റേഞ്ച് ലഭിക്കുന്ന നെക്‌സോൺ ഇവി മാക്‌സിന്റെ വില 16.49 ലക്ഷം രൂപയിൽ നിന്നും ആരംഭിക്കുന്നുവെന്നും സാരം. ഇതോടൊപ്പം 2023 ജനുവരി 25 മുതൽ MIDC സൈക്കിളിന് കീഴിൽ നെക്‌സോൺ ഇവി മാക്‌സിന്റെ ഡ്രൈവിംഗ് റേഞ്ച് 453 കിലോമീറ്ററായി ഉയർത്തിയതായും ടാറ്റ മോട്ടോർസ് സ്ഥിരീകരിച്ചിട്ടുണ്ട്.

എൽഇഡി ഡേടൈം റണ്ണിംഗ് ലാമ്പുകളോട് കൂടിയ പ്രൊജക്ടർ ഹെഡ്‌ലാമ്പുകൾ, ഡിജിറ്റൽ TFT സ്‌ക്രീൻ, സ്റ്റാർട്ട്/സ്റ്റോപ്പ് ചെയ്യാൻ പുഷ് ബട്ടൺ, ക്രൂയിസ് കൺട്രോൾ, ZConnect കണക്റ്റഡ് കാർ ടെക്, സ്മാർട്ട് വാച്ച് കണക്റ്റിവിറ്റി, ഹർമാൻ സോഴ്‌സ് ചെയ്‌ത ഇൻഫോടെയ്ൻമെന്റ് സിസ്റ്റം, ഓട്ടോമാറ്റിക് ക്ലൈമറ്റ് കൺട്രോൾ തുടങ്ങിയ സവിശേഷതകളോടെയാണ് 2023 നെക്‌സോൺ ഇവി പ്രൈം XM ഇപ്പോൾ എത്തുന്നത്.

ഇലക്ട്രോണിക് പാർക്കിംഗ് ബ്രേക്ക്, ഓട്ടോമാറ്റിക് ക്ലൈമറ്റ് കൺട്രോൾ, i-VBAC ഉള്ള ഇലക്ട്രോണിക് സ്റ്റെബിലിറ്റി പ്രോഗ്രാം, എൽഇഡി ഡിആർഎല്ലകൾ, എൽഇഡി ടെയിൽ ലാമ്പുകൾ, പ്രൊജക്ടർ ഹെഡ്‌ലാമ്പുകൾ, പുഷ്-ബട്ടൺ സ്റ്റാർട്ട്, ഡിജിറ്റൽ TFT ഇൻസ്ട്രുമെന്റ് ക്ലസ്റ്റർ, സ്മാർട്ട് വാച്ച് കണക്റ്റിവിറ്റിയുള്ള ZConnect കണക്റ്റഡ് കാർ ടെക് തുടങ്ങിയ സവിശേഷതകളോടെയാണ് ഇത് വരുന്നത്. കൂടാതെ പിന്നിൽ ഡിസ്ക് ബ്രേക്കുകളും നെക്സോൺ ഇവി മാക്‌സിന്റെ പുതിയ XM വേരിയന്റിലുണ്ട്.

15A ഹോം സോക്കറ്റ് അല്ലെങ്കിൽ ഫാസ്റ്റ് ചാർജർ ഉപയോഗിച്ച് ഇവി പവർ ചെയ്യാൻ ചാർജിംഗ് ഓപ്ഷനുകൾ അനുവദിക്കുന്നു. ഡ്യുവൽ ചാർജിംഗിനായി സിപ്‌ട്രോൺ സാങ്കേതിക അനുവദിക്കുന്നു. ബാഹ്യ രൂപകൽപ്പനയുടെ കാര്യത്തിൽ ഇവിയെ അതിന്റെ പരമ്പരാഗത ICE മോഡലിൽ നിന്ന് വേർതിരിച്ചറിയാൻ അധികം കാര്യങ്ങളില്ല. നെക്സോൺ ഇവിയുടെ ബാറ്ററി പവറാണ് അതിന്റെ ഏറ്റവും മികച്ച വിൽപ്പന കേന്ദ്രം.

ഇലക്ട്രിക് എസ്‌യുവിയുടെ മോട്ടോറിന് 8 വർഷത്തെ അല്ലെങ്കിൽ 1.60 ലക്ഷം കിലോമീറ്റർ വാറണ്ടിയും ടാറ്റ മോട്ടോർസ് അനുവദിച്ചിട്ടുണ്ട്. നെക്സോൺ ഇവി മോഡലുകൾ ഡിസി ഫാസ്റ്റ് ചാർജിംഗും 4-ലെവൽ മൾട്ടി-മോഡ് റീജൻ, കസ്റ്റമൈസബിൾ സിംഗിൾ-പെഡൽ ഡ്രൈവിംഗ് മുതലായവയെ പിന്തുണയ്ക്കുന്നുമുണ്ട്. എന്തായാലും സെഗ്മെന്റിലേക്ക് മഹീന്ദ്ര XUV400 വന്നതോടെ ഉയർന്ന മത്സരമാവും ശ്രേണിയിലേക്ക് കൊണ്ടുവരിക. ആയതിനാൽ ഇതുപോലുള്ള മികച്ച ഡീലുകൾ ഉപഭോക്താക്കൾക്ക് ലഭിക്കുമെന്നാണ് പ്രതീക്ഷിക്കുന്നത്.