ഈ ബസ് കരയിൽ മാത്രമല്ല വെള്ളത്തിലും ഓടും

അമേരിക്ക ആസ്ഥാനമായുള്ള കൂൾ ആംഫിബിയസ് മാനുഫാക്ച്ചറേസ് ഇന്റർനാഷണൽ എന്ന കമ്പനിയാണ് ടെറ വിന്റ് എന്ന ഈ ഉഭയ വാഹനത്തിന് രൂപംകൊടുത്തിരിക്കുന്നത്.

മണിക്കൂറിൽ 80 മൈൽ ദൂരമാണിതിന്റെ ഹൈവെ സ്പീഡെങ്കിൽ 7 നോട്ടാണ് വെള്ളത്തിലുള്ള വേഗത.

കരയിലും ജലത്തിലും സ്മൂത്തായി ഓടിക്കാൻ തരത്തിൽ കാറ്റർ പില്ലർ എൻജിനാണിതിന് നൽകിയിട്ടുള്ളത്.

കൂടാതെ അല്ലീഷൻ ട്രാൻസ്മിഷൻ, നേവെ ഫ്രണ്ട് ആന്റ് റിയർ സസ്പെൻഷൻ, മറൈൻ ഡ്രൈവ് ട്രാൻസ്മിഷൻ എന്നീ ഫീച്ചറുകളും ഈ ഉഭയ വാഹനത്തിലുണ്ട്.

സുരക്ഷയ്ക്കായി രണ്ട് ഓട്ടോമാറ്റിക് ഫയർ എക്സ്ടിൻഗ്വിഷറും ത്രീ സോൺ ബിൽജ് പമ്പ് സിസ്റ്റവും ഉൾപ്പെടുത്തിയിട്ടുണ്ട്.

ഒന്നാന്തരം ആഡംബര സവിശേശതകൾ ഉൾക്കൊള്ളിച്ചുള്ള രൂപകല്പനയാണ് ടെറ വിന്റിന് നൽകിയിരിക്കുന്നത്.

കരയിലായാലും വെള്ളത്തിലായാലും ഈ ഫസ്റ്റ് ക്ലാസ് ആഡംബരത ഒരു പോലെ അനുഭവപ്പെടുമെന്നാണ് നിർമാതാക്കൾ അവകാശപ്പെടുന്നത്.

കമ്പനിയുടെ ഹൈഡ്ര ടെറ ആംഫിബിയസ് വെഹിക്കിൾ എന്ന പരമ്പരയിൽ നിന്ന് ഉരുത്തിരിഞ്ഞിട്ടുള്ള ആശയമാണ് ഈ ബസെന്ന് പറയപ്പെടുന്നത്.

കാഴ്ചകൾ കാണാൻ മാത്രമല്ല ഇതുപകരിക്കുക തിരച്ചിലിനും, മറ്റ് രക്ഷാപ്രവർത്തനങ്ങള്‍ക്കായും ഈ വാഹനമുപയോഗപ്പെടുത്താം.

അതിനു സഹായകമായ സുരക്ഷാഫീച്ചറുകളാണ് ഇതിൽ ഉൾപ്പെടുത്തിയിട്ടുള്ളത്.

ഇൻസ്ട്രുമെന്റ് ഗേജും സിസ്റ്റം കൺട്രോളും അടങ്ങുന്ന വിമാനത്തിലെ കോക്പിറ്റിനെ അനുസ്മരിപ്പിക്കുന്ന തരത്തിലുള്ള ഡാഷ്ബോർഡാണ് നൽകിയിട്ടുള്ളത്.

ഇന്റർനെറ്റ്, കംപ്യൂട്ടർ ഡോക്കിംഗ് സിസ്റ്റം, ജിപിഎസ്, മൂവിംഗ് മാപുകൾ, നാവിഗേഷണൽ ചാർട്ട് എന്നിവയും സ്റ്റാൻഡേഡ് ഫീച്ചറുകളായി ഉൾപ്പെടുത്തിയിട്ടുണ്ട്.

ഫ്ലോർ മാറ്റുകൾ, എന്റർടെയിൻമെന്റ് സിസ്റ്റം, ഇലക്ട്രോണിക്സുകൾ, ഫർണിച്ചറുകൾ, ഗ്രാഫിക്സുകൾ എന്നിവ ഉൾപ്പെടുത്തി ഇച്ഛാനുസരണം പരിഷ്കാരങ്ങൾ നടത്താമെന്നാണ് കമ്പനി പക്ഷം.

ആഡംബരത വർധിപ്പിക്കാൻ എല്ലാ സൗകര്യവും ഉൾപ്പെടിത്തിയിട്ടുള്ള കിച്ചൻ, ഹോം തീയേറ്റർ, കണ്ണാടികൾ പതിപ്പിച്ച സീലിംഗ് എന്നിവ ഉൾപ്പെടുത്തിയിട്ടുണ്ട്.

ഏകദേശം 1.2 മില്ല്യൻ ഡോളറാണ് ടെറാ വിന്റിന് നിശ്ചയിച്ചിരിക്കുന്ന വില.

എന്നാൽ നടത്താനുദ്ദേശിക്കുന്ന പരിഷ്ക്കാരങ്ങൾക്കനുസരിച്ച് വിലയിൽ മാറ്റം വരാമെന്നാണ് കമ്പനി അറിയിച്ചിരിക്കുന്നത്.

ഒരു ന്യൂ ജനറേഷന്‍ ബസ്സിനെ പരിചയപ്പെടാം

ഗൈഡഡ് ബസ്സ്‌വേ അഥവാ പാളത്തിലോടുന്ന ബസ്സുകൾ