ലോകത്തിലെ ഏറ്റവും വലിയ എഞ്ചിനുകൾ ഏതൊക്കെയാണെന്ന് അറിയാമോ, കാർ മുതൽ വിമാനം വരെയുണ്ടേ...

എഞ്ചിൻ എന്താണെന്ന് അറിയാത്ത ആരും തന്നെ ഇന്നത്തെ കാലത്ത് കാണില്ല. എന്ത് പ്രവർത്തിക്കാനാണെങ്കിലും അതിനൊരു മോട്ടോർ അല്ലെങ്കിൽ എഞ്ചിൻ വേണം. ഒരു രൂപത്തിലല്ലെങ്കിൽ മറ്റൊരു തരത്തിൽ, എഞ്ചിനുകൾ നൂറ്റാണ്ടുകളായി ഉപയോഗിക്കുന്നതാണ്. പതിമൂന്നാം നൂറ്റാണ്ടിൽ വെള്ളം ഉയർത്താൻ ഒരു അടിസ്ഥാന പിസ്റ്റൺ സംവിധാനം ഉപയോഗിച്ചിരുന്നു, ഏതാണ്ട് അതേ സമയം, ചൈനയിൽ ഒരു സോളിഡ് റോക്കറ്റ് എഞ്ചിൻ പ്രൊജക്റ്റൈലുകൾ വെടിവയ്ക്കാൻ ഉപയോഗിച്ചിരുന്നു എന്നുമാണ് ചരിത്രം പറയുന്നത്.

1700-കളുടെ മധ്യത്തിൽ ആവി എഞ്ചിൻ വികസിപ്പിക്കുകയും ശുദ്ധീകരിക്കുകയും ചെയ്തു, 1860-ൽ ബെൽജിയൻ-ഫ്രഞ്ച് എഞ്ചിനീയർ എറ്റിയെൻ ലെനോയർ ആദ്യത്തെ പ്രവർത്തനക്ഷമമായ ആന്തരിക ജ്വലന എഞ്ചിൻ കണ്ടുപിടിച്ചു.ഇരുപത്തിയൊന്നാം നൂറ്റാണ്ടിൽ, എഞ്ചിനുകളുടെ കാര്യം വരുമ്പോൾ, അതിരുകൾ മുമ്പെന്നത്തേക്കാളും വേഗത്തിലാക്കുന്നു.

ലോകത്തിലെ ഏറ്റവും വലിയ പ്രൊഡക്ഷൻ കാർ എഞ്ചിൻ എന്ന് പറയുന്നത് ഡോഡ്ജ് വൈപ്പർ എസ്ആർടിയിൽ ക്രിസ്ലറിൻ്റെ 8.4 ലിറ്റർ V10 ആണ്. ഇത് 640 bhp പരമാവധി പവറാണ് ഉത്പാദിപ്പിക്കുന്നത്, ഇതിൻ്റെ പരമാവധി വേഗത എന്ന് പറയുന്നത് മണിക്കൂറിൽ 310 കിലോമീറ്റർ വേഗതയാണ്, മൂന്ന് സെക്കൻഡിനുള്ളിൽ പൂജ്യത്തിൽ നിന്ന് 60 -ൽ എത്താൻ സാധിക്കും.

ലോകത്തിലെ ഏറ്റവും ശക്തമായ ഓട്ടോമൊബൈൽ എഞ്ചിൻ ക്രിസ്‌ലർ V10 ന് 8.4-ലിറ്ററിൽ എഞ്ചിനാണ്, ഇതിന് 1,479 bhp പരമാവധി പവർ ഉത്പാദിപ്പിക്കാനും മണിക്കൂറിൽ 410 കിലോമീറ്റൽ സ്പീഡിൽ കുതിക്കുവാനും സാധിക്കുന്ന എഞ്ചിനാണ്. അടുത്തത് ഇതുവരെ നിർമ്മിച്ചതിൽ വച്ച് ഏറ്റവും വലിയ കാർ എഞ്ചിനെ കുറിച്ചാണ്. 1910 -ലാണ് 'ദി ബീസ്റ്റ് ഓഫ് ടൂറിൻ' എന്ന് വിളിക്കുന്ന എഞ്ചിൻ നിർമിച്ചത്. 23.5 ലിറ്റർ ഫോർ സിലിണ്ടർ എഞ്ചിനായിരുന്നു അത്. 290 bhp പരമാവധി പവറും ഉയർന്ന വേഗത 234 കിലോമീറ്ററുമായിരുന്നു.

ഇനി നമ്മുക്ക് റോഡിൽ നിന്ന് ആകാശത്തേക്ക് പോയാലോ, ഏറ്റവും വലിയ റോക്കറ്റ് എഞ്ചിനെ കുറിച്ച് അറിഞ്ഞാലോ, ചന്ദ്രനിലേക്കും ബഹിരാകാശത്തേക്ക് മനുഷ്യരെ എത്തിക്കാൻ വളരെ ശക്തിയേറിയ റോക്കറ്റ് എഞ്ചിനുകളാണ് വേണ്ടത്. റോക്കറ്റ്ഡൈൻ എഫ് 1 ആണ് ഏറ്റവും വലിയ റോക്കറ്റ് എഞ്ചിൻ. 5.8 മീറ്റർ ഉയരമുള്ള എട്ട് ടൺ എഞ്ചിനുകളിൽ അഞ്ചെണ്ണം നീൽ ആംസ്‌ട്രോങ്ങിനെ ചന്ദ്രനിൽ എത്തിച്ച സാറ്റേൺ വി റോക്കറ്റിന് കരുത്തേകിയിരുന്നതാണ്. ഓരോ എഞ്ചിനും 55,000 കുതിരശക്തിയും 1.8 ദശലക്ഷം പൗണ്ട് ത്രസ്റ്റും ഉത്പാദിപ്പിക്കുന്നവയായിരുന്നു.

വിമാനങ്ങളുടെ കാര്യത്തിലേക്ക് വന്നാൽ ലോകത്തിലെ ഏറ്റവും ശക്തമായ ജെറ്റ് എഞ്ചിൻ ജനറൽ ഇലക്ട്രിക് GE90 ആണ്. ലോകത്തിലെ ഏറ്റവും വലിയ ടർബോഫാൻ എഞ്ചിൻ ബോയിംഗ് 777-ന് വേണ്ടി നിർമ്മിച്ചതാണ്, 1995-ൽ ബ്രിട്ടീഷ് എയർവേയ്‌സിനൊപ്പം സർവീസ് ആരംഭിക്കുകയും ചെയ്ത വിമാനത്തിൻ്റെ എഞ്ചിന് 8.3 ടൺ ഭാരമുണ്ട്, ഇത് അഞ്ച് മീറ്ററിലധികം നീളവും 127,900 പൗണ്ട് ത്രസ്റ്റും സൃഷ്ടിക്കുന്നവയാണ്. ജനറൽ ഇലക്ട്രിക് GE9X എഞ്ചിൻ ഭാരമേറിയതും ഉയരവും വീതിയും ഉള്ളതുമാണ്, ഫാനിൻ്റെ വ്യാസം സാധാരണ വിമാനങ്ങളേക്കാൾ 15 സെൻ്റീമീറ്റർ വലുതാണ്.

ആകാശത്ത് നിന്ന് ഭൂമിയിലേക്ക് വീണ്ടും എത്തിയാൽ നമ്മുക്ക് ഇനി റെയിൽപാളത്തിലൂടെ കൂകി പായുന്ന ട്രെയിനുകളുടെ കാര്യം നോക്കാം. യൂണിയൻ പസഫിക് ബിഗ് ബോയ് 1940-കളുടെ തുടക്കത്തിൽ അമേരിക്കൻ ലോക്കോമോട്ടീവ് കമ്പനി നിർമ്മിച്ച ഒരു സ്റ്റീം ലോക്കോമോട്ടീവ് ആയിരുന്നു. ഇതിന് 26 മീറ്റർ നീളവും മൂന്ന് മീറ്ററിലധികം വീതിയും അഞ്ച് മീറ്ററോളം ഉയരവുമുണ്ട്, കൂടാതെ പർവതനിരകളിലൂടെ കനത്ത ചരക്ക് ഗതാഗതം കൈകാര്യം ചെയ്യുന്നതിന് വേണ്ടിയാണ് ഇത് നിർമിച്ചത്.

എഞ്ചിനും ടെൻഡറിനും 604 ടൺ ഭാരവും 6,000 കുതിരശക്തിയും ഉണ്ടായിരുന്നു. ബിഗ് ബോയ്‌ക്ക് 3,600 ടൺ ഭാരമുള്ള ട്രെയിൻ പർവതങ്ങളിലൂടെ വലിക്കാനാകും, നിരപ്പായ സ്ഥലത്ത് 70 മൈൽ വേഗതയിൽ എത്താനും കഴിയും. ഈ അസാധാരണമായ വലിയ ലോക്കോയെ യഥാർത്ഥത്തിൽ വാസാച്ച് എന്നാണ് വിളിക്കുന്നത് എന്നാൽ ഈ എഞ്ചിൻ നിർമിക്കുന്ന ഘട്ടത്തിൽ നിർമാതാക്കൾ ഇതിൽ ബിഗ്ബോയ് എന്ന് എഴുതി. എട്ട് എഞ്ചിനുകൾ അതിജീവിക്കുന്നു.