ദിവസത്തിൽ രണ്ട് തവണ അപ്രത്യക്ഷമാകുന്ന റോഡ്; പ്രകൃതിയും മനുഷ്യനും തമ്മിലുള്ളൊരു ഒളിച്ചു കളി

ദിവസേന രണ്ട് തവണ അപ്രത്യക്ഷമാകുന്ന റോഡിനെ കുറിച്ച് നിങ്ങൾ കേട്ടിട്ടുണ്ടോ? എന്നാൽ ഡു ഗോയിസ് പ്രസിദ്ധമായിരിക്കുന്നത് അത്തരത്തിലാണ്.

ഫ്രാന്‍സിലെ നോയര്‍മോറ്റിയര്‍ ദ്വീപിനെ ഗള്‍ഫ് ഓഫ് ബര്‍ണഫുമായി ബന്ധിപ്പിക്കുന്ന റോഡായ ഡു ഗോയിസ് ശക്തമായ വേലിയേറ്റ സമയങ്ങളിൽ പൂർണമായും വെള്ളത്തിനടയിൽ അകപ്പെട്ടു പോകും.

2.58 മൈൽ ദൈർഘ്യമുള്ള റോഡ് വേലിയേറ്റ സമയങ്ങളിൽ 13 അടിയോളം വെള്ളത്തിലാണ്ടു പോകാറുണ്ട്. അതുകൊണ്ടുതന്നെ വളരെ ഭീതിജനിപ്പിക്കുന്നതാണ് ഇതുവഴിയുള്ള ഗതാഗതവും.

ദിവസത്തിൽ രണ്ട് തവണ വെള്ളത്താൽ മൂടപ്പെട്ട് റോഡ് അപ്രത്യക്ഷമാകും എന്നതിനാൽ വളരെ കുറച്ച് നേരത്തേക്ക് മാത്രമെ റോഡ് ഉപയോഗിക്കാനും സാധിക്കുകയുള്ളൂ. ബാക്കി സമയങ്ങളിൽ റോഡ് പൂർണമായും വെള്ളത്തിനടിയിലാകും.

ഏതൊക്കെ സമയങ്ങളിലായിരിക്കും റോഡ് സുരക്ഷിതമായി ഉപയോഗപ്പെടുത്താൻ സാധിക്കുക എന്ന വിവരങ്ങൾ നൽകുന്ന പാനലുകൾ റോഡിനിരുവശവും സ്ഥാപിച്ചിട്ടുണ്ടെങ്കിലും ചിലപ്പോഴക്കെ ഇതു പാളിപോകാറുണ്ട്.

പ്രകൃതി എന്നത് പ്രവചനാതീതമാണ് എന്നുള്ളതുകൊണ്ടു തന്നെ ചിലപ്പോഴേക്കെ ആളുകളും വണ്ടികളുമടക്കം വെള്ളത്തിലാണ്ടു പോകാറുണ്ട്.

അത്തരം സന്ദർഭങ്ങളിൽ സ്വയരക്ഷയ്ക്കായി റോഡിനിരിവശത്തും ചില റെസ്ക്യു ടവറുകൾ നിർമിച്ചിട്ടുണ്ട്.

പൊടുന്നനെ വേലിയറ്റമുണ്ടാകുമ്പോൾ ഈ ടവറിൽ അഭയം പ്രാപിക്കാം. വെള്ളമിറങ്ങുന്നതു വരെ കാത്തുനിൽക്കേണ്ടതായും വരും.

എന്നാൽ നിങ്ങളുടെ വാഹനത്തെ രക്ഷപ്പെടുത്താൻ വേറെ മാർഗമൊന്നുമില്ലാത്തതിനാൽ അതേക്കുറിച്ച് മറക്കുന്നതായിരിക്കും നല്ലത്. സ്വന്തം തടി രക്ഷിക്കാൻ ടവറിൽ കയറിപ്പറ്റാം അത്രതന്നെ.

1701 കാലഘട്ടത്തിലായിരുന്നു ഈ റോഡിന്റെ നിർമാണം നടത്തിയത്. 1840ഓടുകൂടി വാഹന ഗതാഗതവും ഇതുവഴി ആരംഭിച്ചു തുടങ്ങി.

അപകടകാരിയാണെങ്കിൽ കൂടിയും ഡു ഗോയിസ് സൈക്കിളോട്ടത്തിന് വളരെ പ്രസിദ്ധി നേടിയതാണ്.

1999ൽ ടൂർ ദി ഫ്രാൻസ് ബൈസിക്കിൾ റേസ് എന്ന സൈക്കിളോട്ടത്തിനു ഈ റോഡ് ഉപയോഗിച്ചിരുന്നു. അവസാനമായി അത്തരത്തിലുള്ളൊരു സൈക്കിളോട്ടം 2011ലായിരുന്നു സംഘടിപ്പിച്ചത്.

സാഹസിക യാത്ര ആസ്വദിക്കുന്നവർക്ക് എന്നും ഓർമിച്ചുവെക്കാവുന്ന ഒരു നല്ലൊരു അനുഭവം തന്നെയായിരിക്കുമിത്.

ലോകത്തിലെ നീളമേറിയ ഹൈവേകളിൽ ഇന്ത്യൻ ഹൈവേക്കുള്ള പ്രാധാന്യം

റോഡിലെ വിവിധ വരകൾ സൂചിപ്പിക്കുന്നതെന്ത്