അവഗണിക്കരുതേ കാറിൻ്റെ ഡോർ,വിൻഡോ സീലുകളെ; സൂക്ഷിച്ചാൽ ദുഖിക്കേണ്ട

നിങ്ങൾ ഒരു കാർ വാങ്ങുന്നത് ഒന്നോ രണ്ടോ ദിവസത്തെ ഉപയോഗത്തിന് വേണ്ടി അല്ലല്ലോ, നിങ്ങളുടെ ഒരു പത്ത് വർഷമെങ്കിലും കാറുമായി ചിലവഴിക്കുന്നവരാണ് കൂടുതലും, എന്നാൽ കുറച്ചു കൂടി നല്ല വാഹനങ്ങളും മോഡലുകളും ഇറങ്ങുമ്പോൾ അത് വാങ്ങുന്നവരും കുറവല്ല കേട്ടോ. എന്നാൽ നിങ്ങൾ കാർ വാങ്ങിയതിന് ശേഷം അതിനെ പരിപാലിക്കുന്നതിലാണ് കാര്യം. ചിലപ്പോഴൊക്കെ മറന്നു പോകുന്നതും അവഗണിക്കുന്നതുമായ ഒരു മേഖലയാണ് കാറിൻ്റെ വിൻഡോയുടെ പാനലുകളും ബീഡിങ്ങുകളും.

ഈ റബ്ബർ ഗാസ്കറ്റുകൾ നിങ്ങളുടെ കാറിന്റെ ഇന്റീരിയറിലേക്ക് കടക്കുന്ന ശബ്ദം, കാറ്റ്, വെള്ളം, പൊടി എന്നിവ തടഞ്ഞുനിർത്തി സുഖകരവും ശബ്ദരഹിതവുമായ യാത്ര ഉറപ്പാക്കാൻ നിങ്ങളെ സഹായിക്കുന്നു. കാലക്രമേണ, തീവ്രമായ കാലാവസ്ഥയും ഇടയ്ക്കിടെയുള്ള ഉപയോഗവും ഈ സീലുകളെ മോശമാക്കും, ഇത് നിങ്ങളുടെ ഡ്രൈവിംഗ് അനുഭവത്തെ മോശമായി ബാധിക്കും. എന്നിരുന്നാലും, ചില ലളിതമായ നുറുങ്ങു വിദ്യയിലൂടെ നിങ്ങളുടെ കാറിന്റെ വിൻഡോ, ഡോർ സീലുകളുടെ ആയുസ്സ് കൂട്ടാൻ സാധിക്കും.

നിങ്ങളുടെ കാറിന്റെ വിൻഡോ, ഡോർ സീൽ എന്നിവയെല്ലാം പതിവായി വൃത്തിയാക്കുന്നത് അവരുടെ ആയുസ്സ് വർദ്ധിപ്പിക്കുന്നതിനുള്ള ഏറ്റവും എളുപ്പവും ഫലപ്രദവുമായ മാർഗ്ഗമാണ്. പതുക്കെ തുടയ്ക്കാൻ വൃത്തിയുള്ളതും നനഞ്ഞതുമായ തുണി ഉപയോഗിക്കുക. കഠിനമായ രാസവസ്തുക്കളോ ഉരച്ചിലുകളോ ഉപയോഗിക്കുന്നത് ഒഴിവാക്കുക, കാരണം റബ്ബർ മെറ്റീരിയലിനെ നശിപ്പിക്കുന്നതിന് പകരം വീര്യം കുറഞ്ഞ സോപ്പോ പ്രത്യേക റബ്ബർ വൃത്തിയാക്കുന്ന ഉൽപ്പന്നമോ ഉപയോഗിക്കാൻ പ്രത്യേകം ശ്രദ്ധിക്കണം.

നിങ്ങളുടെ ചർമ്മത്തിൻ്റെ ആരോഗ്യം നിലനിർത്താൻ മോയ്സ്ചറൈസേഷൻ ആവശ്യമായി വരുന്നതുപോലെ, നിങ്ങളുടെ കാറിന്റെ റബ്ബർ സീലുകൾക്ക് വഴക്കമുള്ളതും വിള്ളലുകളെ പ്രതിരോധിക്കുന്നതും നിലനിർത്താൻ പതിവ് കണ്ടീഷനിംഗിൽ നിന്ന് പ്രയോജനം ലഭിക്കും. ഈ പ്രക്രിയ ഓരോ മൂന്ന് മാസത്തിലൊരിക്കൽ എങ്കിലും ചെയ്യണം, പ്രത്യേകിച്ച് ചൂട് കാലാവസ്ഥയുള്ള പ്രദേശങ്ങളിൽ. ഇത് ചെയ്യുന്നത് നിങ്ങളുടെ കാർ കൂടുതൽ വൃത്തിയായി സൂക്ഷിക്കാൻ സാധിക്കും.

കാര്‍ ഉപയോഗിക്കുന്ന പലരു നേരിട്ടൊരു പ്രശ്നമായിരിക്കും വാഹനത്തിൻ്റെ താക്കോൾ ഉളളിൽ വച്ച് മറക്കുക എന്നത്. പെട്ടെന്ന് എന്തെങ്കിലും അത്യാവശ്യ ജോലികള്‍ ഉള്ളതിനാല്‍ താക്കോല്‍ കാറില്‍ വെച്ചിട്ട് കാര്‍ ലോക്ക് ചെയ്ത് പുറത്തിറങ്ങാന്‍ മറക്കുന്നു. ഡോര്‍ കുറച്ചുനേരം ലോക്ക് ചെയ്തില്ലെങ്കില്‍ ഓട്ടോമാറ്റിക്കായി കാറിന്റെ ഡോര്‍ ലോക്ക് ചെയ്യുന്ന സാങ്കേതികവിദ്യയാണ് ഇന്ന് പല വണ്ടികളിലും കാണാന്‍ പറ്റുന്നത്. ഇങ്ങനെ ലോക്കായിപ്പോയാല്‍ താക്കോല്‍ പുറത്തെടുക്കാന്‍ പറ്റില്ല. അത്തരമൊരു സാഹചര്യം ഉണ്ടായാല്‍ അത് എങ്ങനെ മറികടക്കണമെന്ന് പലര്‍ക്കും അറിയില്ല.

എയര്‍ ബാഗ് അല്ലെങ്കില്‍ എയര്‍ വെഡ്ജ് അലൈന്‍മെന്റ് ടൂള്‍ എന്നെല്ലാം അറിയപ്പെടുന്ന ഒരു ഉല്‍പ്പന്നം ഇന്ന് വിപണിയിലുണ്ട്. ഇത് ഒരു ചെറിയ ബാഗിലേക്ക് ഒരു ട്യൂബ് ഘടിപ്പിച്ച് അതില്‍ എയര്‍ നിറക്കുന്ന രീതിയിലാണ് നിര്‍മിച്ചിരിക്കുന്നത്. എന്നാല്‍ ഇതിന്റെ ഉപകാരം പറഞ്ഞറിയിക്കാനാകില്ല. ഈ സാഹചര്യത്തില്‍, ട്യൂബ് ആദ്യം ഡോറിന്റെ മുകളില്‍ മധ്യഭാഗത്ത് ഉള്ളിലേക്കാക്കി വെക്കുക. തുടര്‍ന്ന് ട്യൂബ് വഴി വായു ബാഗിലേക്ക് വായു നിറക്കുക.

പിന്നാലെ ഡോറിനും കാറിന്റെ ബോഡിക്കും ഇടയില്‍ ചെറിയ വിടവ് ഉണ്ടാകും. നിങ്ങളുടെ കൈവശം രണ്ട് എയര്‍ബാഗ് ഉണ്ടെങ്കില്‍ ഒന്ന് ഡോറിന്റെ വശത്തില്‍ കൊടുത്താല്‍ കാര്യങ്ങള്‍ കൂടുതല്‍ എളുപ്പമാകും. ആ വിടവിലൂടെ നമുക്ക് കാര്‍ അണ്‍ലോക്ക് ചെയ്യാം. പക്ഷേ, ആ എയര്‍ബാഗ് എപ്പോഴും പോക്കറ്റില്‍ കൊണ്ടുനടക്കാന്‍ പറ്റുമോ എന്നൊന്നും ചോദിച്ചേക്കരുത്. എതെങ്കിലും സാഹചര്യത്തില്‍ ഡോര്‍ ലോക്കായി വഴിയില്‍ കിടന്നാല്‍ ഈ ഒരു സംഗതി വീട്ടില്‍ ഉണ്ടെങ്കിലും ഉപകാരമാണ്.

ഒരു പ്ലാസ്റ്റിക്ക് സ്ട്രിപ്പ് ഉപയോഗിച്ചും നമുക്ക് ലോക്കായ കാര്‍ ഡോര്‍ തുറക്കാം. ഇത് നോബ് ഉള്ള ഡോറിൽ മാത്രമേ പ്രവര്‍ത്തികമാകൂ എന്ന് ആദ്യമേ പറയട്ടേ. ഇത് അത്യവശ്യം നീളമുള്ളതും നേര്‍ത്തതുമായിരിക്കണം. ഡോര്‍ ഫ്രെയിമിനും ഡോറിനും ഇടയിലൂടെ കടക്കണമെന്നതിലാണ് നേര്‍ത്തത് വേണമെന്ന് പറഞ്ഞത്. ആദ്യം ഈ സ്ട്രിപ്പിന്റെ മധ്യഭാഗത്തായി ചെറിയ ഒരു കെട്ട് ഉണ്ടാക്കണം. എന്നാല്‍ ഇത് മുറുക്കാതിരിക്കാന്‍ ശ്രദ്ധിക്കണം. ഇരുഭാഗവും കൂട്ടി വലിച്ചാല്‍ മുറുകുന്ന തരത്തിലുള്ള കെട്ട് ആണ് വേണ്ടത്.

ശേഷം ഇത് ശ്രദ്ധപൂര്‍വ്വും ഫ്രെയിമിനും ഡോറിനും ഇടയിലൂടെ അകത്തേക്ക് ഇറക്കുക. കാറിന്റെ ഡോറിന്റെ ചെറിയ വിടവില്‍ അല്ലെങ്കില്‍ വിന്‍ഡോയിലൂടെ അവശേഷിക്കുന്ന ലോക്ക് നോബില്‍ ലഘുവായി ഇടാന്‍ ശ്രമിക്കുക. ലോക്ക് നോബില്‍ സ്ട്രിപ്പ് എത്തി കഴിഞ്ഞാല്‍ ഇരുഭാഗത്തേക്കും വലിച്ച് കെട്ട് മുറുക്കുക. ശേഷം ഇത് മുകളിലേക്ക് ഉയര്‍ത്തിയാല്‍ ഡോര്‍ തുറക്കാം.

എന്നാല്‍ ഇത് ക്ഷമയോടെയും ശ്രദ്ധയോടെയും ചെയ്യേണ്ട പ്രവര്‍ത്തിയാണ്. ഇത് വളരെ സമയമെടുക്കുന്ന ഒരു ജോലി കൂടിയാണ്. എന്നാല്‍ നിങ്ങള്‍ക്ക് ഒരു പ്ലാസ്റ്റിക് സ്ട്രാപ്പ് ലഭ്യമല്ലെങ്കില്‍പ്പോലും, സമാനമായ ഒരു ഉല്‍പ്പന്നം ഉപയോഗിച്ച് നിങ്ങള്‍ക്ക് ഈ രീതിയിലൂടെ ഡോര്‍ തുറക്കാന്‍ ശ്രമിക്കാവുന്നതാണ്. താക്കോല്‍ കാറില്‍ മറന്ന് വെച്ച് ഡോര്‍ ലോക്കായി പോകുന്ന സാഹചര്യത്തില്‍ നിന്ന് രക്ഷപ്പെടാനുള്ള ചില വഴികളാണ് ഇതൊക്കെ.