കൊവിഡ് വ്യപനം; ചരിത്രത്തിലാദ്യമായി ടോക്കിയോ മോട്ടോർ ഷോ റദ്ദാക്കാനൊരുങ്ങി ജപ്പാൻ

കോവിഡ് അണുബാധകൾ വർധിക്കുന്ന സാഹചര്യത്തിൽ സന്ദർശകരുടെ സുരക്ഷ ഉറപ്പുനൽകാൻ കഴിയുമെന്ന് ഇപ്പോൾ ചിന്തിക്കാനാവില്ലെന്ന് അസോസിയേഷൻ ഓഫ് ജാപ്പനീസ് കാർ മാനുഫാക്ചറേർസ് (JMA) മേധാവി അക്യോ ടൊയോഡ ഒരു ഓൺലൈൻ കോൺഫറൻസിൽ പറഞ്ഞു.

സുരക്ഷിതമായ അന്തരീക്ഷത്തിൽ മൊബിലിറ്റിയുടെ ആകർഷകമായ സവിശേഷതകൾ സന്ദർശകർക്കായി വാഗ്ദാനം ചെയ്യുന്നത് ബുദ്ധിമുട്ടാണെന്ന് ടൊയോഡ പറഞ്ഞു.

അണുബാധയുടെ വർധിക്കുന്നതോടെ വീണ്ടും ടോക്കിയോ, ഒസാക്ക, ദ്വീപസമൂഹത്തിലെ മറ്റ് പ്രദേശങ്ങൾ എന്നിവിടങ്ങളിൽ മൂന്നാമത്തെ അടിയന്തരാവസ്ഥ പ്രഖ്യാപിക്കാൻ ജപ്പാൻ സർക്കാർ ഒരുങ്ങുകയാണ്.

1954 -ൽ അരങ്ങേറ്റം കുറിച്ചതിനുശേഷം ഇത് ആദ്യമായാണ് മോട്ടോർ ഷോ റദ്ദാക്കുന്നത്. അവസാന ഇവന്റിൽ, 2019 അവസാനത്തിൽ 1.3 ദശലക്ഷം ആളുകൾ പങ്കെടുത്തിരുന്നു.

ടോക്കിയോ ഓട്ടോ ഷോയിൽ മോട്ടോർ ബൈക്കുകൾ, മിനിക്കാർ, വലിയ വാഹനങ്ങൾ, പാസഞ്ചർ കാറുകൾ, മറ്റ് വ്യവസായങ്ങളുടെ മൊബിലിറ്റി വാഹനങ്ങൾ എന്നിവ പ്രദർശിപ്പിക്കുന്നു എന്ന് ടൊയോഡ പറഞ്ഞു.

അതിനാൽ, സന്ദർശകർക്ക് ഈ വാഹനങ്ങൾ യഥാർത്ഥ ലോക സാഹചര്യങ്ങളിൽ കാണാനും അനുഭവിക്കാനും മുൻഗണന നൽകാൻ തങ്ങൾ ആഗ്രഹിക്കുന്നു, മാത്രമല്ല ഇവന്റ് വെർച്യുവലായിട്ടല്ല യാഥാർത്ഥ്യത്തിൽ നടത്താനാണ് തങ്ങൾ ആഗ്രഹിക്കുന്നത്, അതിനാലാണ് ഇവന്റ് റദ്ദാക്കാൻ തീരുമാനിച്ചത് എന്ന് അദ്ദേഹം കൂട്ടിച്ചേർത്തു.

സംഘാടകർ അടുത്തതായി നടത്താൻ തീരുമാനിക്കുമ്പോൾ ഇവന്റിന് ടോക്കിയോ മൊബിലിറ്റി ഷോ എന്ന് പുനർനാമകരണം നൽകും. അടുത്ത തവണ ടോക്കിയോ മൊബിലിറ്റി ഷോ എന്ന് വിളിക്കപ്പെടുന്ന ഒരു മെച്ചപ്പെട്ട ഇവന്റ് നടത്താൻ തങ്ങൾ ആഗ്രഹിക്കുന്നു, അതിനായി എല്ലാവരുടേയും തുടർ പിന്തുണ അഭ്യർത്ഥിക്കുന്നു എന്ന് ടോയോഡ പറഞ്ഞു.

നിരവധി കാർ നിർമ്മാതാക്കളുമായി സഹകരിച്ച് നടക്കുന്ന ഈ പരിപാടി, വാഹന വ്യവസായത്തിലെ ഏറ്റവും പുതിയ സാങ്കേതികവിദ്യയും ഉൽ‌പ്പന്നങ്ങളും പ്രദർശിപ്പിക്കുന്നു. സമീപ വർഷങ്ങളിൽ, പ്രമുഖ യൂറോപ്യൻ ബ്രാൻഡുകളും മറ്റ് ഏഷ്യൻ കാർ നിർമ്മാതാക്കളും ടോക്കിയോയിൽ പ്രദർശനം നിർത്തിവച്ചിരുന്നു.

ലോകത്തെ കാർ നിർമ്മാതാക്കൾ ലക്ഷ്യമിടുന്ന ചൈനീസ് കാർ വിപണിയിലെ സ്ഫോടനാത്മക വളർച്ച കാരണം ജാപ്പനീസ് കാർ ഡീലർഷിപ്പിന്റെ ജനപ്രീതി കുറഞ്ഞു.