Toyota Innova Hycross vs Innova Crysta; വില താരതമ്യം ഇങ്ങനെ

ജാപ്പനീസ് നിര്‍മാതാക്കളായ ടൊയോട്ട ഇന്ന് ഇന്ത്യന്‍ വിപണിയില്‍ ഇന്നോവ ഹൈക്രോസിന്റെ വിലകള്‍ പ്രഖ്യാപിച്ചിരിക്കുകയാണ്. ഏറെ പ്രതീക്ഷയോടെ വാഹന വിപണിയും കാത്തിരിക്കുന്ന ഒരു മോഡലാണ് ഇന്നോവ ഹൈക്രോസ്. കഴിഞ്ഞ മാസം ബുക്കിംഗ് ആരംഭിച്ചപ്പോള്‍ തന്നെ വാഹനത്തിന് വിപണിയില്‍ നിന്നും മികച്ച സ്വീകാര്യതയാണ് നേടിയത്.

ഇന്ത്യയിലെ ഇന്നോവ എംപിവിയുടെ മൂന്നാമത്തെ ആവര്‍ത്തനമാണ് പുതിയ ടൊയോട്ട ഇന്നോവ ഹൈക്രോസ്. പുതിയ കരുത്തുറ്റ ഹൈബ്രിഡ് പെട്രോള്‍ സജ്ജീകരണത്തിനായി ഡീസല്‍ ഒഴിവാക്കിയാണ് ഈ വാഹനം എത്തുന്നത്. വിലകള്‍ പ്രഖ്യാപിച്ചപ്പോള്‍ അതിശയകരമെന്നു പറയട്ടെ, അടിസ്ഥാന വേരിയന്റ് തികച്ചും മത്സരാധിഷ്ഠിതമാണെന്ന് വേണം പറയാന്‍. ഇന്നോവ ക്രിസ്റ്റയുമായി താരതമ്യപ്പെടുത്തുമ്പോള്‍ എന്‍ട്രി ലെവല്‍ G സെവന്‍ സീറ്ററിന് 21,000 രൂപ മാത്രമാണ് അധിക ചെലവ് വരുന്നത്.

ഓര്‍ഡറിന്റെ മുകളിലേക്ക് നീങ്ങുമ്പോള്‍, ഇതേ വേരിയന്റിന്റെ എട്ട് സീറ്റര്‍ പതിപ്പിനും 21,000 രൂപ അധികമായി നല്‍കണം. ഇന്നോവ ഹൈക്രോസിന്റെ അടിസ്ഥാന G വേരിയന്റിന് 18.30 ലക്ഷം രൂപയാണ് എക്‌സ്‌ഷോറൂം വില. ഏഴ്, എട്ട് സീറ്റര്‍ വേരിയന്റുകള്‍ക്ക് യഥാക്രമം 18.35 ലക്ഷം രൂപയും ക്രിസ്റ്റയുടെ GX ബേസ് ട്രിമ്മിന് 18.09 ലക്ഷം രൂപയുമാണ് എക്‌സ്‌ഷോറൂം വിലയായി നല്‍കേണ്ടത്. ക്രിസ്റ്റയുടെ GX എട്ട് സീറ്റര്‍ ബേസ് പതിപ്പിന് 18.14 ലക്ഷം രൂപയാണ് വില.

പുതിയ തലമുറ ഇന്നോവയുടെ GX പെട്രോള്‍ CVT യുടെ വില ഏഴ് സീറ്റുള്ള കോണ്‍ഫിഗറേഷന് 19.15 ലക്ഷം രൂപയും എട്ട് സീറ്റുകളുള്ള ലേഔട്ടിന് 19.20 ലക്ഷം രൂപയുമാണ് എക്‌സ്‌ഷോറൂം വിലയായി നല്‍കിയിരിക്കുന്നത്. ഇന്നോവ ക്രിസ്റ്റയുടെ അതത് GX AT ട്രിമ്മുമായി താരതമ്യം ചെയ്യുമ്പോള്‍ ഓരോ സീറ്റിംഗ് ലേഔട്ടിനും 2,000 ചെലവ് കൂടുതലാണ്. അതിനാല്‍, സാധാരണ 2.0-ലിറ്റര്‍ നാല് സിലിണ്ടര്‍ നാച്ചുറലി ആസ്പിരേറ്റഡ് പെട്രോള്‍ എഞ്ചിന്‍ സജ്ജീകരിച്ച വകഭേദങ്ങള്‍ ഇന്നോവ ക്രിസ്റ്റയ്ക്കെതിരെ കൂടുതല്‍ സവിശേഷതകള്‍, മികച്ച എക്സ്റ്റീരിയറും ഇന്റീരിയറും, അതിലും പ്രധാനമായി, ഗ്യാസോലിന്‍ എഞ്ചിനും കൂടുതല്‍ ശക്തമാണ്.

ഇന്നോവ ക്രിസ്റ്റയിലെ 2.7 ലിറ്റര്‍ ഫോര്‍-പോട്ട് പെട്രോള്‍ എഞ്ചിന്‍ 164 bhp കരുത്തും 245 Nm ടോര്‍ക്കും നല്‍കുന്നു, കൂടാതെ അഞ്ച് സ്പീഡ് മാനുവല്‍ ട്രാന്‍സ്മിഷന്‍ അല്ലെങ്കില്‍ ആറ് സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക്കുമായിട്ടാണ് എഞ്ചിന്‍ ജോടിയാക്കിയിരിക്കുന്നത്. ഇന്നോവ ഹൈക്രോസിന്റെ സാധാരണ നാച്ചുറലി ആസ്പിരേറ്റഡ് പെട്രോള്‍ യൂണിറ്റ് പരമാവധി 172 bhp കരുത്തും 205 Nm torque ഉം ഉത്പാദിപ്പിക്കാന്‍ പര്യാപ്തമാണ്. ശക്തി കുറവാണെങ്കിലും, ടോര്‍ക്ക് ഡിപ്പാര്‍ട്ട്മെന്റില്‍ 40 Nm നേട്ടം ക്രിസ്റ്റ നിലനിര്‍ത്തുന്നുവെന്ന് വേണം പറയാന്‍.

കൂടുതല്‍ ഫീച്ചറുകളോടെ ടൊയോട്ട ഇന്നോവ ക്രിസ്റ്റയുടെ VX, ZX ഓട്ടോമാറ്റിക് വേരിയന്റുകളുടെ വില യഥാക്രമം 20.95 ലക്ഷം, 23.83 ലക്ഷം രൂപയാണ് (എക്‌സ്‌ഷോറൂം). എന്നാല്‍, ജാപ്പനീസ് നിര്‍മ്മാതാവ് സാധാരണ പെട്രോള്‍ എഞ്ചിന്റെ നാല് വകഭേദങ്ങള്‍ മാത്രമേ വില്‍ക്കുന്നുള്ളൂ, കാരണം മറ്റ് നാല് വേരിയന്റുകളിലും 184 bhp കരുത്തും 188 Nm ഉം ഉത്പാദിപ്പിക്കുന്ന സ്‌ട്രോംഗ് ഹൈബ്രിഡ് പെട്രോള്‍ എഞ്ചിന്‍ സജ്ജീകരിച്ചിരിക്കുന്നു. സാധ്യമായ CNG വേരിയന്റോടെ ഇന്നോവ ക്രിസ്റ്റയുടെ അപ്ഡേറ്റ് പതിപ്പ് ടൊയോട്ട അവതരിപ്പിക്കുമെന്ന് റിപ്പോര്‍ട്ടുകള്‍ സൂചിപ്പിക്കുന്നു.

ഡീസല്‍ എഞ്ചിന്‍ 2023-ല്‍ വീണ്ടും വില്‍പ്പനയ്ക്കെത്തുമെന്ന് ബ്രാന്‍ഡ് ഇതിനോടകം തന്നെ സ്ഥിരീകരിച്ചിട്ടുണ്ട്. പെട്രോള്‍ വേരിയന്റുകള്‍ ആഗ്രഹിക്കുന്നവര്‍ക്ക് ഇന്നോവ ഹൈക്രോസ് ആകര്‍ഷകമായ ഡീല്‍ നല്‍കുന്നു. കൂടുതല്‍ ഷെല്ലുകള്‍ നീക്കിയാല്‍ അവര്‍ക്ക് കൂടുതല്‍ ഇന്ധനക്ഷമതയുള്ള സ്‌ട്രോംഗ് ഹൈബ്രിഡ് എഞ്ചിന്‍ ലഭിക്കും. ഇതില്‍ VX 7 സീറ്റര്‍ ഹൈബ്രിഡ് വേരിയന്റിന് 24.01 ലക്ഷം രൂപയും ZX (O) ഹൈബ്രിഡ് വേരിയന്റിന് 28.97 ലക്ഷം രൂപയുമാണ് എക്‌സ്‌ഷോറൂം വിലയായി നല്‍കേണ്ടത്.

പുതിയ ഇന്നോവ ഹൈക്രോസ് TNGA പ്ലാറ്റ്ഫോമിനെ അടിസ്ഥാനമാക്കിയുള്ളതാണ്, ഇതിന് 4,755 mm നീളവും 1,850 mm വീതിയും 1,795 mm ഉയരവുമുണ്ട്. പുതിയ ടൊയോട്ട ഇന്നോവ ഹൈക്രോസിന്റെ വീല്‍ബേസ് 2,850 mm നീളവും ഗ്രൗണ്ട് ക്ലിയറന്‍സ് 185 mm ആണ്. പുതിയ ടൊയോട്ട ഇന്നോവ ഹൈക്രോസ്, കൂടുതല്‍ മസ്‌കുലര്‍ എസ്‌യുവി-പ്രചോദിത രൂപകല്‍പ്പനയ്ക്കായി അതിന്റെ മുന്‍ഗാമികളുടെ എംപിവി രൂപങ്ങള്‍ ഒഴിവാക്കുന്നു. വലിയ ടൊയോട്ട ബാഡ്ജും വലിയ ഗ്രില്ലും, ക്രോം ആക്‌സെന്റുകളും വാഹനത്തിന്റെ ഭംഗി വര്‍ദ്ധിപ്പിക്കുന്നു.

പുതിയ 10-സ്‌പോക്ക് അലോയ് വീലുകളുമാണ് ഹൈക്രോസിന്റെ വശങ്ങളില്‍ ആധിപത്യം പുലര്‍ത്തുന്നത്. ഇന്നോവ ഹൈക്രോസിന്റെ പിന്‍ഭാഗം സ്പോര്‍ട്സ് റാപ്പറൗണ്ട് ടെയില്‍ലൈറ്റുകളും മേല്‍ക്കൂരയില്‍ ഘടിപ്പിച്ച ഒരു സംയോജിത സ്പോയിലറും വാഗ്ദാനം ചെയ്യുന്നു. ഡ്യുവല്‍-ടോണ്‍ തീം ഇന്റീരിയറിനെ മനോഹരമാക്കുന്നു. മള്‍ട്ടി-ലെയര്‍ ഡാഷില്‍ ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ എന്നിവയ്ക്കുള്ള പിന്തുണയുള്ള വലിയ 10.1 ഇഞ്ച് ഫ്‌ലോട്ടിംഗ് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, സെമി-ഡിജിറ്റല്‍ ഇന്‍സ്ട്രമെന്റ് ക്ലസ്റ്ററിന് 4.2 ഇഞ്ച് ചെറിയ MID സ്‌ക്രീന്‍, ഡാഷ് മൗണ്ടഡ് ഗിയര്‍ ലിവര്‍ എന്നിവയാണ് സവിശേഷതകൾ.

വലിയ പനോരമിക് സണ്‍റൂഫ്, ആംബിയന്റ് ലൈറ്റിംഗ്, വെന്റിലേറ്റഡ് ഫ്രണ്ട് സീറ്റുകള്‍, രണ്ടാം നിര സീറ്റുകള്‍ക്കുള്ള ഓട്ടോമന്‍ ഫംഗ്ഷന്‍, 9 സ്പീക്കര്‍ ജെബിഎല്‍ ഓഡിയോ സിസ്റ്റം, മള്‍ട്ടി-സോണ്‍ ക്ലൈമറ്റ് കണ്‍ട്രോള്‍ എന്നിവയാണ് പുതിയ ഇന്നോവ ഹൈക്രോസിലെ മറ്റ് സവിശേഷതകള്‍. 6 എയര്‍ബാഗുകള്‍, എബിഎസ് വിത്ത് ഇബിഡി, ട്രാക്ഷന്‍ കണ്‍ട്രോള്‍, ഇഎസ്പി എന്നിവയുള്‍പ്പെടെ നിരവധി സുരക്ഷാ സാങ്കേതിക വിദ്യകളും ലേന്‍ ഡിപ്പാര്‍ച്ചര്‍ വാണിംഗ്, ബ്ലൈന്‍ഡ് സ്‌പോട്ട് മോണിറ്റര്‍, അഡാപ്റ്റീവ് ക്രൂയിസ് കണ്‍ട്രോള്‍ എന്നിവയുള്‍പ്പെടെയുള്ള ADAS സംവിധാനങ്ങളും ഹൈലൈറ്റുകളാണ്.