Toyota Innova Hycross Vs XUV700, Safari, Hector Plus; എഞ്ചിന്‍, ഫീച്ചര്‍, സവിശേഷതകള്‍

ഇന്നോവ ഹൈക്രോസിനെ ക്രിസ്റ്റയുമായി താരതമ്യം ചെയ്തപ്പോള്‍, അവയുടെ നിര്‍മ്മാണം, എഞ്ചിനുകള്‍, ഫീച്ചര്‍ സെറ്റ് എന്നിവയുടെ കാര്യത്തില്‍ രാത്രിയും പകലും വ്യത്യാസമുണ്ടായിരുന്നു. എല്ലാത്തിനുമുപരി, ആധുനിക ഫീച്ചറുകളുമായിട്ടാണ് ഇന്നോവ ഹൈക്രോസ് എത്തുന്നത്. TNGA മോണോകോക്ക് പ്ലാറ്റ്ഫോമിനെ അടിസ്ഥാനമാക്കി ഒരു FWD ലേഔട്ടാണ് വാഹനത്തിന് ലഭിക്കുന്നത്.

മഹീന്ദ്ര XUV700, ടാറ്റ സഫാരി, എംജി ഹെക്ടര്‍ പ്ലസ് തുടങ്ങിയ ആധുനിക മോണോകോക്ക് 7-സീറ്റര്‍ എസ്‌യുവികള്‍ക്ക് എതിരെയാകും പ്രധാനമായും പുതിയ ഹൈക്രോസ് മത്സരിക്കുന്നത്. ഇന്നോവ ഹൈക്രോസ് ഒരു എംപിവി ആണെങ്കിലും, അതിന്റെ വില മുകളില്‍ പറഞ്ഞ എസ്‌യുവികളുമായി പൊരുത്തപ്പെടാന്‍ സാധ്യതയുണ്ട്. പറഞ്ഞുവരുന്നത്, ഈ എസ്‌യുവികള്‍ക്കെതിരെ ഇന്നോവ ഹൈക്രോസ് എങ്ങനെയാണ് മത്സരിക്കുക എന്നത് കണ്ടറിയണം. ഈ മോഡലുകളുമായിട്ടുള്ള ഒരു താരതമ്യമാണ് ഇവിടെ നല്‍കുന്നത്.

ഇന്നോവ ഹൈക്രോസ് Vs എതിരാളികള്‍

ഡിസൈന്റെ കാര്യത്തില്‍, ഹൈക്രോസിന്റെ എംപിവി പ്രൊഫൈല്‍ മറയ്ക്കുന്നതില്‍ ടൊയോട്ട മികച്ച ഡിസൈന്‍ നല്‍കിയിരിക്കുന്നുവെന്ന് വേണം പറയാന്‍. ടൊയോട്ടയുടെ ആഗോള എസ്‌യുവി ഡിസൈന്‍ ഭാഷയുമായി ചെറുതായി പ്രതിധ്വനിക്കുന്ന ഫ്രണ്ട് തികച്ചും ആക്രമണാത്മകമായി നിര്‍വ്വഹിച്ചിരിക്കുന്നു. അതായത്, സഫാരിയാണ് ഏറ്റവും കൂടുതല്‍ എസ്‌യുവിയായി വരുന്നത്, അത് വളരെ ഗംഭീരമായി കാണപ്പെടുകയും. അളവുകള്‍ അനുസരിച്ച്, ഇന്നോവ ഹൈക്രോസ് അതിന്റെ 4,755 mm നീളം കാരണം ഈ കൂട്ടത്തിലെ ഏറ്റവും നീളം കൂടിയ മോഡലാണ്.

ഹെക്ടര്‍ പ്ലസ് 4,720 mm, XUV700 4,696 mm നീളവും സഫാരി 4,661 mm നീളവുമാണ്. സഫാരി 1,894 mm, XUV700 1,890 mm, ഹൈക്രോസ് 1,845 mm ഹെക്ടര്‍ പ്ലസ് 1,835 mm ആണ്. ഒരു എംപിവി ആണെങ്കിലും, ഹൈക്രോസ് 1,795 mm ആണ്. എന്നിരുന്നാലും, ഈ ഉയരം VX ട്രിമ്മിന് മാത്രമുള്ളതാണ്, G, GX ട്രിമ്മുകള്‍ക്ക് 1,785 mm ഉയരവും ZX, ZX (O) ട്രിമുകള്‍ക്ക് 1,790 mm ഉയരവുമാണ്. 1,786 mm ഉള്ള സഫാരിയാണ് ഉയരത്തില്‍ രണ്ടാമതുള്ളത്. 2,850 mm എന്ന ഏറ്റവും നീളമേറിയ വീല്‍ബേസ് ഹൈക്രോസിന് ഉണ്ട്. തുടര്‍ന്ന് XUV700, ഹെക്ടര്‍ പ്ലസ് 2,750 mm, സഫാരി 2,741 mm എന്നിങ്ങനെയാണ് ഇടംപിടിക്കുന്നത്.

എഞ്ചിന്‍ & ഫീച്ചറുകള്‍

പെട്രോള്‍ എഞ്ചിന്‍ ഇല്ലാത്ത ഒരേയൊരു മോഡല്‍ സഫാരിയാണ്, ഹൈക്രോസിന് ഡീസല്‍ എഞ്ചിനും നഷ്ടപ്പെടുന്നു. XUV700, ഹെക്ടര്‍ പ്ലസ് എന്നിവ രണ്ട് പവര്‍ട്രെയിനുകളും വാഗ്ദാനം ചെയ്യുന്നു. ഉയര്‍ന്ന സ്പെക്ക് മോഡലുകളില്‍ സ്‌ട്രോംഗ് ഹൈബ്രിഡ് പവര്‍ട്രെയിനുമായി വരുന്നത് ഹൈക്രോസ് മാത്രമാണ്. ഹൈക്രോസില്‍ തുടങ്ങിയാല്‍, 2.0 ലിറ്റര്‍ TNGA പെട്രോള്‍ മോട്ടോര്‍ ലഭിക്കുന്നു, ഇത് 171.6 bhp കരുത്തും 205 Nm ടോര്‍ക്കും സൃഷ്ടിക്കുന്നത്. CVT ഗിയര്‍ബോക്സുമായിട്ടാണ് എഞ്ചിന്‍ ബന്ധിപ്പിച്ചിരിക്കുന്നത്.

ടൊയോട്ടയുടെ അഞ്ചാം തലമുറ സ്‌ട്രോംഗ് ഹൈബ്രിഡ് എഞ്ചിനില്‍ നിന്ന് 183.8 bhp കരുത്തും 188 Nm ടോര്‍ക്കും പുറപ്പെടുവിക്കുന്നു, ഇലക്ട്രിക് മോട്ടോറില്‍ നിന്ന് 206 Nm ടോര്‍ക്കും, സീക്വന്‍ഷ്യല്‍ ഷിഫ്റ്റ് ഗിയര്‍ബോക്സുമായി ഇ-ഡ്രൈവുമായി ജോടിയാക്കുന്നു. XUV700-ന് 197 bhp കരുത്തും 380 Nm ഉല്‍പ്പാദിപ്പിക്കുന്ന 2.0 ലിറ്റര്‍ TGDi പെട്രോള്‍ എഞ്ചിന്‍, 182 bhp കരുത്തും 420 Nm വരെ ഉത്പാദിപ്പിക്കുന്ന 2.2 ലിറ്റര്‍ CRDi ഡീസല്‍ എഞ്ചിന്‍ എന്നിവയും പെട്രോള്‍, ഡീസല്‍ എഞ്ചിനുകളില്‍ മാനുവല്‍, ഓട്ടോമാറ്റിക് ഓപ്ഷനുകളും ലഭിക്കുന്നു.

ഓട്ടോമാറ്റിക്, മാനുവല്‍ ട്രാന്‍സ്മിഷനുകള്‍ക്കൊപ്പം 168 bhp കരുത്തും 350 Nm ടോര്‍ക്കും നല്‍കുന്ന 2.0 ലിറ്റര്‍ ഡീസല്‍ എഞ്ചിനാണ് സഫാരിക്ക് ലഭിക്കുന്നത്. 141 bhp കരുത്തും 250 Nm ഉം ഉത്പാദിപ്പിക്കുന്ന 1.5 ലിറ്റര്‍ ടര്‍ബോ പെട്രോള്‍ എഞ്ചിനും 168 bhp കരുത്തും 350 Nm torque ഉം ഉത്പാദിപ്പിക്കുന്ന 2.0 ലിറ്റര്‍ ഡീസല്‍ എഞ്ചിനും (സഫാരി പോലെ തന്നെ) ഹെക്ടര്‍ പ്ലസിന് ലഭിക്കുന്നു. പെട്രോള്‍ എഞ്ചിന് മാനുവല്‍, ഓട്ടോമാറ്റിക് ഓപ്ഷനുകള്‍ ലഭിക്കുമെങ്കിലും ഡീസല്‍ വേരിയന്റുകള്‍ക്ക് മാനുവല്‍ മാത്രമേ ലഭിക്കൂ.

ഫീച്ചറുകള്‍ അനുസരിച്ച്, XUV700 മാത്രമാണ് ഇരട്ട 10.5'' ഡിസ്പ്ലേകള്‍ വാഗ്ദാനം ചെയ്യുന്നത്. വരാനിരിക്കുന്ന ഹെക്ടര്‍ 14 ഇഞ്ച് പോര്‍ട്രെയ്റ്റ് ടച്ച്സ്‌ക്രീന്‍ അവതരിപ്പിക്കും. XUV700, ഹൈക്രോസ് എന്നിവ ADAS സംവിധാനങ്ങള്‍ വാഗ്ദാനം ചെയ്യുന്നു, സഫാരിയും ഹെക്ടറിനും ഇത് ഉടന്‍ ലഭിക്കാന്‍ സാധ്യതയുണ്ട്. ഹൈക്രോസിന് ഏറ്റവും കൂടുതല്‍ ഇന്റീരിയര്‍ സ്പെയ്സും രണ്ടാം നിര സീറ്റുകള്‍ക്ക് പവര്‍ഡ് ഓട്ടോമാനും ലഭിക്കുന്നു.

വില

എല്ലാ വാഹനങ്ങളിലും പനോരമിക് സണ്‍റൂഫ് ഉണ്ട്. അതേസമയം XUV700-ന് ഫ്രണ്ട് വെന്റിലേറ്റഡ് സീറ്റുകള്‍ നഷ്ടമാകുന്നു. ബാക്കിയുള്ളവ ഫ്രണ്ട് വെന്റിലേറ്റഡ് സീറ്റുകള്‍ വാഗ്ദാനം ചെയ്യുന്നു. സഫാരി ഒരു പടി കൂടി മുന്നോട്ട് പോയി ഗോള്‍ഡ് എഡിഷന്‍ വേരിയന്റുകളിലും പിന്‍ സീറ്റുകള്‍ക്ക് വെന്റിലേഷന്‍ വാഗ്ദാനം ചെയ്യുന്നു. യഥാര്‍ത്ഥ ലെതര്‍ സീറ്റുകളും വാഗ്ദാനം ചെയ്യുന്നത് സഫാരി ഗോള്‍ഡ് എഡിഷനാണ്. XUV700 മാത്രം AWD ഓപ്ഷന്‍ വാഗ്ദാനം ചെയ്യുന്നു, ബാക്കിയുള്ളവ അങ്ങനെ ചെയ്യുന്നില്ല.

ഇന്നോവ ഹൈക്രോസിന്റെ വില ഇതുവരെ പുറത്തുവന്നിട്ടില്ലാത്തതിനാല്‍, അതിന്റെ മൂല്യനിര്‍ണ്ണയത്തെക്കുറിച്ച് ഞങ്ങള്‍ക്ക് അഭിപ്രായമിടാനാകില്ല. എന്നാല്‍ XUV700-ന്റെ വില 13.45 മുതല്‍ 24.95 ലക്ഷം വരെയാണ് എക്‌സ്‌ഷോറൂം വില. ഹെക്ടര്‍ പ്ലസിന്റെ വില 14.93 ലക്ഷം മുതല്‍ 21.19 ലക്ഷം വരെ, സഫാരിയുടെ വില 15.45 മുതല്‍ 23.76 ലക്ഷം വരെയാണ് എക്‌സ്‌ഷോറൂം വില. ഇന്നോവ ഹൈക്രോസ് ഹൈബ്രിഡിന്റെ വില 25 ലക്ഷം മുതല്‍ 30 ലക്ഷം വരെയായിരിക്കുമെന്നാണ് പ്രതീക്ഷിക്കുന്നത്.