കസ്റ്റമൈസേഷനിൽ ഇന്നോവ തന്നെ എന്നും രാജാവ്! നിങ്ങൾക്ക് വേണ്ടേ ഒരു അടിപൊളി റീസ്റ്റോറേഷൻ

റീസ്റ്റോറേഷൻ വീഡിയോകൾ നോക്കിയാൽ ഏറ്റവും കൂടുതൽ കസ്റ്റമൈസേഷൻ ചെയ്യുന്നതും റീസ്റ്റോർ ചെയ്യുന്നതും ഇന്നോവ ആയിരിക്കും. 2005 -ൽ വിപണിയിൽ എത്തിച്ചത് മുതൽ തലമുറകൾ മാറി ഇപ്പോൾ ഹൈക്രോസിൽ എത്തി നിൽക്കുമ്പോൾ വിൽപ്പനയുടെ കാര്യത്തിൽ അന്നും ഇന്നും ഇനി എന്നും മുന്നിൽ തന്നെയായിരിക്കുമെന്നാണ് പറയുന്നത്. എത്രയൊക്കെ എതിരാളികൾ വന്നിട്ടും ഇന്നോവയുടെ തട്ട് താണ് തന്നെയാണ് ഇരിക്കുന്നത്. പഴയ ഇന്നോവകൾ വൃത്തിയായി കൊണ്ടു നടക്കുന്ന പലരുമുണ്ട്. എന്നാൽ വാഹനത്തിൻ്റെ പഴക്കം മൂലം നിറം മങ്ങാനും തുരുമ്പ് പിടിക്കാനും സാധ്യതയുണ്ട്. എന്നാൽ ഒരു മികച്ച് റീസ്റ്റോറേഷനിലൂടെ പഴയതിലും ഭംഗിയായി വാഹനം സൂക്ഷിക്കാൻ സാധിക്കും. അതിന് ഒരു മികച്ച ഉദാഹരണ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.

റീസ്റ്റോറേഷൻ രംഗത്ത് മികച്ച പ്രവർത്തനം കാഴ്ച്ച വയ്ക്കുന്നവരാണ് ഓട്ടോറൗണ്ടേഴ്‌സ് എന്ന ടീം. കാറിൻ്റെ മുൻപുളള രൂപത്തിലാണ് വീഡിയോ ആരംഭിക്കുന്നത്. പ്രതീക്ഷിച്ചതുപോലെ, കാറിൻ്റെ നിറവും അവസ്ഥയും എല്ലാം വളരെ ദുർബലമായിരുന്നു. കാറിൻ്റെ എക്സ്റ്റീരിയറിൽ ഒന്നിലധികം പോറലുകളും പാടുകളും കാണാം. ഇന്നോവ വളരെ സൗകര്യപ്രദവും പ്രായോഗികവുമായ കാറാണെന്നും ആരെങ്കിലും ഇന്നോവ സ്വന്തമാക്കിയാൽ അത് വിൽക്കുന്നതിന് പകരം റീസ്റ്റോർ ചെയ്യണമെന്നും അവതാരകൻ പറയുന്നുണ്ട്.

ഈ ഇന്നോവയുടെ ഇൻ്റീരിയർ വളരെ ഭംഗിയായി മാറ്റിയെടുത്തിട്ടുണ്ട്. കാറിൻ്റെ മെക്കാനിക്കൽ അവസ്ഥയെക്കുറിച്ച് നോക്കിയാൽ, ഈ കാറിൻ്റെ എഞ്ചിൻ നന്നായി പ്രവർത്തിക്കുന്നുവെന്നും ഇതിന് അറ്റക്കുറ്റപണികളുടെ ആവശ്യമില്ലെന്നും പറയുന്നു. ഇന്നോവയിൽ വരുത്തിയിരിക്കുന്ന മാറ്റങ്ങൾ നോക്കിയാൽ പുത്തൻലൈറ്റിംഗ് സജ്ജീകരണവും ഇൻ്റീരിയർ കസ്റ്റമൈസേഷനും പോലുള്ള ചില അടിസ്ഥാന പരിഷ്കാരങ്ങൾക്കൊപ്പം ഈ കാർ റീസ്റ്റോർ ചെയ്യുകയും പെയിൻ്റ് പണികളും നടത്തി വാഹനം ഷോറൂം കണ്ടീഷനാക്കിയിട്ടുണ്ട്.

ബമ്പർ, ഗ്രിൽ തുടങ്ങിയ കാറിൻ്റെ പ്രധാന ഭാഗങ്ങൾ നീക്കം ചെയ്തിട്ടുണ്ട്. അതിനുശേഷം കാറിൻ്റെ ബോഡി പെയിൻ്റ് ജോലിക്കായി തയ്യാറാക്കുന്നു. ഓട്ടോറൗണ്ടർമാരുടെ ജോലിയുടെ ഗുണനിലവാരം വീഡിയോയിൽ പ്രത്യേകം എടുത്തുകാണിക്കുന്നു. ഒരു പെയിൻ്റ് ബൂത്തിനകത്താണ് കാർ പെയിൻ്റ് ചെയ്തിരിക്കുന്നത്. ഈ ഇന്നോവയിൽ വരുത്തിയ മാറ്റങ്ങളിൽ പ്രൊജക്ടർ ഹെഡ്‌ലൈറ്റുകൾ, എൽഇഡി ടെയിൽലൈറ്റുകൾ, പ്രൊജക്ടർ ഫോഗ് ലാമ്പുകൾ എന്നിവയെല്ലാം ഉൾപ്പെടുന്നു. എംപിവിക്ക് സ്‌പോർട്ടി വൈബ് നൽകുന്നതിന്, ഗ്രില്ലും അലോയ് വീലുകളും ഗ്ലോസ് ബ്ലാക്ക് നിറത്തിലാണ് പെയിൻ്റ് ചെയ്തിരിക്കുന്നത്.

ടെയിൽഗേറ്റിലെ ക്രോം ഇൻസെർട്ടും ഗ്ലോസ് ബ്ലാക്ക് നിറത്തിലാണ് വരച്ചിരിക്കുന്നത്. കൂടാതെ, ഡ്യുവൽ എക്‌സ്‌ഹോസ്റ്റ് ഡിസൈൻ ഫീച്ചർ ചെയ്യുന്ന ഒരു പിൻ ഡിഫ്യൂസർ ചേർത്തിരിക്കുന്നു. എക്സ്റ്റീരിയറിലേക്ക് വന്നാൽ സ്‌കഫ് പ്ലേറ്റുകൾ, കാർബൺ ഫൈബർ ഫിനിഷ് സ്റ്റിയറിംഗ് വീൽ, ആൻഡ്രോയിഡ് ടച്ച്‌സ്‌ക്രീൻ, ആംബിയൻ്റ് ലൈറ്റുകൾ, പ്രീമിയം സീറ്റ് കവറുകൾ എന്നിവ ചേർത്തിട്ടുണ്ട്. ബീജ്, ഗ്രേ എന്നിവയിൽ നിന്ന് ഇരുണ്ട ചാര, ഐസ് ഗ്രേ എന്നിങ്ങനെയാണ് തീം മാറ്റിയിരിക്കുന്നത്.

സെക്കൻഡ് ഹാൻഡ് വിപണിയിലും ഇന്നോവയ്ക്കുള്ള പവറ് ഒന്ന് വേറെ തന്നെയാണ്. ഇന്ന് മൂന്നാംതമലുറ ആവർത്തനത്തിൽ ഹൈക്രോസായി മാറിയെങ്കിലും ടൊയോട്ടയുടെ ഡീസൽ എഞ്ചിനോടുള്ള ഇന്ത്യക്കാരുടെ പ്രണയം വിട്ടുമാറില്ല. ഹൈക്രോസ് പെട്രോൾ എഞ്ചിൻ മാത്രമുള്ള കാറായി മാറിയെങ്കിലും ഡീസൽ വേണ്ടവർക്ക് കമ്പനി ഇന്നോവ ക്രിസ്റ്റയെ ഇന്നും വിപണിയിൽ നിർത്തിയിട്ടുണ്ട്. വില 20 ലക്ഷത്തിന് മുകളിലാണെങ്കിലും ആളുകൾ വാങ്ങാനുണ്ടെന്നതാണ് സത്യം.

റിയർ ക്യാമറ, എസ്ആർഎസ് എയർബാഗുകൾ, ഹിൽ-സ്റ്റാർട്ട് അസിസ്റ്റ് കൺട്രോൾ സഹിതമുള്ള വെഹിക്കിൾ സ്റ്റെബിലിറ്റി കൺട്രോൾ, ആൻ്റി-ലോക്ക് ബ്രേക്കിംഗ് സിസ്റ്റം (ABS), ഹൈ-സ്ട്രെങ്ത് ഗ്ലോബൽ ഔട്ട്‌സ്റ്റാൻഡിംഗ് അസസ്‌മെന്റ് (GOA) ബോഡി ഘടന എന്നിവയെല്ലാം എംപിവിക്ക് ലഭിക്കുന്നുണ്ട്. ഇന്നോവ ക്രിസ്റ്റയുടെ ഇപ്പോഴത്തെ എക്സ്ഷോറൂം വില 19.99 ലക്ഷം രൂപ മുതൽ 26.30 ലക്ഷം രൂപ വരെയാണ് വരുന്നത്. ടൊയോട്ട ഇന്നോവ ഹൈക്രോസിന് താഴെയായാണ് ഇത് സ്ഥാനംപിടിച്ചിരിക്കുന്നത്.

ഇന്നോവ ക്രിസ്റ്റയ്ക്ക് പുറമേ ടൊയോട്ട ഇന്നോവ ഹൈക്രോസ് ലൈനപ്പിലേക്ക് GX(O) ട്രിം ലെവലും അടുത്തിടെ അവതരിപ്പിച്ചിരുന്നു. ഇതിന്റെ 8 സീറ്റർ വേരിയന്റിന് 20.99 ലക്ഷം രൂപയും ഏഴ് സീറ്ററിന് 21.13 ലക്ഷം രൂപയുമാണ് വില വരുന്നത്. വലിയ 10.1 ഇഞ്ച് ഇൻഫോടെയ്ൻമെൻ്റ് സിസ്റ്റം, വയർലെസ് ആപ്പിൾ കാർപ്ലേ, ഓട്ടോമാറ്റിക് ക്ലൈമറ്റ് കൺട്രോൾ, ഫ്രണ്ട് പാർക്കിംഗ് സെൻസറുകൾ, 360-ഡിഗ്രി സറൗണ്ട് ക്യാമറ എന്നിവയുൾപ്പെടെ നിരവധി ഫീച്ചറുകളാണ് ഇതിൽ ഒരുക്കിയിരിക്കുന്നത്.