നാട്ടിൽ മഹീന്ദ്രയുളളപ്പോൾ എന്തിന് ടെസ്‌ല വാങ്ങണം; പ്രശസ്ത ടിവി അവതാരകൻ സ്വന്തമാക്കിയ ഇവി കണ്ടോ

രാജ്യത്ത് ഇവികളോടുളള താൽപ്പര്യം കൂടി വരികയാണ്, എന്നാൽ ഒരു ഇവി വാങ്ങാൻ ആലോചിക്കുമ്പോൾ ഏത് മോഡൽ വാങ്ങും എന്ന് എല്ലാവരേയും കുഴക്കുന്ന കാര്യം തന്നെയാണ്. ഇന്ത്യൻ മണ്ണിൽ തങ്ങളുടെ ബിസിനസ് ചുവടുറപ്പിക്കാൻ നിരവധി വിദേശ ബ്രാൻഡുകൾ രാജ്യത്ത് എത്തിയിട്ടുണ്ട്. ഏറ്റവും പുതിയതായി എത്തിയത് വിയറ്റ്നാ ബ്രാൻഡായ വിൻഫാസ്റ്റാണ്. അതിന് മുൻപ് ഇവി ഭീമനായ ടെസ്‌ല എത്തി. എന്നാൽ ഇന്ത്യൻ ബ്രാൻഡുകളെ വെല്ലാൻ ഇവർക്കൊന്നും സാധിക്കുന്നില്ല എന്നതാണ് സത്യാവസ്ഥ. ജനങ്ങളുടെ മനസിൽ ഇന്ത്യൻ ബ്രാൻഡ് കഴിഞ്ഞിട്ടേയുളളു മറ്റ് ബ്രാൻഡുകൾക്ക് സ്ഥാനം എന്നത് മനസിലാക്കാൻ സാധിക്കുന്നുണ്ട്.

അതിൻ്റെ ഏറ്റവും വലിയ ഉദാഹരണമാണ് പ്രശസ്ത ടിവി അവതാരകനായ ശുഭങ്കർ മിശ്ര ടെസ്‌ലയെ തഴഞ്ഞ് മഹീന്ദ്രയുടെ കിടിലൻ ഇവിയായ XEV 9E സ്വന്തമാക്കിയത്. അദ്ദേഹം തൻ്റെ സോഷ്യൽ മീഡിയ പേജിൽ പങ്കിട്ട ചിത്രത്തിൻ്റെ അടിക്കുറിപ്പായി പറഞ്ഞതാണ് വൈറലായിരിക്കുന്നത്. വിദേശ ബ്രാൻഡുകളിൽ ലഭിക്കുന്ന ഫീച്ചറുകളും കംഫർട്ടും ഇന്ത്യൻ ബ്രാൻഡുകളിൽ ലഭിക്കുമ്പോൾ എന്തിന് വിദേശ ബ്രാൻഡുകളിലേക്ക് പോകേണ്ട കാര്യം എന്നാണ് അദ്ദേഹം ചോദിക്കുന്നത്.

മഹീന്ദ്രയുടെ ഫ്‌ലാഗ്ഷിപ്പ് മോഡലിന് ഏകദേശം 33 ലക്ഷം രൂപയാണ് ഓണ്‍റോഡ് വില. കാറിന്റെ എന്‍ട്രി ലെവല്‍ വേരിയന്റിന് വെറും 23.20 ലക്ഷം രൂപ മാത്രമാണ് വില. മോഡേണ്‍ ഫീച്ചറുകളും അതിശയിപ്പിക്കുന്ന ഡിസൈനുമുള്ള ഈ കാര്‍ രാജ്യത്തെ സെലിബ്രിറ്റികളെയും സമ്പന്നരെയും ഒരുപോലെ ആകര്‍ഷിച്ചിട്ടുണ്ട്. മഹീന്ദ്രയുടെ INGLO പ്ലാറ്റ്ഫോമിലാണ് ഈ വാഹനം നിര്‍മ്മിച്ചിരിക്കുന്നത്.

സിംഗിള്‍ മോട്ടോറിനൊപ്പം 59kWh ബാറ്ററി പായ്ക്കും ചേര്‍ന്നാണ് കാറിന് കരുത്ത് പകരുന്നത്. ബാറ്ററി പൂര്‍ണമായി ചാര്‍ജ് ചെയ്താല്‍ 656 കിലോമീറ്റര്‍ വരെ ദൂരം സഞ്ചരിക്കാന്‍ ഇതിന് കഴിയുമെന്നാണ് മഹീന്ദ്ര പറയുന്നത്. 228 bhp പവറും 380 Nm ടോര്‍ക്കും ഉത്പാദിപ്പിക്കാന്‍ ശേഷിയുള്ള ഈ വാഹനം 6.7 സെക്കന്‍ഡില്‍ 0-100 kmph വേഗത കൈവരിക്കുമെന്ന് നിര്‍മാതാക്കള്‍ അവകാശപ്പെടുന്നു.

മറുവശത്ത് വലിയ 79 kWh വേരിയന്റ് 282 Bhp കരുത്തിൽ 380 Nm ടോർക്ക് വരെ നിർമിക്കാൻ പാകമാണ്. ഈ മോഡലുകൾ പൂർണ ചാർജിൽ 656 കിലോമീറ്റർ റേഞ്ച് വരെ സമ്മാനിക്കും. നിലവിൽ ഇന്ത്യയിൽ വിൽപ്പനയ്‌ക്കുള്ള മഹീന്ദ്രയുടെ ഏറ്റവും ചെലവേറിയ ഇലക്ട്രിക് എസ്‌യുവിയാണിത് എന്നതാണ് എടുത്തു പറയേണ്ട വാഹനത്തിന്റെ പ്രത്യേകത.

മറ്റൊരു പ്രധാന കാര്യം എന്നത് വാഹനത്തിൻ്റെ ഇൻ്റീരിയറാണ്. അൽപ്പം പരിചിതമെന്ന് തോന്നിക്കുംവിധമാണ് എന്നാൽ പുതിയ EV-യുടെ ഡാഷ്‌ബോർഡിലുടനീളം വ്യാപിച്ചുകിടക്കുന്ന ട്രിപ്പിൾ സ്‌ക്രീൻ സജ്ജീകരണത്തിൻ്റെ ആധിപത്യമുള്ളതുമായ ഒരു ക്യാബിൻ ആണ് നിങ്ങളെ സ്വാഗതം ചെയ്യുന്നത്. ഈ മൂന്ന് 12.3 ഇഞ്ച് സ്‌ക്രീനുകൾ (യാത്രക്കാർക്കും ഇൻഫോടെയ്ൻമെൻ്റ് യൂണിറ്റുകൾക്കുമുള്ള ടച്ച്‌സ്‌ക്രീനുകൾ) തിരഞ്ഞെടുത്ത ഡ്രൈവിംഗ് മോഡിനായി വ്യത്യസ്ത നിറങ്ങളോടെയാണ് വരുന്നത് - റേഞ്ച്,എവരിഡേ,റേസ്.

ക്ലൈമറ്റ് കൺട്രോൾ സംവിധാനം, ഓഡിയോ, ഡ്രൈവ് മോഡുകൾ തുടങ്ങിയ ഫംഗ്‌ഷനുകൾക്കായി മിക്കവാറും എല്ലാ കൺട്രോളറുകളും ഇൻഫോടെയ്ൻമെൻ്റ് സ്‌ക്രീനിലേക്ക് മാറ്റാൻ മഹീന്ദ്ര തിരഞ്ഞെടുത്തിട്ടുണ്ട്. സീറ്റുകളിലേക്ക് വന്നാൽ മഹീന്ദ്ര XEV 9e-യിലെ സീറ്റുകൾ വളരെ വിശാലവും ഇരിക്കാൻ സൗകര്യപ്രദവുമാണ്. പവർഡ് ഡ്രൈവിംഗ് സീറ്റ് മികച്ച ഡ്രൈവിംഗ് പൊസിഷനിൽ എത്താൻ നിങ്ങളെ അനുവദിക്കുന്നവയാണ്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.