Click it and Unblock the Notifications
ഇലക്ട്രിക് ക്യാബ് സര്വീസ് ആരംഭിച്ച് Uber; പദ്ധതിയുടെ ഭാഗമായി Tata Tigor ഇവി
രാജ്യം ഇലക്ട്രിക്കിലേക്ക് ചുവടുവെയ്ക്കുമ്പോള്, അത്തരം പ്രവര്ത്തനങ്ങള്ക്ക് ഉത്തേജനം നല്കുകയാണ് രാജ്യത്തെ പ്രധാന റൈഡ്-ഹെയ്ലിംഗ് കമ്പനിയായ യൂബര്. ഡല്ഹി മേഖലയിലെ നിരവധി പ്രദേശങ്ങളിലെ ഉപഭോക്താക്കള്ക്കായി ഇലക്ട്രിക് വാഹനം നിരത്തിലെത്തിച്ചിരിക്കുകയാണ് കമ്പനി ഇപ്പോള്.
ഡല്ഹി മേഖലയിലെ നിരവധി പ്രദേശങ്ങളിലെ ഉപഭോക്താക്കള്ക്ക് ഇലക്ട്രിക് വാഹനങ്ങള് നല്കുന്നതിന് ഒരു ട്രയല് പ്രോഗ്രാം ആരംഭിച്ചതായും അതിന്റെ ശ്രമങ്ങള് വര്ദ്ധിപ്പിക്കുമെന്നും രാജ്യത്തെ പ്രധാന ക്യാബ് അഗ്രഗേറ്ററുകളിലൊന്നായ യൂബര് ഔദ്യോഗിക പ്രസ്താവനയില് അറിയിച്ചു.
നിലവില് കമ്പനി പറയുന്നതനുസരിച്ച്, മുന്കൂട്ടി നിശ്ചയിച്ചിട്ടുള്ള യാത്രകള്ക്ക് മാത്രമേ ഇത് ലഭ്യമാകൂ. യൂബര് ആപ്പിലെ റിസര്വ് ഫീച്ചറിന് കീഴില് മുന്കൂട്ടി നിശ്ചയിച്ചിട്ടുള്ള യാത്രകളില് ഞങ്ങള് റൈഡര്മാര്ക്ക് ഒരു ഇലക്ട്രിക് വാഹനം അവതരിപ്പിച്ച് തുടങ്ങിയിരിക്കുകയാണ്.
യൂബര് ഇലക്ട്രിക് നിലവില് ഡല്ഹിയുടെ ഭാഗങ്ങളില് മാത്രമായി പരിമിതപ്പെടുത്തിയിരിക്കുന്നു. ഇന്ത്യയിലെ പ്രമുഖ മൊബിലിറ്റി ആപ്പ് എന്ന നിലയില്, ഇന്ത്യന് സര്ക്കാരിന്റെ എമിഷന് ലക്ഷ്യങ്ങളെ പിന്തുണയ്ക്കാന് തങ്ങള് പ്രതിജ്ഞാബദ്ധരാണ്. വരും മാസങ്ങളില് ഇന്ത്യന് നഗരങ്ങളില് ഉടനീളം കൂടുതല് ഇലക്ട്രിക് വാഹനങ്ങള് - അവ രണ്ടോ മൂന്നോ നാലോ ചക്രങ്ങള് ആകട്ടെ - കാണാന് സാധിക്കുമെന്നും കമ്പനി അറിയിച്ചു.
ഇന്ത്യയില് തങ്ങളുടെ പ്ലാറ്റ്ഫോമില് നിലവില് പ്രവര്ത്തിക്കുന്ന ഇവി ക്യാബുകളുടെ എണ്ണം വെളിപ്പെടുത്താന് കമ്പനി ഒരുക്കമായിട്ടില്ല. എന്നിരുന്നാലും, ഇവി ബിസിനസ്സ് സുസ്ഥിരമായ രീതിയില് ക്രമേണ കെട്ടിപ്പടുക്കുന്നതിന് നിരവധി ഫ്ലീറ്റ് പാര്ട്ണര്മാരുമായും ഒഇഎമ്മുകളുമായും ചാര്ജിംഗ് ഇന്ഫ്രാസ്ട്രക്ചര് ദാതാക്കളുമായും സഹകരിക്കുന്നുണ്ടെന്ന് കമ്പനി അറിയിച്ചു.
നിലവില്, ഇലക്ട്രിക് ടാക്സികള് ലഭ്യമാക്കുന്ന ആപ്പിന്റെ റിസര്വ് ഫീച്ചര് ഉപയോഗിച്ച് ഉപഭോക്താക്കള്ക്ക് 30 ദിവസം മുമ്പ് യാത്രയ്ക്കായി ഒരു പിക്ക്-അപ്പ് സമയം തിരഞ്ഞെടുക്കാം. കൂടാതെ, പുറപ്പെടുന്നതിന് 60 മിനിറ്റ് മുമ്പ് ഉപയോക്താക്കള്ക്ക് അവരുടെ നിശ്ചയിച്ചിരിക്കുന്ന യാത്രകള് സൗജന്യമായി റദ്ദാക്കാമെന്നും കമ്പനി പറയുന്നു.
റൈഡ്-ഹെയ്ലിംഗ് കമ്പനികള് അവരുടെ വാഹനങ്ങളുടെ ഗണ്യമായ ശതമാനം വരും വര്ഷങ്ങളില് വൈദ്യുതീകരിക്കണമെന്ന ഇന്ത്യയുടെ ആവശ്യത്തോടുള്ള പ്രതികരണമാണ് യൂബറിന്റെ ഈ നീക്കമെന്ന് പറയപ്പെടുന്നു. 2019-ലെ റോയിട്ടേഴ്സ് റിപ്പോര്ട്ട് അനുസരിച്ച്, 2022 ഓടെ യൂബറും ഓലയും തങ്ങളുടെ മോഡലുകളുടെ 5 ശതമാനവും 2026 ഏപ്രിലില് 40 ശതമാനവും പരിവര്ത്തനം ചെയ്യണമെന്ന് ഇന്ത്യന് സര്ക്കാര് നിര്ബന്ധമാക്കിയിട്ടുണ്ട്.
വിദേശ എണ്ണ ഇറക്കുമതിയെ ആശ്രയിക്കുന്നത് കുറയ്ക്കുകയും വായു മലിനീകരണം കുറയ്ക്കുകയും ചെയ്യുമെന്ന ഡല്ഹിയുടെ വാഗ്ദാനവുമായി ഈ ക്യാമ്പെയ്ന് പൊരുത്തപ്പെട്ടു. 2015-ലെ പാരീസ് കാലാവസ്ഥാ വ്യതിയാന ഉടമ്പടി പ്രകാരമുള്ള അതിന്റെ ബാധ്യതകള് നിറവേറ്റുന്നതിനായിട്ടാണെന്നും റിപ്പോര്ട്ടില് പറയുന്നു.
യൂബറില് നിന്നുള്ള മറ്റ് വാര്ത്തകളില്, അടുത്തിടെ കര്ണാടക ഗതാഗത വകുപ്പ് ഉത്തരവിട്ടത്, യൂബര്, ഓല, റാപ്പിഡോ എന്നിവയുള്പ്പെടെ എല്ലാ ടാക്സി അഗ്രഗേറ്ററുകളും സംസ്ഥാനത്തിനുള്ളില് അവരുടെ വാഹനങ്ങള് ഓടിക്കുന്നത് നിര്ത്താണമെന്ന വാര്ത്തകള് വന്നിരുന്നു. എന്നിരുന്നാലും, കര്ണാടക ഹൈക്കോടതി ഈ നിര്ദ്ദിഷ്ട നിരോധനത്തിന് സ്റ്റേ ഉത്തരവ് പുറപ്പെടുവിച്ചു.
കര്ണാടക സംസ്ഥാന സര്ക്കാര് ഏര്പ്പെടുത്തിയ നിരോധനത്തെ ചോദ്യം ചെയ്ത് യുബര് ഇന്ത്യയും ഓല കാബ്സിന്റെ മാതൃസ്ഥാപനമായ ANI ടെക്നോളജീസ് പ്രൈവറ്റ് ലിമിറ്റഡും സമര്പ്പിച്ച അപ്പീലാണ് സ്റ്റേ തീരുമാനത്തിലേക്ക് നയിച്ചതെന്ന് വൃത്തങ്ങള് അറിയിച്ചു.
അഗ്രഗേറ്റര് പ്ലാറ്റ്ഫോമുകള് ഉപയോഗിച്ച് പ്രവര്ത്തിക്കാന് ഓട്ടോ ഡ്രൈവര്മാര്ക്ക് അവകാശമുണ്ടെന്ന് അംഗീകരിക്കുന്ന കോടതി ഉത്തരവിനെ തങ്ങള് സ്വാഗതം ചെയ്യുന്നു. യൂബര് പോലുള്ള പ്ലാറ്റ്ഫോമുകള്ക്ക് ബുക്കിംഗ് ഫീസ് ഈടാക്കാമെന്നും ഇത് തിരിച്ചറിയുന്നു, ഇത് അവരുടെ ചെലവുകള് വഹിക്കാനും അവരുടെ സേവനങ്ങള് തുടര്ന്നും നല്കാനും അനുവദിക്കുന്നുവെന്ന് കമ്പനി കൂട്ടിച്ചേര്ത്തു.
മേഖലയെ നിയന്ത്രിക്കുന്നതിനുള്ള വഴികള് കണ്ടെത്താന് തങ്ങള് സര്ക്കാരുമായി ഇടപഴകുന്നത് തുടരും. റൈഡര്മാര്ക്കും ഡ്രൈവര്മാര്ക്കും പ്ലാറ്റ്ഫോമുകള്ക്കും നഗര ചലനാത്മകതയെ യഥാര്ത്ഥത്തില് മാറ്റിമറിച്ച സാങ്കേതികവിദ്യയില് നിന്ന് പ്രയോജനം നേടാന് അനുവദിക്കുന്ന ഒരു മാര്ഗമാണിതെന്നും കമ്പനി പറയുന്നു.
Continue with Google