പെൺകരുത്തുമായി ഊബർ ഓട്ടോ വുമൺ, ബംഗ്ലൂരുവിൽ ഈ സേവനം ആദ്യം

ഊബർ റൈഡ് എന്ന് കേൾക്കാത്തവരായി ആരും തന്നെ കാണില്ല. ഇപ്പോഴിതാ ബംഗ്ലൂരുവിൽ ഊബർ ഓട്ടോ വുമൺ പേരിൽ സ്ത്രീ റൈഡർമാരെ രംഗത്തിറക്കിയിരിക്കുകയാണ്. ഈ ഓൺ-ഡിമാൻഡ് ടൂ-വീലർ റൈഡ് സർവീസ് സ്ത്രീ റൈഡർമാരെ സ്ത്രീ ഡ്രൈവർമാരുമായി ബന്ധിപ്പിക്കാൻ സഹായിക്കുന്നു.
ഇന്ത്യയുടെ നഗരപ്രദേശങ്ങളിൽ അതിവേഗം വളരുന്ന ഗതാഗത ഓപ്ഷനുകളിലൊന്നായി ബൈക്ക് ടാക്സികൾ അതിവേഗം ഉയർന്നുവരുന്നുണ്ട്. ഓരോ തവണയും സുരക്ഷിതമായ യാത്ര നൽകുന്നതിനായി ഊബർ ഓട്ടോ വുമൺ കമ്പനിയുടെ നൂതന സാങ്കേതിക വിദ്യയുടെ നേതൃത്വത്തിലുള്ള സുരക്ഷാ ഫീച്ചറുകൾ പ്രയോജനപ്പെടുത്തുക എന്നതാണ് ലക്ഷ്യം.

ലൈവ് ട്രാക്കിംഗിനായി റൈഡർമാർക്ക് അവരുടെ ട്രിപ്പ് വിശദാംശങ്ങൾ അഞ്ച് വിശ്വസനീയ കോൺടാക്റ്റുകളുമായി വരെ പങ്കിടാനാകുമെന്നതാണ് പ്രത്യേകത; ഫോൺ നമ്പറുകളുടെയും ഡ്രോപ്പ്-ഓഫ് വിലാസങ്ങളുടെയും ഉപയോക്തൃ സ്വകാര്യത സംരക്ഷിക്കുന്നുണ്ട്. ഊബറിൻ്റെ സജീവമായ സുരക്ഷാ ഫീച്ചറായ RideCheck, ലോംഗ് സ്റ്റോപ്പുകൾ, മിഡ്-വേ ഡ്രോപ്പുകൾ അല്ലെങ്കിൽ റൂട്ട് വ്യതിയാനങ്ങൾ തുടങ്ങിയ ക്രമക്കേടുകൾ നിരീക്ഷിക്കുകയും ആവശ്യമുള്ളപ്പോൾ പിന്തുണ നൽകുകയും ചെയ്യുന്നവയാണ്.

വനിതാ റൈഡർമാർക്കും ഡ്രൈവർമാർക്കും Uber-ൻ്റെ 24x7 സുരക്ഷാ ഹെൽപ്പ് ലൈനിലേക്ക് ആക്‌സസ് ഉണ്ടായിരിക്കുന്നതാണ്. ബൈക്ക് ടാക്സികൾക്ക് ഇന്ത്യയിൽ 5.4 ദശലക്ഷം ഉപജീവന സാധ്യതകൾ സൃഷ്ടിക്കാൻ കഴിയുമെന്നാണ് പുതിയ റിപ്പോർട്ടുകൾ വ്യക്തമാക്കുന്നത്. ഇന്ത്യയിലെ റൈഡിങ്ങ് ജോലികളിൽ സ്ത്രീകളുടെ പങ്കാളിത്തം കുറവായി തുടരുന്നതിനാൽ, കൂടുതൽ സ്ത്രീകളെ വാഹനമോടിക്കാൻ പ്രോത്സാഹിപ്പിക്കാൻ ഊബർ മോട്ടോ വുമണിന് കഴിയുമെന്ന കാര്യത്തിൽ സംശയമില്ല.

ഫ്ലെക്സിബിൾ ജോലി സമയം, ചെറിയ ദൂര യാത്രകൾ, എളുപ്പമുള്ള നാവിഗേഷൻ എന്നിവ പ്ലാറ്റ്‌ഫോമിൽ കൂടുതൽ വനിതാ ഡ്രൈവർമാർക്ക് ഡ്രൈവ് ചെയ്യുന്നത് എളുപ്പമാക്കുന്നു. പൂർണ്ണമായ ഫ്ലെക്സിബിലിറ്റി വാഗ്ദാനം ചെയ്യുന്നതിലൂടെ, സ്ത്രീകൾക്ക് മാത്രമുള്ള റൈഡർമാരെ സ്വീകരിക്കുന്നതിനുള്ള ഓപ്‌ഷൻ ഓഫാക്കാനും അവർക്ക് ആവശ്യമുള്ളപ്പോൾ എല്ലാ റൈഡുകളും സ്വീകരിക്കാനും ഉബർ മോട്ടോ വുമൺ ഡ്രൈവർമാർക്കും തിരഞ്ഞെടുക്കാൻ സാധിക്കുന്നു.

ഊബറിൻ്റെ മറ്റ് വിശദാംശങ്ങളിലേക്ക് നോക്കിയാൽ യാത്രക്കാരുടെ സുരക്ഷയ്ക്കാണ് കമ്പനി കൂടുതൽ പ്രാധാന്യം നൽകുന്നത്. യാത്രക്കാരുടെ സുരക്ഷയ്ക്ക് വേണ്ടി പല സംവിധാനങ്ങളും കമ്പനി ആവിഷ്കാരിക്കാറുണ്ട്. കമ്പനി കഴിഞ്ഞ വർഷം കൊണ്ടുവന്ന സുരക്ഷാ ഫീച്ചറാണ് 'ഓഡിയോ സീറ്റ് ബെല്‍റ്റ് റിമൈന്‍ഡര്‍'. ഇത് പിന്‍സീറ്റില്‍ അല്ലെങ്കില്‍ രണ്ടാം നിര സീറ്റില്‍ ഇരിക്കുന്ന യാത്രക്കാരോട് ഓരോ റൈഡിന്റെ തുടക്കത്തിലും സീറ്റ് ബെല്‍റ്റ് ഇടാന്‍ ഓര്‍മിപ്പിക്കും. യാത്രക്കാര്‍ പിന്‍സീറ്റില്‍ സീറ്റ് ബെല്‍റ്റ് ധരിക്കാത്തതുമൂലമുണ്ടാകുന്ന പരിക്കുകളും അത്യാഹിതങ്ങളും കുറക്കുന്നതിനായാണ് ഇതിലൂടെ ലക്ഷ്യമിടുന്നത്.

ഒരാള്‍ ഊബര്‍ സവാരി ബുക്ക് ചെയ്ത് വാഹനത്തില്‍ പ്രവേശിച്ചുകഴിഞ്ഞാല്‍ ഡ്രൈവര്‍മാരുടെ ഫോണില്‍ നിന്ന് സുരക്ഷയ്ക്കായി സീറ്റ് ബെല്‍റ്റ് ധരിക്കാന്‍ ആവശ്യപ്പെടുന്ന ഓഡിയോ റിമൈന്‍ഡര്‍ പ്ലേ ചെയ്യും. ഒരു യൂബര്‍ റൈഡ് ബുക്ക് ചെയ്ത് വാഹനത്തില്‍ പ്രവേശിച്ച ശേഷം യാത്രക്കാര്‍ തങ്ങളുടെ സുരക്ഷയ്ക്കായി ബക്കിള്‍ ചെയ്യാന്‍ ആവശ്യപ്പെടുന്നു. ഇതിനോടൊപ്പം തന്നെ യാത്രക്കാരുടെ മൊബൈല്‍ ആപ്പിലേക്ക് ഒരു നോട്ടിഫിക്കേഷനും അയയ്ക്കും.

മനുഷ്യശബ്ദവും ഇന്‍-ആപ്പ് നോട്ടിഫിക്കേഷനും ഉപയോഗിച്ച് യാത്രക്കാരെ ഇത്തരത്തില്‍ സീറ്റ്‌ബെല്‍റ്റ് ധരിക്കാന്‍ ഓര്‍മ്മിപ്പിക്കുന്ന ഫീച്ചര്‍ ഊബര്‍ ആദ്യമായി പരീക്ഷിക്കുന്ന ആദ്യ രാജ്യമാണ് ഇന്ത്യ. ഒരു നോട്ടിഫിക്കേഷന്‍ ശബ്ദത്തിലൂടെ മാത്രമാണ് മറ്റ് രാജ്യങ്ങളില്‍ ഊബര്‍ റിമൈന്‍ഡറായി ഉപയോഗിക്കുന്നത്. സുരക്ഷയ്ക്കും നവീകരണത്തിനുമുള്ള ഉബര്‍ ഇന്ത്യയുടെ പ്രതിബദ്ധത ഇതിലൂടെ പ്രകടമാക്കുന്നു.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.